السلام عليكم

استفساري يا اخوان قدمت على فيزا سياحيه بريطانيه عن طريق المركز الموحد في الخبر

انا وزجتي العزيزه

بتاريخ 22/02/2019 تاريخ التبصيم

طلعنا من المركز وجاتني رسايل استلام الجوازات وجاري ارسالها للسفاره

بعد 8 ايام جاني مسج ان جوازي انا تم الانتهاء منه وارسلواه للمركز وجاهز للاستلام !

رحت المركز واستلمته ! طيب وجواز ام العيال ؟ قالوا لسه ماوصلنا !!!

مايصير انا مسويهم في وقت واحد كـ طلب واحد

حتى اذكر كلام الموظفه اللي استلمت اوراقنا قالت لي برفعهم لك كـ فاميلي

ليه جوازي يخلص وجوازها لا !!!!

الى هذا اليوم الخميس الجواز لاحس ولا خبر

وتاريخ السفر 29/03/2017

وش رايكم بالموضوع ياخبراء هل هذا الشئ طبيعي ؟

هل هناك رفض لاقدر الله للفيزا الاخرى ؟!!

المشكله المركز الموحد مايفيدك بأي شي !!! شغلتهم الوحيده يستلمون الطلب ويرسلونه

حتى لو ناقص مايعطونك اي معلومه !!!! وهذي سقطه قويه بحقهم

يعني لما استلمت مني الموظفه اوراقي مادققت ولا بحثت عن نواقص

وهالشي موترني !


ابي ارائكم الله يحفظكم يا اخواني

تحياتي