البحرين ...في أعيادنا الوطنية




طبعا ناقلنا الأول والأخير للبحرين هو السيارة
وجوازات المرور هي البطاقة المدنية
والحجز للفندق من موقع الفندق ليش أقول لكم اذا وصلنا جزئية الفندق

المسافرون الوالدين والبنات فقط
طلعنا بعد صلاة الفجر من البيت الساعة خمس وربع
وأول شي ترسنا السيارة بنزين




محطة البنزين




الزينة على كل بيت والمباني وهني شركة البترول




كان سفرنا يوم الجمعة 24 فبراير
والجو برييد



سفرت الدنيا يعني( بداية الشروق)




رحنا جهة استراحة ماكدونالد الجليعة علشان نسحب فلوس
محد يبي ريوق









هني تكثر المخيمات وكان الشارع خطر وخاصة للي بيرجعون الديرة والله يمكن تقعدون نص ساعة باللفة بس تبي السيارات تخف والشارع يفضى علشان تلف ما في مجال والحوادث كانت وايد

الحمدلله الحين الشارع كله جسور للدوران يمين ويسار

نفس هالجسر



لزوم البرد....والازرق موجود



المخيمات










شرايكم بس بالصورة




وصلنا منفذ النويصيب الساعة 6.15



والحمدلله مافي زحمة وخرجنا من منفذ الخفجي الساعة 6.45

واحنا هني ناخذ ماي وبوحسين راح شرى له شاي حليب وكرواسونة




وانا هني بدلت مكاني مع دانة السيارة صالون صغيرة وقعدت ورا مع البنات ومشينا وانا اخذت غفوة لأني ما نمت ليلتها ابدااا مادري ليش ما انام اذا وراي سفرة

هني منطقة رأس الخفجي



وصحيت واحنا هني منطقة شاطئ نصف القمر
الساعة 9.15






قربنا وجهزت البطايق عطيتهم دانة لأنها استلمت المهمة بدالي
وهذه في منطقة العزيزية والخزامى



والعزيزية والجسر ...المعلومات للاسماء من البوم الصور بالأيفون









العزيزية اشبيليا







والبرجين يرممونهم




الزحمة متوسطة هني بعد ما وصلنا للجمارك قال وين ام حسين ( السيارة بأسمي ) قال لازم تروحين تجددين البيانات
نزلت انا ونزلت معاي دانة ورحنا للمكان وبسرعة سواها وقال توكلوا على الله

ورجعنا للجمارك وانتهينا من الجوازات ووخلصنا وخلصنا من منفذ البحرين والوقت الحين 10.30













وأخيرا وصلنا الفندق في الساعة 10.45

نتابع معاكم في الجزء الياي

خليجنا واحد


ننتظر نشوف البحرين بعيونكم


مستمتعين

متااااابعين البحرين!

مشينا على اللافتات الى منطقة السيف




الحين وصلنا الفندق
وهو فندق وسبا رامي غراند




الحجز ببوكينغ لا يشمل الأفطار والسعر غالي والشقة ام غرفتين غير متوفرة وام 3 غرف وايد غالية كلها يومين
اما من نفس الموقع للفندق يتوفر الشقة لخمسة اشخاص من غرفتين مع الأفطار لمدة يومين بسعر 245 دينار كويتي


الفندق ببوكينغ والحجز



وحجزنا من الموقع






الأستقبال



مشروب الضيافة عصير تفاح منعش



قال لنا التشيك ان الساعة 3 الظهر واحنا الحين الساعه 10.45
قلنا احنا جاينك الساعه 2 حاول ان تكون جاهزة قال أحاول

قعدنا باللويي شوي وطبعا دخلنا نغسل بالحمامات في اللوبي وهذا تصوير اللوبي
الفندق مثل ما تركناه بسفرتي مع الوالدة سنة 2013 طبعا شبكنا انترنت على الفندق باللوبي ....ولما دخلنا
عطونا الباسورد برقم الغرفة النت ممتاز جدا












تكرمون الحمامات






المفروض انها سلة للفوط مو للكلينكس ...بس للأمانة ما شفت الفوط موجودة بالحمام



حاطين تلفزيون يعرض أفلام للأطفال



مجابلنا كافيه بالفندق












ضيافة التمر والقهوة









كان في تجهيز طاولات بوفيه ...سألته شنو عندكم قال انه لبوفيه الغدا ليوم الجمعه اعتقد قال السعر ب 8 دنانير للشخص...نزلنا الشنط وخليناهم عندهم وطلعنا على السيف نتمشى على ما يجهزون الغرفة




المواقف اغلبها سيارات كويتية ...سبارة رافعة اعلام الكويت



اول شي ندور الريوق...
بريدتوك الأفضل بهالوقت






الخيارات وايد



اختياري



ومن صالة المطاعم اخذت قهوة






بعد الريوق قعدنا نتمشى وأبو حسين صلى صلاة الجمعة بالمصلى بالسوق وماشاءالله الريايل يصلون بره ربي يزيد ويبارك بالمسلمين والمصلين.....










دخلنا محل نفس فيرجن اللي فيه أجهزة والعاب وجذيه






انا لازم ادش محلات اكسسورارات التلفونات احب اشوف




ولازم ازور اصغر علي ...وأكيد يستاهلون شوفو محتفلين بأعياد الكويت











اشتريت منهم بس تولة بخور..
بس مو من هذا




ولا من هذا






عقب عاد قلت يلا ضيفوني قهوة



بعد التسوق البنات ماقصروا بالتشري
طلعنا والى الفندق ...طبعا بوحسون تغدى لأنه متريق مبجر
وصلنا الفندق لقينا كعكي وغنومة تسترجع الطفولة



او اهي تعتبر طفلة ببعض الدول وعندي







نتطمن على الجناط اشوة موجودين وحطينا أكياس المشتروات الجديدة معاهم على ما نخلص التشيك ان
واستلام المفاتيح






ويلا ندخل شقتنا الغرفة 601
على فكرة المصعد ما يصعد الا لما تمرر الكرت للغرفة على الجهاز بالأصنصير




وهذه الصالة اول ما ندخل بوجهنا



قلنا لهم احنا حاجزين لخمسة اشخاص نحتاج سرير خامس
ويابوه لنا بنفس الوقت خلته دانه لها بالصالة علشان تتابع المسلسلات التركية من جهازها على راحتها






للشحن



طاولة الاكل



من دريشة الصالة






وهذا السيف مول جدامنا



وهذه صانعة القهوة والبنات تولوها



نوع القهوة



وهذه المكسرات اذا حابين تشترونها الأسعار موجودة






والثلاجة بعد مليانة محد فتحها ولا استعملناها حتى الماي كانت برودته حليوة ما يحتاج ثلاجة





المطبخ الصغيرون بس









المكرويف




وهذا الحمام بالصالة












الغرفة الرئيسية
على جهة اليسار من الشقة الغرفة كبيرة حلوة وايد



















وهذا من دريشتنا حمام السباحة بالدور الثالث




نشوف تكرمون الحمام للغرفة الرئيسية ...باب سحاب زجاج والطوفة زجاج يطل على الجاكوزي والمغاسل
والشور والمرحاض تكرمون كل واحد له باب ثاني




هذا الشور



وشسسمه



الجاكوزي







أدوات النظافة من بولغري ريحتهم تهبببببببل

عجييب ريحته






التلفزيون بالحمام




والخزانات غرفة بروحها















الغرفة الثانية



ميز التواليت والتلفزيون







ميز تواليت جانبي



كل سرير عنده بطل ماي...غير اللي بالصالة ما يحتاج تشترون من بره



حمامها



أي شي تبي زيادة منهم يوفرونه لك ...وطلبنا منهم فرش اسنان يابو بعد على العدد



وحتى أدوات حلاقة وفروها



الفندق وايد حلوو ونظيف ..عقب هالتصوير
ريحنا شوية ساعة
تابعوني شوفو وين رحنا عقب ما صحينا...