السؤال الاول بخصوص العمله ؟ **احترت بقد شعر راسي بخصوص هالمسأله من اللي اشوفه في المنتديات مدري وش الطريقة اللي اتخذها ! اخذ معي دولار ولا ليرات ولا ريال سعودي ؟ وين تنصحوني اصرف هنا في السعوديه(الاحساء) ولا في مطار البحرين ولا في تركيا ؟ ومعي فيزا الراجحي اللي تشحن فيها رصيد هل اخزن فيها مبلغ طائل وكم الرسوم اللي يخاذونها على كل عملية سحب ؟ وكم المبلغ اللي اخليه معي في جيبي طول فترة الرحله واللي هي تقريبا ً ١٠ ايام ؟ اعني في هالسؤال مالطريقة المثاليه اللي اتخذها في طريقة صرفي اللي تعتمد على عدم خسران مبالغ طائله وتكون دراهمي موفره بطريقة صرف صحيحه ؟ ياليت تركزون على هالجانب من السؤال !

الافضل حسب تجربتي تسحب من الصرافات بالبطاقة العادية حقت البنك على قدر حاجتك وترتاح من تحويل العملة .. بس لا تسحب الا مرتين كحد اعلى عشانهم ياخذون رسوم على السحب .. شف الصرافات في المول اللي جنب النوفتيل خطوتين برجليك .. وخذ معك فيزا تحاسب بها للفنادق وباقي الحجوزات .. وما يمنع تاخذ معك الف او الفين كاش سعودي عشان تطمئن ولا تستخدمهن الا اذا احتجت .

السؤال الثاني : افضل ترتيب تنصحوني فيه بحيث اني مبيت النيه اني ابيت في طرابزون اول ماوصل في فندق نوتفيل ؟ وعقب انطلق ل اوزنجول وأبيت فيها ٣ ايام وعقبها ابيت في ايدر يوم واحد وعقبها واللّه مدري وش اسوي : ) لكن اللي اعرفه انكم بتوجهوني خير توجيه اللّه يعطيكم العافيه .. ايه وبعد تذكرت والله ودي ازور سامسون بس اخاف اضغط على نفسي وشرايكم يمدي ازورها ولا ؟ ماستغني عن توجيهاتكم ابد ..
شف انت في موسم مافيه ذيك الزحمه مره فلا تربط نفسك بحجوزات فنادق .. يعني نم الليلة الاولى في النوفتيل ومن بكره اطلع اوزنجول وشف الفندق اللي يعجبك واجلس الايام اللي تشوفها تكفي ومنها لايدر وشف كم تجلس وهكذا .

السوال الثالث : نويت احجز فندق النوتفيل من الحين وباقي الفنادق وتاجير السياره مباشره من الراس للرأس يعني في نفس الوقت ؟ هل طريقتي صحيحه ؟ ومالسياره اللي تنصحوني فيها بحيث أن حنا شخصين فقط وتكون قويه في المرتفعات وسعره مناسب في نفس الوقت ؟**
تمام تخطيطك من مطار طرابزون خذ السيارة اللي تناسبك .. والشركان العالمية موجودة وانا تعاملت مع شركة افيس صراحة تعاملهم طيب

السوال الرابع : هل الوقت الذي ساذهب فيه سيكون برد و زحمة عالم وغلا في الاسعار او العكس ؟**
مناسب

السوال الخامس : ١٢ الف توقعكم تكفي خلال هالمده التي ساقضيها في الشمال من دون تذاكر الطيران طبعا ً ؟**
تكفي ان شاء الله

السوال السادس : بغيت اخذ رايكم في القارمن هذا ؟ يفي بالغرض في الشمال او لا ؟ وناوي اخذه عشان سعره مناسب ! تفضلو صورته ..
انا استخدمت نوفي 50 صراحه استفدت منه كثير خاصة في المرتفعات والقرى البعيدة .. وانصحك تخزن احداثيات الاماكن اللي بتزورها قبل تسافر تحصلها كثير في النت .

ورحلة سعيدة ان شاء الله