السلام عليكم و رحمة الله وبركاته ..


اول شيء : قواكم الله والله يجزاكم خير على الجهود اللي تبذلونها ، ويعجز الكلام عن شكركم الصراحه لكن اعلمو اننا ندعي لكم في ظهر الغيب ..


ثاني شيء : محسوبكم اول مره يسافر خارج دول الخليج ولكن لا ينتابني خوف والحمدلله ، ولكن يوجد لدي تساؤلات عده ولعل بعد اجاباتكم استطيع اجد ضالتي ..**
واللّه يعيينكم علي اسألتي الغثيثه واسمحو لي ترا احب افصل كل شيء لذلك تحملوني و الله يكتب لكم الاجر : )**

النيه ان شاء اللّه للشمال التركي .. الاقلاع سيكون بإذن اللّه سيكون السبت تاريخ : 13/مايو/2016 الساعه : 2:55 صباحاً .. من مطار البحرين على طيران بيجاسوس التركي والوصول سيكون بإذن اللّه ل مطار صبيحه الساعه : 7:15 صباحاً ، مدة التوقف اعتقد ستكون ساعتين ونصف والاقلاع سيكون بمشيئة اللّه لطرابزون الساعه 9:45 صباحاً **والوصول سيكون بإذن اللّه **11:40 صباحاً لطرابزون في نفس التاريخ طبعاً .. والعوده ستكون بإذن الله في تاريخ 23/مايو/2017 الساعة 18:05 اعتقد راح تكون الساعة 6 المغرب تقريباً طبعاً انا اقصد هذا موعد العوده من مطار طرابزون الى مطار صبيحة ثم الى مطار البحرين ..**طبعاً الرحله حجزتها مره وحده يعني مارحت احجز مرتين ل صبيحة ول طرابزون كلها في سير واحد .. اتمنى فهمتوني ! واستفسار بخصوص العفش هل استلمه في مطار صبيحه ولا مطار طرابزون ؟ < هذا طبعاً استفسار مو سؤال !**

اسئلتي ومادراك ماسئلتي ؟؟؟؟**

السؤال الاول بخصوص العمله ؟ **احترت بقد شعر راسي بخصوص هالمسأله من اللي اشوفه في المنتديات مدري وش الطريقة اللي اتخذها ! اخذ معي دولار ولا ليرات ولا ريال سعودي ؟ وين تنصحوني اصرف هنا في السعوديه(الاحساء) ولا في مطار البحرين ولا في تركيا ؟ ومعي فيزا الراجحي اللي تشحن فيها رصيد هل اخزن فيها مبلغ طائل وكم الرسوم اللي يخاذونها على كل عملية سحب ؟ وكم المبلغ اللي اخليه معي في جيبي طول فترة الرحله واللي هي تقريبا ً ١٠ ايام ؟ اعني في هالسؤال مالطريقة المثاليه اللي اتخذها في طريقة صرفي اللي تعتمد على عدم خسران مبالغ طائله وتكون دراهمي موفره بطريقة صرف صحيحه ؟ ياليت تركزون على هالجانب من السؤال !

السؤال الثاني : افضل ترتيب تنصحوني فيه بحيث اني مبيت النيه اني ابيت في طرابزون اول ماوصل في فندق نوتفيل ؟ وعقب انطلق ل اوزنجول وأبيت فيها ٣ ايام وعقبها ابيت في ايدر يوم واحد وعقبها واللّه مدري وش اسوي : ) لكن اللي اعرفه انكم بتوجهوني خير توجيه اللّه يعطيكم العافيه .. ايه وبعد تذكرت والله ودي ازور سامسون بس اخاف اضغط على نفسي وشرايكم يمدي ازورها ولا ؟ ماستغني عن توجيهاتكم ابد ..

السوال الثالث : نويت احجز فندق النوتفيل من الحين وباقي الفنادق وتاجير السياره مباشره من الراس للرأس يعني في نفس الوقت ؟ هل طريقتي صحيحه ؟ ومالسياره اللي تنصحوني فيها بحيث أن حنا شخصين فقط وتكون قويه في المرتفعات وسعره مناسب في نفس الوقت ؟**

السوال الرابع : هل الوقت الذي ساذهب فيه سيكون برد و زحمة عالم وغلا في الاسعار او العكس ؟**

السوال الخامس : ١٢ الف توقعكم تكفي خلال هالمده التي ساقضيها في الشمال من دون تذاكر الطيران طبعا ً ؟**

السوال السادس : بغيت اخذ رايكم في القارمن هذا ؟ يفي بالغرض في الشمال او لا ؟ وناوي اخذه عشان سعره مناسب ! تفضلو صورته ..



----------------------------------------------------------------------------------------------------------------------------------------------


والف شكر لكم واتمنى تجاوبوني بالإجابة المقنعه من خلال تجاربكم ، وسامحوني سامحوني ادري اني غثيث **لكن ابي اسافر وانا ضامن كل شيء وعارف ومطمئن ومرتاح نفسياً واللي راح يكون بمشيئة الله بفضل الله ثم فضلكم****.. وفقكم الله لما يحبه ويرضاه "دمتم بخير" .**