صباح الخير او مساء الخير كلن حسب وقته

السنه هذي قررت ابعد شوي واجوب اوربا طبعا احتاج ارشادتكم

مخطط الرحله بيكون 13 يوم بازور فيها النمسا المانيا فرنسا واختمها بهولندا

ترتيب المدن والايام

فيينا يوم واحد
سالزبورغ يومين باستخدم القطار
زيلامسي يومين باستخدم القطار
ميونخ يومين بالقطار
قارمش يوم واحد
نانسي يوم واحد
باريس يومين
امستردام يومين وبروح لها بالطياره

وش رايكم بالترتيب

الرحله بتكون ان شاء الله في سبتمبر

شاكره لكم

صموته

هلا فيج صموته من زمان عنج وعن تقاريرج الجميله

اشوف رحلتج بتكون متعبه وايد وما تعطين كل مدينه حقها
١٣ يوم ركضه ركضه ليش
يا تزيدين الفتره على الاقل ٢٠ يوم او تقللين المدن هذا رأيي
وان شاءالله الخبراء بيفيدونج اكثر

وعليكم السلام ورحمة الله وبركاته

وماقصرت مراقبتنا ام حسين
ومعاها الرحلة ماتكون مريحة وموفقة
كله تنقل والاهم شك إن شك أوت

بهذا المخطط
تحذفين غارميش و انسي وفيينا
الوصول ميونخ والعودة امستردام
من مطار ميونخ إلى سالزبورغ ليلتين
زيلامسي 3 ليالي
ميونخ ليلتين
باريس 3 ليالي
امستردام 3 ليالي

هلا صموته شاخبارج
احس جدولكم مضغوط وايد ماراح تستمتعون من كثره التنقلات والتعب حاولي تزيدين المدة او تقللين المناطق
برايي اختاري بين سالزبورغ وزلمسي وكنسلي انسي وقارمش
لانه المسافات بعيده بينهم

ياهلا ومرحبا اختي

وانا معاهم اختي التنقل كثير على 13 يوم

اذا تنقلاتكم كلها بالقطار الافضل نلغي بعض المناطق
ونرتب الرحله مريحه تناسب القطار لانها تختلف عن السياره


والاهم عندي تلغين ميونخ
ونانسي منطقه استراحه حلوه من قبل باريس
لو انتي في بادن بادن او ستراسبورغ
ممكن اقولك ممكن تروحون نانسي


لكن المسافه لها بعيده من قارمش
وانتي واصله زيلامسي وبعدها ميونخ وبعدها قارمش غير مناسب

واذا تبغين تستخدمين الطيران
لاتستخدمينه من باريس الى هولندا
الافضل تستخدمينه من ميونخ الى باريس
اما من باريس الى هولندا الافضل قطار

اذا تبغين نفس المدن الي ذكرتيها مع الغاء بعظها
راح ارتبها من جديد بالقطار

واذا تبغين مخطط جديد ومناسب للقطار وبنفس الخط ممكن ارتبها لج من جديد

اذا الحجز ما تم للحين انا مع مراقبتنا الوصول يكون ميونخ وتعكسين المخطط
تروحين قارمش وبعدها زيلامسي واخيرا سالزبورغ
ومن مطار سالزبورغ الى باريس طيران
ومن باريس بالقطار الى هولندا

هذا انسب شي

https://www.google.com.eg/maps/dir/%...2d47.80949!3e0