نارا او مياجيما

abeeral · 29-03-2017, 02:00 AM

السلام عليكم
انا بعد باجر سفرتي لليابان ان شاء الله
لكن عندي استفسار بخصوص نارا وجزيره ماياجيما

انا بقعد في اوساكا خمس ليالي
اليوم الاول بخليه تمشيه ف اوساكا واليوم الثاني كيوتو والثالث يونفيسال ستيديو
بقى عندي اليوم الرابع احترت بين جزيره مياجيما ونارا حسيتهم متشابهين
ونارا بحثت عنها ماحصلت كثير اماكن اروحها و مياجيما بعيده عن اوساكا
ف شنو اللي اكثر تستاهل الزياره

وكيف اوصلهم

Prince Kytu, wanderer, آخـــرفـــرصـــة و 1 آخرون معجبون بهذا.

Prince Kytu · 29-03-2017, 06:15 AM

وعليكم السلام
ممكن تزور نارا قبل كيوتو في نفس اليوم لأنها قريبة
وتستفيد من يوم آخر ممكن تزور فيه كوبي أو تستقل يوم بزيارة أماكن أخرى داخل اوساكا

توبليرون, فيصل و آخـــرفـــرصـــة معجبون بهذا.

abeeral · 29-03-2017, 12:06 PM

اخوي ممكن بعد اعرف لو ابي اروح من اوساكا الى هيروشيما لازم يكون قطار الطلقه ؟
ولاعادي بالمترو لانه احنا ماخذينا البطاقه اللي تشمل قطارات jr
لانه نحن بناخذ بطايق سويكا للتنقل وللي اعرفه انه قطارات الطلقه مكلفه شوي لو انتقل للمدن البعيده

وبعد سوال ثاني لو اريد اروح لكيوتو لازم بعد قطار الطلقه ولا اي قطار عادي ؟

وبالنسبه لطوكيو بنروح من اوساكا الى طوكيو بالقطار الطلقه واريد اعرف هل راح نوصل لمحطه طوكيو الرئيسيه
لاني ناويه ازور المحطه بسبب محلات الانمي اللي فيها

واخر سوال شنو الافضل للزياره برج طوكيو او برج سكاي تري
وهل اقدر استري التذاكر اون لاين تفاديا للزحمه ؟

توبليرون و فيصل معجبون بهذا.

Prince Kytu · 29-03-2017, 01:37 PM

في البداية أعتذر أختـي كنت كاتب بصيغة مذكر في الرد الأول بالخطأ

بالنسبة للأسئلة
- للذهاب إلى هيروشيما لازم قطارات الـ JR وفعلا مكلفة الرحلة ومتعبة للذهاب والعودة بنفس اليوم لذلك أنصح بـ نارا لأنها قريبة ومو مكلفة مثل هيروشيما

- للذهاب إلى كيوتو يوجد طريقين إما بقطارات JR إلى محطة Kyoto بقيمة 550 ين للذهاب أو بخط Hankyu ينطلق من محطة Umeda إلى محطة Arashiyama بقيمة 400 ين للذهاب

- من أوساكا إلى طوكيو طبعا القطار راح يتوقف في المحطة الرئيسية Tokyo في طوكيو

- من الناحية الترفيهية أفضل برج طوكيو على سكاي تري لأنه في قسم ثيم بارك الأنمي (ون بيس) والطابق العلوي إطلالة على المدينة بالإضافة إلى المطاعم
سعر تذكرة الصعود للبرج بـ 900 ين
سعر تذكرة الصعود + عالم ون بيس بـ 3,900 ين

- سكاي تري هو البرج الأعلى وكإطلالة أكيد بتكون أفضل بسبب الارتفاع لكن ازدحام لهذا السبب ما صعدته ولكن المجمع إلي فيه البرج ممتاز وأنصح بزيارته
سعر تذكرة الدخول السريع 3,000 ين للطابق 350 أما إلى الطابق 450 بقيمة 4,000 ين
وتوجد أسعار أخرى للحجز المسبق تكون التكلفة تقريباً 2,000 ين للطابق 350 ومع الطابق 450 تكون التكلفة 3,000 ين تقريبا
وممكن الحجز أونلاين ((هنا))

توبليرون, فيصل, wanderer و 1 آخرون معجبون بهذا.

الشبح100000 · 29-03-2017, 11:18 PM

يعني ماله داعي اشتري بطاقة ال JR قبل مااسافر اقدر اشتريها من هناك؟؟؟

فيصل, توبليرون, Prince Kytu و 1 آخرون معجبون بهذا.

abeeral · 30-03-2017, 12:03 AM

الله يجزاك خير اخوي مشكور وماقصرت

لكن بالنسبه لجزيره اودايبا
كم تبعد عن طوكيو وكيف اقدر اوصلها بالقطار

وحابه ازور هالمكان اذا كان لك علم عنه من اي محطه اروحله
Odaiba Tokyo Oedo-Onsen Monogatari

Prince Kytu, آخـــرفـــرصـــة و توبليرون معجبون بهذا.

Prince Kytu · 30-03-2017, 12:27 AM

اقتباس : المشاركة الأصلية كتبت بواسطة الشبح100000

يعني ماله داعي اشتري بطاقة ال JR قبل مااسافر اقدر اشتريها من هناك؟؟؟

إذا كنت تقصد البطاقة المخفضة لمدة اسبوع أو اسبوعين أو ثلاثة (JR Pass) فهي فقط متوفرة أونلاين قبل السفر تطلبها أما التذاكر اليومية للـ JR لكل رحلة تقدر تشتريها هناك

أختـي هي أصلا تابعة لـ طوكيو ويعتمد البعد حسب مكان سكنك
أقرب مكان لها هي محطة Shimbashi
لأنها محطة الانطلاق إلى أودايبا بخط قطارها الخاص

من محطة القطار Shimbashi
تاخذين القطار التابع لخطوط Yurikamome
وتنزلين عند محطة Telecom Center
وهذي خريطة محطات أودايبا ((هنا))

آخـــرفـــرصـــة, توبليرون و فيصل معجبون بهذا.

abeeral · 30-03-2017, 12:36 AM

اقتباس : المشاركة الأصلية كتبت بواسطة Prince Kytu

إذا كنت تقصد البطاقة المخفضة لمدة اسبوع أو اسبوعين أو ثلاثة (JR Pass) فهي فقط متوفرة أونلاين قبل السفر تطلبها أما التذاكر اليومية للـ JR لكل رحلة تقدر تشتريها هناك

أختـي هي أصلا تابعة لـ طوكيو ويعتمد البعد حسب مكان سكنك
أقرب مكان لها هي محطة Shimbashi
لأنها محطة الانطلاق إلى أودايبا بخط قطارها الخاص

من محطة القطار Shimbashi
تاخذين القطار التابع لخطوط Yurikamome
وتنزلين عند محطة Telecom Center
وهذي خريطة محطات أودايبا ((هنا))

محطة Shimbashi وين تقع
انا بسكن في شينجكو ف اي محطة اخذها عشان اوصل لاودايبا

آخـــرفـــرصـــة, توبليرون, Prince Kytu و 1 آخرون معجبون بهذا.

Prince Kytu · 30-03-2017, 12:52 AM

من محطة Shinjuku عن طريق الميترو بالخط الوردي
تركبين الميترو وتنزلين عند محطة Shiodome
بمحطة Shiodome راح تبحثين عن علامة خط Yurikamome
وهذا شكل شعارهم

وتركبين القطار وتنزلين عند المحطة إلي تبينها في أودايبا
طبعا أشهر محطة إلي قريبة من أغلب الأماكن في أودايبا اسمها Daiba
مدة الرحلة 40 دقيقة تقريباً
وإذا في أي استفسار آخر أختـي أنا حاضر

آخـــرفـــرصـــة, wanderer, توبليرون و 1 آخرون معجبون بهذا.

wanderer · 31-03-2017, 10:37 AM

يعطيكم العافية بصراحة استفدت من الموضوع .. من الاسئلة والاجابات

انا سفرتي بعد كم يوم وماعندي للحين ترتيب واضح لجدول الرحلة .. ف حابه افكر معاكم بصوت عالي ..

اسمحولي اتدخل شوي بما ان وضعي تقريبا مشابه لصاحبة الموضوع

بس ايامي اقل بتكون 4 ليالي في اوساكا .. بس اول ليلة الوصول متأخر جدا ف فعليا عندي 3 ايام

فكرت اخذ تور يجمع بين (هيروشيما و مياجيما) بنفس اليوم بس طبعا الرحلة بتكون فل دي ومكلفة شوي ..

ماعندي مشكلة مع التكلفه خصوصا انه احتمال ما اكررها لنفس الاماكن بس المشكله احس الايام ماتكفي و بنفس الوقت متشوقة لهيروشيما

والمشكلة الوقت ضيق وعندي اماكن ثانية ابي ازورها خصوصا انه كيوتو احس ماتكفيها يوم ف ابي اقسمها على يومين لانه ابي ازور فوشيمي اناري و اراشياما و منطقة Gion وممكن بعض المعابد اللي تكون جميله مع الساكورا ..

نارا ان شاءالله راح ازورها في نص يوم .. يبقى لي يونيفرسال استوديوز بس مو اولوية عندي ..

ف حاليا الخطة الاولى :

اليوم الاول : نتمشى في اوساكا و باقي اليوم في يونيفرسال استوديوز او كامل اليوم في اوساكا اذا كنا تعبانين
اليوم الثاني : كيوتو ونارا
اليوم الثالث تكملة الاماكن في كيوتو

او

اليوم الاول : اوساكا + كيوتو
اليوم الثاني : تور هيروشيما + مياجيما
اليوم الثالث : نارا + كيوتو

فيصلمعجبون بهذا.