للتوفير أخف عدة للطبخ - الصفحة 2

طوق الياسمين · 25-02-2015, 12:57 AM

حلوة الفكرة
شكلي راح اطبقها بسفرتي القادمة ان شاءالله

انا عدت القهوة العربية معاي بكل بقاع الدنيا

لمن رحت الامارات قلت ماني شايلتها

لكن قهوتهم مو زينا وصكني راسي 5ايام

شكرا اختي

الغردقاوي · 25-02-2015, 01:11 AM

فكرتها جدا ممتازه وتوفر كثيرا في المساحه
يعطيكي العافيه

السفيرة *ب* · 25-02-2015, 02:03 AM

اقتباس:
المشاركة الأصلية كتبت بواسطة أبوعبدالله (الاسفار )
عليكم السلام

عجبتنا الفكرة ..

حنا نحمل معانا ( غلاية البيض ) الكهربائيه
و غير الاجبان بانواعها من باب التغيير و تخفيف بعض اعباء الميزانية

شكرا لك الموضوع جدا مفيد

ننتظر جديدك

العفو مشرفنا العزيز أبوعبدالله أسعدني تشريفكم لموضوعي

هذا الجدر يغنيك عن غلاية البيض ولكن عليك اغلاق زر الجدر عند نضوج البيض

أما الرز فهو يطفئ أوتوماتيك .

أنا لا أثق بشراء الجبن من الدول الأوروبية ولا المطاعم .

السفيرة *ب* · 25-02-2015, 02:11 AM

اقتباس:
المشاركة الأصلية كتبت بواسطة عامر الزعابي
يعطيك العافية على الفكرة الممتازة

ربي يعافيك مشرفنا العزيز عامر الزعابي ونورت الموضوع

السفيرة *ب* · 25-02-2015, 02:23 AM

اقتباس:
المشاركة الأصلية كتبت بواسطة ابو سلوى
معلومات مهمة ومفيدة خصوصاً الجدر (القدر) الكهربائي صحيح طبخنا فيه ومانجحت الكبسة لكن الجايات أكثر بإذن الله ..
أما التونة فلا تصاحبني أبداً
مشكورة أختنا/ السفيرة *ب*

العفو أخوي ابو سلوى أسعدني مرورك العطر

الحمدلله كل طبخاتي فيه ناجحة أما الكبسة تبيلها شغلة مو مثل المكبوس كله على بعض وبالهنا

والتونه مهمة عندنا مثل القطاوه

السفيرة *ب* · 25-02-2015, 02:41 AM

اقتباس:
المشاركة الأصلية كتبت بواسطة busy1
ممتاز

شيكي ذي رايك فيها

النتيجه ذي الحقيبه

وخفيفه جدا راح تروح البوسنة عندها شغل

ما شاء الله ممتازة وعليكم بالعافية أخوي busy1

فكرتها حلوة للشقق والكشتات أما الجدر الكهربائي للفندق .

يمكن نلتقي فيها بشهر ابريل بإذن الله

أشكر مرورك ودمت بحفظ الرحمن

السفيرة *ب* · 25-02-2015, 03:16 AM

اقتباس:
المشاركة الأصلية كتبت بواسطة عناقيد الربيع
حلو للي يحب يطبخ شكراااا جزيلاااا ع المعلومة

ما اتخيل نفسي مسافرة واطبخ

لاااااااااااا مستحيل الله يخلي المطاعم

لعوزه والله اشفقوا ع معشر النساء

بعدين وين المتعة بالطبخ ؟!

احد يفهمني ؟!

"دمتي بحفظ الرحمن خيتو"

العفو أختي الغالية عناقيد الربيع أسعدني تواجدك العطر

حبيبتي الطبخ مو كل يوم بس في أوروبا وشرق آسيا

إذا ما وجدت المطاعم العربية أو الحلال !!

ونعتمد على الأكلات السريعة الضارة بالصحة والغير حلال

الحل انه نتصبر بأي شيء يسد الجوع لغاية ما نوصل

الفندق في آخر الرحلة ونطبخ

لهذه الأسباب نضطر للطبخ بالفندق وبالعكس أكل

نظيف وصحي وحلال وما ياخذ وقت

واحنا لازم نشفق على أنفسنا وعيالنا

والأمر راجع لكِ والتجربة خير برهان

حفظك الله وأسعدك بالدارين حبيبتي .

السفيرة *ب* · 25-02-2015, 03:27 AM

اقتباس:
المشاركة الأصلية كتبت بواسطة **نونا**

تسلمين على الافكار التوفيرية..

ربي يسلمك غاليتي **نونا** نورتي الموضوع

حفظك الله وأسعدك بالدارين

السفيرة *ب* · 25-02-2015, 04:04 AM

اقتباس:
المشاركة الأصلية كتبت بواسطة ام عزيـــز

ما شــــاء الله ...

اذا سافرنا مع الاسره ضروري ناخذ عدة طبخ , وانا افضل اخذ قدر قديم
و شغلات ما ارجع فيها , يعني اتخلص منها في البلد اللي مسافره له ..
عشان اوفر حيز في الشنط .

و عزيزتي عناقيد الربيع , و الله مافي الطبخ متعه , خاصةً اذا توك صاحيه من النوم و سيده عالطبخ
بس الظروف تحكم , فيه ناس تتعب من اكل المطاعم , اطفال ..... الخ .
غير انه سبحان الله طبخ البيت يشبع و يقوي في السفر ..

الف شكر غاليتي السفيره .. موضوع مهم .

العفو أختي الغالية ام عزيـــز نورتي الموضوع

بالنسبة للقدر القديم إذا كنتِ رايحه رحلة أما إذا كنتِ بشقة

فإنه يتوفر فيها قدور أحجام ،

وأما القدر الكهربائي فلا غنى عنه في كل سفراتي .

وفكرة الشغلات ما نرجع فيها صحيحة 100% لأنها تاخذ حيز كبير

مثل أدوات الطبخ البلاستيك والأكل الزائد والمعلبات نوزعها لعمال النظافة

وسائق تاكسي المطار صدقة تكفينا من شر الطريق وأجر .

ويمكن الطبخ ما فيه متعة بس إذا كان لك ولزوجك وعيالك فيه راحة نفسية

وأول الصبح ما فيه طبخ غير الحليب وبيض أما الخبز والكرواسون جاهز

وصحيح الظروف تحكم وخاصة إذا كان معاكم أحد مريض

أو أطفال أو في بلد غير مسلم

وأنا معاك انه طبخ البيت يشبع ويقوي في السفر وبعد لذيذ ونكهته غير

حفظك الله وأسعدك بالدارين

السفيرة *ب* · 25-02-2015, 04:12 AM

اقتباس:
المشاركة الأصلية كتبت بواسطة MOBARKI
فكرة حلوه يعطيك العافية

ربي يعافيك أخي الكريم MOBARKI

والأحلى مرورك العطر ودمت بحفظ الرحمن