للتوفير أخف عدة للطبخ

السفيرة *ب* · 24-02-2015, 02:58 AM

بسم الله الرحمن الرحيم

السلام عليكم ورحمة الله وبركاته

للتوفير أخف عدة للطبخ

أخواتي واخواني الأعضاء الكرام

الكل يحب السفر والكل يسأل عن الميزانية التي تحتاجها السفرة من :

السكن والمواصلات والأكل والسياحة والترفيه وكلها حسابات لها أول ومالها آخر .

وبما اني كثيرة الأسفار حبيت أعطيكم فكرة عن توفير مصروف الأكل لبعض الأيام وهي :

( عدة الطبخ ) أول ما يوضع في الشنطة هو: الجدر الكهربائي

AUTOMATIC RICE COOKER سعة 1,8 لتر

استعماله سهل وآمن في الفنادق ، يطبخ فيه الرز الأبيض والمكبوس

( والشوربة يترك بدون غطاء ) والمرق والفول والخ .

يوضع الجدر بكرتونه ويوضع بداخله البهارات ومفك العلب والسكين والملاعق وغيرها .

غلاية الماء الكهربائية متوسطة الحجم وعدد ؟؟؟ ملاعق وصحون وأكواب ومغرفة الرز من نوع

ملامين ( بلاستيك ) وسكين يفضل ذات غطاء أو تلف بالقصدير جيداً والبهارات والشاي والقهوة

ودلة صغيرة للقهوة والأجبان والرز حتى الحليب (علب صغيرة في كيس )

ولا تنسون التونة المفضلة لديكم

توضع الأغراض مع الملابس أو في شنطة صغيرة .

احرص على أخذ كل ما خف وزنه من الأدوات

أتمنى الفكرة عجبتكم .

ام جسوميمعجبون بهذا.

أبوعبدالله (الاسفار ) · 24-02-2015, 05:59 AM

عليكم السلام

عجبتنا الفكرة ..

حنا نحمل معانا ( غلاية البيض ) الكهربائيه
و غير الاجبان بانواعها من باب التغيير و تخفيف بعض اعباء الميزانية

شكرا لك الموضوع جدا مفيد

ننتظر جديدك

عامر الزعابي · 24-02-2015, 07:08 AM

يعطيك العافية على الفكرة الممتازة

ابو سلوى · 24-02-2015, 08:51 AM

معلومات مهمة ومفيدة خصوصاً الجدر (القدر) الكهربائي صحيح طبخنا فيه ومانجحت الكبسة لكن الجايات أكثر بإذن الله ..
أما التونة فلا تصاحبني أبداً
مشكورة أختنا/ السفيرة *ب*

busy1 · 24-02-2015, 09:54 AM

ممتاز

شيكي ذي رايك فيها

النتيجه ذي الحقيبه

وخفيفه جدا راح تروح البوسنة عندها شغل

عناقيد الربيع · 24-02-2015, 01:04 PM

حلو للي يحب يطبخ شكراااا جزيلاااا ع المعلومة

ما اتخيل نفسي مسافرة واطبخ

لاااااااااااا مستحيل الله يخلي المطاعم

لعوزه والله اشفقوا ع معشر النساء

بعدين وين المتعة بالطبخ ؟!

احد يفهمني ؟!

"دمتي بحفظ الرحمن خيتو"

**نونا** · 24-02-2015, 01:53 PM

اقتباس : المشاركة الأصلية كتبت بواسطة busy1

ممتاز

شيكي ذي رايك فيها

النتيجه ذي الحقيبه

وخفيفه جدا راح تروح البوسنة عندها شغل

ماخليت شي المطبخ كله بشنطتك..

**نونا** · 24-02-2015, 01:54 PM

تسلمين على الافكار التوفيرية..

ام عزيـــز · 24-02-2015, 03:34 PM

ما شــــاء الله ...

اذا سافرنا مع الاسره ضروري ناخذ عدة طبخ , وانا افضل اخذ قدر قديم
و شغلات ما ارجع فيها , يعني اتخلص منها في البلد اللي مسافره له ..
عشان اوفر حيز في الشنط .

و عزيزتي عناقيد الربيع , و الله مافي الطبخ متعه , خاصةً اذا توك صاحيه من النوم و سيده عالطبخ
بس الظروف تحكم , فيه ناس تتعب من اكل المطاعم , اطفال ..... الخ .
غير انه سبحان الله طبخ البيت يشبع و يقوي في السفر ..

الف شكر غاليتي السفيره .. موضوع مهم .

MOBARKI · 24-02-2015, 09:29 PM

فكرة حلوه يعطيك العافية