السلام عليكم ويسعد مساكم

ماشاء الله مشاركات الاعضاء تفتح النفس
لي عودة


أرسلت بواسطة iPhone بإستخدام Tapatalk

يسعد مساكم
اليوم تذكرت ان اصور ... واجرب لاول مرة برنامج تاباتلك ومثل ما وعدتكم اني اشارككم بعض طبخاتي واللي اتمنى ان تعجبكم ...
اليوم عملت اكلة سريعة وبسيطة وتحبها الجماهير "فاهيتا" مكسيكي


المكونات: كيلو صدور دجاج - غم بصل - اربع حبات فلفل ملون احمر واصفر وبرتقالي او حسب المتوفر - علبة فطر او فطر فرش - علبة ذرة - جبنة موتزريلا - بهارات الفاهيتا - صويا صوص - فلفل اسود

الطريقة : هناك من يقلي كل المواد كل على حدة ويضعها في الفرن انا اشوف ماله داعي اسويها على الغاز مباشر اسرع واطعم تبقى المواد تحتفظ بطعمها ..

اولا اضع الصينية على النار واضيف قليلا من زيت الزيتون ومن ثم الدجاج وعلى الجهة الاخرى - لاني اشغل اثنان من عيون الغاز اضع البصل





ومن ثم اضيف الاشياء تباعا مع التحريك المستمر





اضيف الصويا صوص والبهارات للدجاج




واضيف الجبنة اخيرا واعطيها قليلا واصبحت جاهزة



اتمنى ان ينجح. تنزيل الموضوع واتمنى يعجبكم




أرسلت بواسطة iPhone بإستخدام Tapatalk

تسلم الأيديات يامراقبتنا العسل
شكله يشهي واايد وااايد
عجيبة الفاهيتا

تنزيل الموضوع تمام التمام بس الصور اختاري الحجم الوسط احسن لان الظاهر انتي مختارة اصغر حجم
تقدرين تعدلين من نفس البرنامج

عوافي بوحسن باين ام حسن طباخة ممتازة
تسلم الايادي
السلطة لابد من تصويرها مرة ثانيه

وام ريم بالعافيه القرص العقيلي
أكيد بتضبط دام فاتحة الفرن من أسبوع
بالعافية يارب

يلا بحط لكم طبخة معتبرة

مطبق هامور غدانا اليوم



هني اشوح البصل المفروم وحط عليه كل شوي ماي لحد ما يتلون البصل باللون البني

وبعدين احط الثوم والزنجبيل المهروسين
وبعدها الطماط

اضيف الزيت وبعض من الزيت اللي قلينا فيه السمك
وبعدين احط البهارات والكزبره والشبنت


هذه البهارات اللي استخدمتها





بهارات السمك وفلفل اسود وكركم وشوية هيل ودارسين بودر شويه
بودر لومي اسود او تحطون لومي حب عادي .... ملح شويه لان انا حاطه مع الماي ملح ومع زيت اقلي للسمج بعد فيه ملح

بعد ما يطبخ شويه اضيف نص كمية العيش واخلطها عدل بالخلطه








اضيف السمج المقلي على العيش ....اكيد مو كل السمج بس القطع الكبيرة










وبعدين اكمل احط باقي العيش على السمج علشان يغطيه




اصب الماي الحار لحد ما يغطي العيش بشويه





واحرك الجوانب للعيش وبعد اهز الجدر بكبره علشان يتساوى الماي والعيش بكل مكان






واخليه على النار وسط وبس ينزل الماي احط باقي السمج فوقه واقصر على النار















وهذا صحن بوحسين





شايفين شنو نقدم معاه لازم دقوس الطماط والخضره لبوحسين
شايفين العلبه اللي مثل المعجون هذا منتج اسمه الدقوس الكويتي
هذا بديل عن دقوسنا يحبه بوحسين ودايما يكون معانا بالسفر


وصوره لكم نبدع فيها






ودام اني مصوره يعني انا طابخه



أرسلت بواسطة iPad بإستخدام Tapatalk

تسلمين نانا
شفتي صورة البهارات في علبة مكتوب عليها زعتر بري هههه
عندي طباختي عليا اي علبه تخلص تغسلها وتستخدمها للبهارات الثانيه هني حاطه كركم فيها

حبيت اوضح لكم لاني توني اشوفها