مطبخ أعضاء العرب المسافرون - الصفحة 57

طوق الياسمين · 09-06-2017, 05:33 PM

الله يسلمكم جميعاً
تسلمون

اليوم بسوي عيش السرايا
انزلكم الوصفة والصور اذا خلصت

q8ya metnaqla · 10-06-2017, 12:06 PM

بوب كورن جكن بالصوص الصيني

المقادير

الطريقه
نحمس اول شي اشوية ثوم بزيت سمسم

وبعدين نضيف اشوية سمسم

وبعدها نقلي الدياي

ونضيف الصلصتين اويستر وسويت chilli

النهاية

الدياي يقدم مع عيش ابيض بس احنا كليناه بروحه الاكل وايد ماشاءالله

وحمص بالسبانخ

خذيت علبتين حمص من راعي النخي

وضفت معاه فص ثوم - ليمون - روب - طحينه وسبانخ
وفرمتهم مع النخي

وطلع معاي هالحمص اللذيذ

وبالعافيه

Sent from my iPhone using Tapatalk

|القحطاني|, توبليرون, الركيب و 4 آخرون معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

ام الياس · 10-06-2017, 05:15 PM

يسلمو وصفات رائعه

توبليرون و نانا ابو عابد معجبون بهذا.

توبليرون · 10-06-2017, 06:11 PM

الدياي والحمص طريقتهم سهله ماشاءالله
الحمص طزيقته غريبه ان شاءالله نجربه

الايمان و نانا ابو عابد معجبون بهذا.

توبليرون · 10-06-2017, 10:54 PM

تعلمنا من ندش المطبخ قمنا نصور ههههه
المهم اليوم سويت لأول مره في حياتي مرق الشبزي
دايما كنت اتعيز من تقطيع الخضرة او ما احصلها كامله مع اني مو حافظه شنو الخضرة اللي لازمه
لانها وايد
اعرف الطريقه بس اتعييز كسل

المهم انتجوا الخلطه جاهزة للشبزي وهي هذه سهلت الامور

كنت مجهزة اللحم نص استواء فايحته يعني مع البهارات

وبعد مفوحة اللوبا

حمست بالجدر بصل وثوم
وقطيت لوميتين سود

وحمست الخضرة واايد مع انها ما تحتاج حماس هذه اسهل على قولة اختي

طبعا ضفت البهارات ومعجون الطماط

وعلوب الفلفل ضروري

ونحمس وبعدها نضيف اللوبا

وهني نضيف اللحم

ونحمس وبعدها نضيف ماي اللحم

ونخليه يطبخ لين يستوي اللحم عدل وتقل المرقه

وهني انتهينا ونچبناه للفطور

وبادية بوحسين مبين مستعيل بيروح الصلاة

ونقدمه طبعا مع عيش مشخول حطيت بقاعته بصل وبطاط نبي حكوكة سنعه

حطيت الحيمتي على كتر والمرقه بمنقبي اقطع من اللحمه واحطها على المرقه وشوية فلفل بوديج وانطيح له

وبالعافيه علينا

أرسلت بواسطة iPad بإستخدام Tapatalk

هاوية الاسفار, Haksa77, |القحطاني| و 6 آخرون معجبون بهذا.

هاوية الاسفار · 10-06-2017, 11:19 PM

تسلم ايدكم
و عليكم بالعافيه

توبليرون و نانا ابو عابد معجبون بهذا.

Haksa77 · 10-06-2017, 11:44 PM

طبخات ولا أروع ماشاء الله [emoji7] [emoji7]
بالصحة والراحة عليكم
شكرا لكم من القلب [emoji173]

تم الإرسال من SM-G900F باستخدام Tapatalk

توبليرون و نانا ابو عابد معجبون بهذا.

|القحطاني| · 11-06-2017, 12:13 AM

سبق وانذرنا الادارة يقفلون هالموضوع

كل شاد حيله بأحلى الطبخات

وندخل الموضوع واحنا صايمين بالغلط

[emoji28] [emoji28]

ما شاء الله .. كل أكلة تقول الزين عندي .. او اللذة [emoji39] [emoji173]

الله يعطيكم العافية جميعا

تم الإرسال من SM-N920C باستخدام Tapatalk

توبليرون, هاوية الاسفار و نانا ابو عابد معجبون بهذا.

ابو حسن 9 · 11-06-2017, 12:26 AM

اقتباس : المشاركة الأصلية كتبت بواسطة |القحطاني|

سبق وانذرنا الادارة يقفلون هالموضوع

كل شاد حيله بأحلى الطبخات

وندخل الموضوع واحنا صايمين بالغلط

[emoji28] [emoji28]

ما شاء الله .. كل أكلة تقول الزين عندي .. او اللذة [emoji39] [emoji173]

الله يعطيكم العافية جميعا

تم الإرسال من SM-N920C باستخدام Tapatalk

فعلا والله كل يوم نفس الحال ماادخل الا وقت الصيام

مانقول الا تسلم الايادي وشكرا للجميع

الله يعطيكم العافية كلكم افدتونا باجمل وصفات

توبليرون, |القحطاني| و نانا ابو عابد معجبون بهذا.

توبليرون · 11-06-2017, 12:32 AM

الله يعافيكم يارب
ها ياعايض نقفل الموضوع والا اشلون
ههههه
وابوحسن يشجعه بعد
هههههه
دشوا عقب الفطور احسن

|القحطاني|, هاوية الاسفار و نانا ابو عابد معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سناب شات العرب المسافرون	فيصل	بوابة السوشال ميديا	570	22-11-2023 09:07 AM
العرب المسافرون تقرير الغرب والشرق الامريكي اربع ولايات 2015-2016 ابو طلال*	أبو طلال*	بوابة امريكا	174	28-06-2018 02:32 AM
العرب المسافرون ،، لك كل الشكر	فايز	أخبار واعلانات الأعضاء	10	04-06-2015 10:48 PM
العرب المسافرون # اول شهر #	شارلوك هولمز	عام	33	25-03-2015 06:40 PM
العرب المسافرون	F.A.H.D	بوابة الكاميرات	14	08-03-2015 02:41 PM