السلام عليكم ..

حاليا اخطط لرحلة سريعة لمدة 8 ليالي ،، وفي الويكند بيكون السفر

التخطيط متآخر جدااا لانه غيرنا الوجهه على اخر لحظه و راح علينا كم يوم وتونا ماحجزنا اي شي

المشكله راح تكون تنقلاتنا بالقطار لان مامعنا احد يسوق

والمشكلة الاكبر انه مالقيت قطار مباشر الى زيلامسي ف هالشي يضيع علي كم يوم زيادة في التنقلات بما انه مانبي تبديل القطار راح يكون صعب بالنسبة لنا

مبدئيا فكرت

ليلتين فيينا
ليلة سالزبورغ ( من فيينا الى سالزبورغ بالقطار )
3 ليالي زيلامسي ( بالقطار )
ليلتين ميونخ ( التنقل من زيلامسي الى ميونخ بالتاكسي .. عارفه بيكون مكلف !


( ^ بس احس الجدول متعب )

أو

ليلتين ميونخ
ليلتين سالزبورغ
3 ليالي زيلامسي
ليلة ميونخ




او

ليلتين فيينا
3 زيلامسي
3 ميونخ

( هذا افضل جدول بس مو عارفه اضبط التنقلات )
--------------------

والسؤال الثاني: هل جرب احد سافر في ابريل شلون الاجواء والطبيعة ؟ ادري ماراح تكون نفس مايو او الصيف بس هل عالاقل بيكون الوضع جميل و محتمل او مايسوى الموضوع ؟



بالنسبة للبرودة ندري الجو بارد وبناخذ احتياطاتنا بس هل الجو يمنع من الاستمتاع بالطبيعه ؟

اعرف ان هالوقت مناسب اكثر لايطاليا و اسبانيا بس زرناهم وحابين نغير ..

وفكرت لو اخليها هولندا وبلجيكا بس للاسف مانعين النقاب

هل اتوكل على الله و اخليها نفس الخطة او تشوفون اغير افضل ؟ اقتراحاتكم ؟

وشكرا