بسم الله الرحمن الرحيم

كانت لنا اياماً جميلة بالاردن
كل مرة ازور فيها الاردن اجد انها اقرب للقلب من غيرها
الرحلة كانت لمدة اسبوع واحد من 23 مارس الى 31 مارس

اهلاً بكم في تقرير بسيط وخفيف لزيارتي للاردن مؤخراً.....
ماراح ارتب الايام بالتسلسل انما حسب المكان الي الاقية اولاً يعني شوي خبصة


وادي رام

حبينا نجرب المبيت ليلة في وادي رام وكانت تجربة جميلة جداً
تحت سفح الجبل وفي وسط الوادي وكأنك بكوكب المريخ ..... رمال حمراء وجبال في كل اتجاة
عندهم السكن في خيمة الليلة 135 دينار ثلاثة اشخاص وعندهم الخيمة على شكل كبسولة يسمونها Full of Star لانك بالليل تشوف النجوم بكل اتجاة .... شي مرتب الصراحة


هذا اسم المخيم




















عسى الصور طالعات لاني اكتب من الاي باد ؟؟؟

نسيت اقولكم ان الخيمة الكبسولة فيها سرير واحد لشخصين مع حمام وتكلف 140 دينار الليلة
وطبعاً مع الوجبات الثلاث وماشاء الله كل ليلة فل ومحجوز لفترة طويلة لقروبات سياحية.

بالليل وبعد العشاء عندهم جلسة تحت سفح الجبل فيها شاي وشيشة واغاني فيروز بس بهدوء عشان الي يحب ينام.
شاركنا الجلسة صاحب المخيم وكان انسان لطيف جداً وخبرنا عن المخيم وانة زارة الشيخ محمد بن راشد وقعد عندهم ليلة وحب يطبق الفكرة في دبي بس حرارة الجو ماتساعد في شهر سبعة الى تسعة وخبرنا عن الصعوبات والمشاكل وكانت جلسة جميلة معاه واحلى شي كان مغامرات السواح بالمخيم.
اهم شي بالمخيم انك تشوف وقت الغروب بالوادي ووقت الشروق وتطلع مع البدو اهل الوادي وتكتشف اسرار الوادي.
انا شفت من سنتين فلم اسمة ذيب وسالت المرشد اذا كان مثلو الفلم في هالوادي وقالي نعم وفيلم المريخ وذكر لي افلام مثلت بالوادي..... سكان الوادي 1500 وبنت الحكومة لهم قرية في بداية الوادي اسمها قرية وادي رم وجمعهوم في نفس المكان عشان كذا ماتشوف حد منهم ساكن بالوادي نفسة يعني بالليل موحش بالمرة والوادي كبير نسيت والله كم كيلو

قليلاً واكمل التقرير ........... ان شاء الله