سلام عليكم ،، حاب أني احجز لكن قلت أخذ رايكم ، انشاءالله بحجز بتاريخ 28 نوفمبر الى 2 ديسمبر نيويورك ثم من 2 الى 7 ديسمبر اورلاندو وثم 7 الى 9 ديسمبر واشنطن ، وانا اخترت نيويورك في الاول لكي أتجنب قدر الإمكان البرودة الشديدة والثلوج فحبيت آراءكم وخاصة حالة الطقس لكل مدينة ومع العلم ان احنا عاءلة مع اطفال

مافي اجابات ؟!

ممكن يبتدي الثلج بأواخر نوفمبر
بس الثلج الكثيف واللي تسكر فيه المطارات بديسمبر و يناير

الجو في اورلاندو راح يكون جميل
واشنطن راح تثلج

بالنسبة للتقسيم احس كثير عليها نيويورك ممكن تشيل يوم وتضيفه لواشنطن

يعني نلحق نشرد قبل الثلج انشاءالله لان اخترت هالتاريخ علشان زيارة نيويورك واورلاندو واشنطن كافي عليها بس بنزور البيت الأبيض والمنطقة اللي حواليها فقط

نيويورك يكفيها 3 ايام
واليوم الرابع ممكن تزيده على اورلاندو او واشنطن

اذا على البيت الأبيض بلاها واشنطن
راح تخسر تذكرتين طيران من والى واشنطن وسكن ولا يسوى
زيد يوم باورلاندو أبرك

احس أني مادام بزور امريكا ودي أشوف ألَبيت الأبيض من كثر مااشوفها في التلفزيون والافلام بس فعلا راح أراجع حساباتي وانا كنت شايل من المخطط ومكتفي بنيويورك واورلاندو لكني قلت برجع من واشنطن ومرة وحدة اشوفها

اذا انك حاجز العودة من واشنطن و التغيير كلفته اقل من تذاكر و سكن واشنطن اكيد
شاور نفسك و ارجع من اورلاندو ووفر المبلغ لمشتريات


اما اذا ماحجزت ارجع من اورلاندو مايبيلها كلام

منيرة
بعيد التفكير لكن في النهاية مافي عودة مباشرة من اورلاندو ، يا امن نيويورك او واشنطن احس ماتفرق ومادمام اني برجع من احد هذي المدينتي ففرصة ليش لا

ما قلت لنا على اي طيران حاجز ؟
بيني و بينك انا اسويها بامريكا ارجع ابات لليلة بمدينة المطار المباشر
استعدادا للمشوار المتعب