تجربتي في استخراج التأشيرة الامريكية..

abumohmd · 20-04-2017, 08:52 PM

انهيت اليوم لقاء طلب تقديم التأشيرة الامريكية...

وكنت عبيت النموذج بالنت الخميس الماضي..
وسددت الاحد بساامبا
ثم اخذت موعد اليوم الخميس الساعة 8.30

واخذت معاي حسب الكلام:
كشف حساب مختوم من البنك (لم يهتموا له ولم يلقوا عليه اي نظرة..ورجعت به معي )
تعريف بالراتب انجليزي مختوم من العمل (لم يهتموا له ولم يلقوا عليه اي نظرة..ورجعت به معي )
صورتين (لم يهتموا له ولم يلقوا عليه اي نظرة..ورجعت بهن معي ) يقول اللي في الموقع تكفي..

اللي اهتموا لها:
ورقة الموعد.. والورقة الاولى في النموذج..
طلب مني وضعهن داخل الجواز بطريقة معينة..
وايضا رجعت بهن معاي

الاجراءات بصراحة معقدة..!!
اكثر من شباك.. واكثر من مرة تبصيم..!
ونفس الاسئلة توجه لي من اربع موظفين باربع شبابيك.. (ليش رايح امريكا)

هذا غير انه كان فيه زحمة وناس كثيرين يبون يخلصون..
لكن للامانة.. كان شغلهم منظم ويتم بسلاسة..

لكن فيه تعقيد ماله داعي.

اولا الاستقبال قبل الدخول وصف الطابور ثم فرز الاوراق من الموظف اللي بالشباك..!
ثم تدخل التفتيش .. وتنزل نظاراتك وساعتك واي شي معاك
ثم تدخل صالة داخل السفارة ..وتستلم رقم بعد مايسألك الموظف (عربي) وشوله مسافر..؟
تدخل صالة ثانية وتنتظر قرابة 20 دقيقة.. موظف امريكي يتكلم عربي يطلب بصماتك (اليد اليسرى ثم اليمنى ثم الابهامان) و.. (ليش جاي امريكا) مع اسئلة اخرى
ثم تتوجه الى شباك ثالث في صالة ثانية بعد ماتمسك سرا (وموظفة امريكية تتكلم عربي) وكم سؤال.. وتبصيم للمرة الثانية..!
تنتظر حوالي 20 دقيقة في صالة .. وموظف رابع واسئلة اكثر عن ليش تسافر وليش ماسافرت باهلك معك ووين تشتغل ووين سافرت قبل..
بعدها اعطاني ورقة صفراء وقال تم قبول طلبك.. ويبي لك انتظار اسبوعين علشان ترسل لك..

وسألت عن كيفية التوصيل..
قالوا ارامكس يتصلون علي ويعلموني وين استلم جوازي فيه..

كل الاوراق اللي اخذتها.. والصور رجعت فيها..

الحمدلله كانت تجربة جيدة..
لكن لاتقارن ابدا بالحصول على الشنقن..
فيه تعقيد ربما متعمد.. او وسوسة امريكية مالها داعي...!

آخـــرفـــرصـــة, فيصل و فارس الجبيل معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي في أستخراج الفيزا الامريكية بوقت قياسي	oceanus	فيزا امريكا	30	28-05-2021 05:44 PM
تجربتي في الحصول على الفيزا الامريكية بعد رفضي مرتين والغأء موعدي في المره الاولي	MG3	فيزا امريكا	20	15-06-2017 09:03 PM
استخراج التأشيرة للخادمة	fisal2050	فيزا بريطانيا	13	03-09-2016 08:04 PM
استخراج التأشيرة لسريلانكا عن طريق الانترنت	ksa2015	بوابة الهند وسيرلانكا	2	27-06-2016 05:44 AM
قبل التوجه الى استخراج التأشيرة افيدوني مشكورين	ابوعبدالله-_-	فيزا	5	18-02-2016 12:28 AM