رحله الكريسماس 2016 (لندن- مانشستر- كارديف) - الصفحة 8

opera_kw · 15-11-2017, 04:43 PM

اقتباس : المشاركة الأصلية كتبت بواسطة الايمان

هلاوالله اوبرا
الحمدلله انج بتكملين التقرير
وان شاءالله اجازة سعيدة بالكريسماس
شنو هالفندق الدايخ اللي ينسون ويعوضونكم بس بمشروب
ناطرين باقي الاجزاء

يلا المهم عطونا شي الانجليز البخله

اي لازم اكمل التقرير

والله لبعض الامور ماكنت بكمله بس بحاول اخلصه هالاسبوع

فيصل و الايمان معجبون بهذا.

opera_kw · 15-11-2017, 04:45 PM

اقتباس : المشاركة الأصلية كتبت بواسطة q8ya metnaqla

ولكم باك اوبرا
الحمدلله على التكملة
انا ما حبيتها مانشستر ما ادري ليش
بس حلو غيرتوا عن لندن
وبرادفورد متروسه باكستانين
حسافه عالمفاجأه يالله تتعوض هالسنه ان شاءالله

Sent from my iPhone using Tapatalk

ثانكووو

مانشستر وايد هاديه وبالليل الشوارع فاضيه يعني وحشه المكان مع انها مو منطق ريفيه

بس ماكو حركه

الظاهر بالشتا ينخشون ببيوتهم مايحبون البرد

احنا ندور نسمه الهوا والاجانب يحبون الحر

فيصلمعجبون بهذا.

opera_kw · 15-11-2017, 04:48 PM

اقتباس : المشاركة الأصلية كتبت بواسطة آخـــرفـــرصـــة

حلو انك قررت تكملين التقرير
عجلي علينا لان وراك تقارير كثير متاخرة
المفروض الفندق يعتذر باكثر من كوب قهوة
شعور محبط بس عاد سوى اللي عليه ابو الشباب

مانشستر مثلكم ما اعجبتني احسها تميل للجو الدراسي
مافيها الا المول ونادي مانشستر

مسوين زحمة في محل ابو باوند ما دروا ان عندنا محل ابو ريال
اتوقع تجيهم صدمة لو وصلهم العلم

متابعين

لا مو عامله حسابي اكتب كل شي عن الدول اللي رحت لهم

عاد تصدق مارحنا النادي

الفتره كانت قصيره و كان في اولويات

اي واحنا عندنا سوق بو 100 بصراحه مايسوى سوق بو 100 مالنا

عالاقل بوباوند في بعض الاشياء تستاهل

opera_kw · 17-11-2017, 04:46 PM

اليوم السابع : 28/12/2016

مانشستر

اول شي ناخذ فكره عن الافطار في فندق النوفتيل

هذي القاعه صغيره

وهذا جانب من الافطار

اللي متعود ياكل وايد وينوع بالاكل يعتبر هذا الاكل مو مرضي

بس انا اشوفه الاساسيات موجوده بس الحمدلله كافي

المهم

خلصنا الريوق

وانا اشرب قهوتي

فاجأني الهوتيل

يعني اهيا مو كيكه بس كلهم ذوووق

ماحبو يردونا

هلثي

علشان ما اخرب نظامي واحافظ على رشاقتي

ومن جانب اخر

طبعا كنا خالصين الاكل فاخذنا الطبق معانا الغرفه و خلينا سناك حق بالليل

طلعنا عقب وهذي كانت درجه الحراراه

برررررررررررد وانا احب البرد

وانطلقنا الى محطه بيكادلي

قاصدين الاوتلت

شستر اوتلت

وهذي التذكره

روحه ورده

وانطلقنا

ووصلنا الاوتلت

الاوتلت مافيه براندات كبيره .. البراندات المتوسطه عنده

بس الاوتلت يسوى

خصوصا انه خصم عالخصم

يعني محل GAP شريت منه جنزات حق الاولاد يمكن ربع السعر اللي بالكويت

ومزينين الاوتلت

وفي كشكات تبيع اكل و قهوه

ونايكي الحبيب

الاولاد يحبونه

الاسعار جدا تسوى

وكادبوري بعد موجود

بعدها قعدنا نتغدا في بريت كافيه

الاوادم منحاشين من البرد منخشين كلهم داخل

واحنا قاعدين برا

نحب الهوا

وهذا طبقي

وبعد الجوله والتسوق

رجعنا الفندق

وريحنا شوي وطلعنا نتمشى بالشوارع

و بالاخير تعشينا في تاكو بل

ورجعنا الفندق الاولاد بيلعبون مع ربعهم

خليناهم يلعبون وانا و زوجي رحنا نشرب قهوه

من ماك بالضبط عند فندقنا

قهوه المساء

الايمان, Meme Bahrain و بوصلووح معجبون بهذا.

الايمان · 19-11-2017, 11:17 AM

جزء جميل في مانشسيتر فندقكم نوفيتل وايد حلو وموقعه مميز
حلوه سلطة الفواكهه عليكم بالعافيه
والاوت لت لابد منه الحلو ان اسعاره مناسبة

opera_kwمعجبون بهذا.

A&R · 20-11-2017, 02:49 PM

lممتاز تقرير جميل

latefah89 · 22-11-2017, 10:56 AM

جميل

opera_kw · 29-11-2017, 08:22 AM

اقتباس : المشاركة الأصلية كتبت بواسطة الايمان

جزء جميل في مانشسيتر فندقكم نوفيتل وايد حلو وموقعه مميز
حلوه سلطة الفواكهه عليكم بالعافيه
والاوت لت لابد منه الحلو ان اسعاره مناسبة

فعلا وايد موقعه حلو

وانا عندي ولاء وانتماء للفندق

دايما اسكن في نوفتيل اللي في بانكوك علشان جذي ولائي له

على انه بسيط بس حلو

الايمانمعجبون بهذا.

opera_kw · 29-11-2017, 08:23 AM

اقتباس : المشاركة الأصلية كتبت بواسطة A&R

lممتاز تقرير جميل

اقتباس : المشاركة الأصلية كتبت بواسطة latefah89

جميل

شكرااا

opera_kw · 02-12-2017, 10:30 AM

اليوم الثامن : 29/12/2016

صباح الاجواء البارده

بهذا اليوم كانت خطتنا نروح ل مجمع ترافورد

اخذنا تاكسي

ووصلنا الموول

من الصبح مع فتحته المحلات

مو وايد كبير بس وايد محلات حليوه فيه

والمول من الداخل

والاطفال لازم يصورون مع الليغو يحبون

والسي لايف موجود له اكثر من فرع بعدة دول

بس مادخلناه

ماتستهويي هالامور وغالبا كلهم نفس الشي بس فرق حجم المكان

ونبدا التسوووق

الخصومات للحين موجوده

احتفاليه بالسنه اليديده

اهم شي بتخلص السنه وانا للحين ماخلصت التقرير

والاطفال يحبون القصص والكتب لازم يختارون لهم

وانا بعد لازم اختارلي

ومحلات الرياضه لنا كلنا انا و الابو والعيال ... كلنا نحب ال

استراحه من التسوق شوي

وغدا بالفود كورت من مطعم هندي حلال

وقهوه من ستاربكس .. من اول ما سافرت ماشربت منه ولامره

هذي اول مره بالسفر

يتبع...

الايمانمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة عائلية الى لندن - مانشستر - ويندرمير - ليستر - بريستول بعدسة ابومشاري 2016	abomishary	بوابة بريطانيا	361	20-05-2019 11:21 AM
رحله لندن الخريفية 2016 أكتوبر	Meme Bahrain	بوابة بريطانيا	47	03-01-2018 05:10 PM
استفسار بخصوص الذهاب من لندن الى مانشستر	isloom_y20	بوابة بريطانيا	11	25-11-2016 02:25 PM
الافضل البقاء في لندن او لندن + مانشستر	q8ok	اوروبا	5	05-03-2016 01:54 AM
قطارات مانشستر - كارديف	منيرة	اوروبا	24	09-05-2015 08:27 PM