رحله الكريسماس 2016 (لندن- مانشستر- كارديف)

opera_kw · 24-04-2017, 12:03 PM

بسم الله الرجمن الرحيم

عدنا بتقرير جديد من الرحله العائليه السنويه

طبعا وكالعاده التخطيط يكون قبل فتره من اجازه المدرسه

انا كان ودي اروح البرتغال و على رايي اغلب الناس اللي رايحيين لها يقولون لا تروحون البرتغال بروحها

روحوها مع اسبانيا

وبما انه عيالي الشباب الصغار مولعين بالكره و اللاعبين ومتابعين قلت يلا هي فرصه نحجز مباراه بعد

لكن

مالقيت معلومات كافيه عن البرتغال

واللي ردني بعد

انه تبعد 5 ساعات بالقطار عن مدريد

حسيت السالفه ماتسوى

لازم اروح لها انا وبوبدر بروحنا بدون الاطفال

فتغيرت الوجهه الى

لندن

وبعد محاولات جاهده تمت الموافقه على لندن

بو بدرر مايحب الانجليز ويكرهه طبعهم و ماخذ فكره سيئه جدا عنهم
مع انه ماراح لها الا ترانزيت ايام اللي كان عايش بامريكا بحكم شغل عمي (ابو زوجي) خبير بالامم المتحده
ف 14 سنه كان يروح لها ترانزيت ومادري شنو اللي شافه منهم وكرههم

وانا رايحه لها اخر مره ب 2010 و اهو ماكان معاي

فاقنعته وحاولت لين وافق

وتم التخطيط والحجز

الرحله على الخطوط القطريه

كويت-الدوحه-لندن-مانشستر-كارديف-لندن-الدوحه-الكويت

مده الرحله من تاريخ 22/12 الى 1/1/207

اليوم الاول: 22/12/2016

ورحنا المطار

وقعدنا بقاعه دسمان لحين موعد الطائره

توقعتها احلى من جذي

بس ابد ماتختلف عن قاعه الولو بشي

ومن الكويت الى الدوحه

الوجبه الخفيفه

ووصلنا الدوحه

وزحمه والكل يدور بوابته

والى الطائره المتجهه الى لندن

وجبه الاطفال بالطياره

ووصلنا بالسلامه

وتاكسي من المطار

و لقطات من السياره

لحين مانوصل الى فندقنا

الجو كان شتوي دافئ مو بارد

يعني يومها كنا طالعين من الكويت درجه الحراره 13 بس كان بررررد مووووت بالكويت

لكن لمن وصلنا لندن درجه الحراره 6 لكن كان الجو مو بارد مثل الكويت

ووصلنا الفندق

وهذا سعر التوصيل

الفندق

سكنت فيه ب 2010 و ماعرف غيره علشان جذي ردينا حجزنا فيه مره ثانيه

ولا مو من زين الفندق

احسن مافيه الموقع

ماتغيير شي باللوبي بس الشجره

والتفاصيل اللي بالشجره عجبتني

ماطولنا بالاجراءات

بسرعه عطونا الغرفه

والحمدلله خلال الجيك ان يمكن 3 اشخاص نعرفهم شفناهم

وهذا رقم غرفتنا

ماتغير اي شي بالفندق

حتى الاثاث صار قديم ومستهلك

يبيله تبديل

وسمعت انه في تجديدات بالفندق

حتى اطلاله مافي

الشبابيك مسكره ومغيمه مانطالع شي

حلاته الواحد لمن يقعد الصبح بالدول الحلوه يطل على مناظر وخضره وطبيعه

عالشارع عالاقل

المهم حطينا اغراضنا وعلى طول

مانبي نضيع وقت

وانا الخبره بينهم الحين

طلعنا نتمشى

شارع الاكسفورد

زحمه

محل السفونيرات منتشره بكل الشوارع

رجعنا للهايد بارك

علشان الونتر وند لاند

طبعا الونتر وندلاند مو موجود طول السنه بس خلال فتره الشتا من نوفمبر الى اول شهر يناير

المكان رائع جدا للاطفال والكبار

عباره عن العاب و كشكات اكل و اكسسوارات وملابس واشياء متنوعه

يتبع...

آخـــرفـــرصـــة, q8ya metnaqla, الايمان و 8 آخرون معجبون بهذا.

opera_kw · 24-04-2017, 12:12 PM

تابع..

ولقينا محل يبيع اكل حلال

شرينا برغر وشاورما

و الصلصات للبرغر والشيبس

و انا ما اكلت معاهم

طلبتلي وافل

وكملنا لعب ومشي

الاطفال داخل احد الالعاب

وبعد اللعب

هوت جوكلت

خلصنا من النتر وندلاند

وانطلقنا الى بيكادلي

ونتمشى بين المحلات

ونشوف شويه عروض الناس بالشارع

كان ببالنا ناكل منه على يوم

لكن ما صار

والى محل ام اند امز

متعه الاطفال

شرينا منهم بعض الاشياء بس ملابس ماشريت

مادري ليش بس حسيتهم (سوق المعلم) عندنا بالكويت ولاني مجربه ملابس محلات ديزني شلون ردئيه الخام بسرعه تخترب فتوقعت كل المحلات اللي مو متصصه بالملابس نفس الشي

واخيرا

نشتري بعض الاشيا للفندق

من ماي وغيره من سناكات خفيفه

وردينا الفندق ...

آخـــرفـــرصـــة, q8ya metnaqla, الايمان و 7 آخرون معجبون بهذا.

أبو طلال* · 24-04-2017, 03:41 PM

ماشاء الله اخت اوبرا
تقرير من البدايه ممتاز واختيارك للمدن الثلاث رائع

ومنتظرين بقية تقريرك المشوق

أرسلت من SM-G925I بإستخدام تاباتلك

آخـــرفـــرصـــة, الايمان, فارس الجبيل و 1 آخرون معجبون بهذا.

آخـــرفـــرصـــة · 24-04-2017, 04:02 PM

بداية رائعة اوبرا

و زين انك قدرت تقنعيه
اتوقع كثير اخذ الفكرة الخطأ عن البريطانيين

الله يحفظ لكم الصغار

مشكلة الكمبرلاند ان كل الخليج فيه
اللي تضيعينه تلقينه هناك

الايمان, فارس الجبيل, فيصل و 1 آخرون معجبون بهذا.

q8ya metnaqla · 24-04-2017, 04:52 PM

انا من شفت cardiff قلبي خفق هههه ياحلوها وياحلو زوارها البرتغال انا درستها عدل من amatraveller عندها وايد تقارير مفيده في البلوق مالها وان شاءالله تروحون لها هالسنه ..
والله نفسي انا حاطتها ازورها واشبكها مع اسبانيا وان شاءالله تصير ..
الكمبرلاند على كثر ما يتجدد على كثر ما يستهلك لو قاعده في امبا توهم مجددينه وطبعا الاهل كل زنقه يطلعون لج هههههه..
الونتر وندر لاند حلوه بس هالسنه وايد زايدين اسعارهم غاليه صراحه الالعاب بس يالله اهم شي الوناسه
متاااااااااااااااااااابعه التقرير الحلو

الايمان, AL Tunaiji, فارس الجبيل و 2 آخرون معجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

الايمان · 25-04-2017, 10:59 AM

اخيراااااا نزل التقرير اللندني
غريبة زوجج مايحب لندن كل الكويتيين يموتون عليها
ان شاءالله بعد هالسفره غير رايه عنها
شي طبيعي بلندن تمشين وتسلمين
حسافه لو سالتينا كان رشحنا لج فندق أمب توهم مجددينه ويصير خلف الكمبرلاند
ناطرين ابداعاتج

فارس الجبيل, آخـــرفـــرصـــة و فيصل معجبون بهذا.

فارس الجبيل · 25-04-2017, 11:16 AM

تقرير جميل وممتع عن لندن وخاصه في الشتاء لها رونق آخر جميل جدا وشوارعها تفتح النفس مع تزيينها بالأنوار والأشكال الحلوه

مستمتعين معاك اختي وبأنتظار الباقي من الرحلة

شكرا لك والله يحفظكم

آخـــرفـــرصـــة و فيصل معجبون بهذا.

opera_kw · 30-04-2017, 10:03 AM

اقتباس : المشاركة الأصلية كتبت بواسطة أبو طلال*

ماشاء الله اخت اوبرا
تقرير من البدايه ممتاز واختيارك للمدن الثلاث رائع

ومنتظرين بقية تقريرك المشوق

أرسلت من SM-G925I بإستخدام تاباتلك

شكرا جزيلا

المدن الثلاثه اختيارهم تم لسبب كل واحد سبب خاص ان شالله بذكرهم بالاجزاء القادمه

opera_kw · 30-04-2017, 10:05 AM

اقتباس : المشاركة الأصلية كتبت بواسطة آخـــرفـــرصـــة

بداية رائعة اوبرا

و زين انك قدرت تقنعيه
اتوقع كثير اخذ الفكرة الخطأ عن البريطانيين

الله يحفظ لكم الصغار

مشكلة الكمبرلاند ان كل الخليج فيه
اللي تضيعينه تلقينه هناك

اي طبعا بيقتنع .. طلباتي اوامر

يمكن مو ماخذ فكره غلط بس لانه متعود على طبع الامريكان السهل السلس بس الانقليز شوي صارمين جلفين بالتعامل واايد سيريس حياتهم جديه

شكرا الله يحفظ غاليكم يارب

ههههه على رايك كل الخليج لقيناهم

نمشي ونسلم

opera_kw · 30-04-2017, 10:18 AM

اقتباس : المشاركة الأصلية كتبت بواسطة q8ya metnaqla

انا من شفت cardiff قلبي خفق هههه ياحلوها وياحلو زوارها البرتغال انا درستها عدل من amatraveller عندها وايد تقارير مفيده في البلوق مالها وان شاءالله تروحون لها هالسنه ..
والله نفسي انا حاطتها ازورها واشبكها مع اسبانيا وان شاءالله تصير ..
الكمبرلاند على كثر ما يتجدد على كثر ما يستهلك لو قاعده في امبا توهم مجددينه وطبعا الاهل كل زنقه يطلعون لج هههههه..
الونتر وندر لاند حلوه بس هالسنه وايد زايدين اسعارهم غاليه صراحه الالعاب بس يالله اهم شي الوناسه
متاااااااااااااااااااابعه التقرير الحلو

ان شالله بشوف البلوق واخذ فكره اكثر عنها و ازورها بروحي

كان الاختيار بين امب و كمبرلاند واخترنا كمبرلاند

و كارديف انا وااايد حبيتها مع اني ما قعدت فيها وايد بس بس ان ذالله اذكر التفاصل ليييتر

انا اول مره اروح الونتر وندلاند فكانت تجربه جيده

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة عائلية الى لندن - مانشستر - ويندرمير - ليستر - بريستول بعدسة ابومشاري 2016	abomishary	بوابة بريطانيا	361	20-05-2019 11:21 AM
رحله لندن الخريفية 2016 أكتوبر	Meme Bahrain	بوابة بريطانيا	47	03-01-2018 05:10 PM
استفسار بخصوص الذهاب من لندن الى مانشستر	isloom_y20	بوابة بريطانيا	11	25-11-2016 02:25 PM
الافضل البقاء في لندن او لندن + مانشستر	q8ok	اوروبا	5	05-03-2016 01:54 AM
قطارات مانشستر - كارديف	منيرة	اوروبا	24	09-05-2015 08:27 PM