الهوى هالمره اندونيسي // تقرير بسيط لزياره عائليه من 23مارس -6 ابريل2017 - الصفحة 16

Dema · 01-07-2017, 05:23 AM

جميله هالبلد على بساطتها ، لكن مخربها بعض الموظفين في المطار الي همهم البخشيش ، زرتها العام لمدة ١٢ يوم وصراحه كانت اجمل ١٢ يوم زرت فيها ٣ مدن بونشاك باندونغ وجاكرتا بونشاك جميله لكن شوارعها مرا ضيقها ، مع ذلك البلد جميل انصحكم في زيارته .

توبليرون, ابو راكان ~ و القادم معجبون بهذا.

السنعوسي · 01-07-2017, 04:14 PM

استمتعت بمقالاتك الرائعة واستفدت منها
شكرا لك

توبليرون و ابو راكان ~ معجبون بهذا.

توبليرون · 01-07-2017, 05:34 PM

الفيلا عجييبه والحمدلله ما طلع لكم البريعصي اسمه غريب عندكم

وايد حلوه الفيلا والفطور روعه شغل رائع
في باجي للتقرير والا خلص ؟ ننتظر البقيه

ابو راكان ~ و القادم معجبون بهذا.

ابو راكان ~ · 03-07-2017, 05:18 AM

السلام عليكم ورحمه الله وبركاته
وعيدكم مبارك

اليوم الحادي عشر

بعد ما وصلنا المطار توجهنا على طول لصاله الانتظار لصعود الطائره

ثم اقلعنا بحفظ الله

وبدأت ملامح جاكرتا تلوح في الآفق

ثم وصلنا مطار جاكرتا واخذت تاكسي بلو بيرد بـ 250 الف روبيه للفندق الاستون ويمكن اخذنا نص ساعه تقريبا ً
وحصلنا عالم منتظره استلام الشقق لانهم لايسلمونهم الا الساعه 2 بالضبط

في هذا الجزء راح احكي معاناتي مع الفندق المحجوز وللأسف هو (( استون مارينا ))
طبعاً هو عباره عن عده ابراج وتتكون من شقق سكنيه وموقعها في منطقه انشول
الحجز كان عباره عن شقة ديلوكس من غرفتي نوم
للأسف يا اخوان اني دخلت شقه تفوح منها رائحه سيئه شقه ما ادري كيف اصلاً بوكينق رضى انها تدخل قائمته لانه اذا بتجلس على هذا الوضع حرام السائح ينزل فيها
تحسفت اني نزلت في هذا الفندق وتحسف اني احضرت اولادي هنا
اللي اصلاً من يوم تشوفه وتشوف الشباب داخلين وطالعين منه تعرف السالفه
لايغرك اللوبي والرسبشن والكرفتات اللي لابسينها وتسريحات الموظفين لكن كمحتوى فاشل

كنت حاجز ليلتين شقه ديلوكس بـ 839 ريال وأول ما دخلت على طول طلعت حتى والاولد ماشافوا الشقه
ورفضت استلمها وقلت عيب عليكم هذا المنظر من الشقق تأجرونه فقالوا لابد تستلمها لانها محجوزه باسمك وانا وهم شيل وحط وتذكرت فندقي فريزر اول ما نزلت جاكرتا وتحسفت اني غيرت عنه
وعلمتهم اني بكلم بوكينق وراح ارفق الصور لبوكينق على شان يطلعوا على الوضع من شققهم السيئه
المهم بعد ماسمعوا سالفه بوكينق اعطوني عرض وهو اني ارقى الشقه لشقة سوبيريور من غرفتي نوم وادفع لهم الفرق لكن قالوا خلاص ادفع عن يوم واحد فقط والثاني مجاناً من عندنا قلت مو مشكله المهم هذى الشقه ما استلمها ابد
واستلمت الشقه الجديده وتوقعت اني بطلع في شقه افضل بكثير لكن للأسف خاب الظن وطلعت افضل نوعاً ما من الآولى بشيء بسيط وهذه صور للشقه السوبيريور

كل الستائر ماترتفع ابد عشان تشوف اطلاله جاكرتا

القز او العيون الكهربائية لتسخين القهوه والشاي

البلكونه مقفله طبعاً للآمان لكن ما اتوقع ان احد شاف تقفيله القفل كيف لو اني مسكر شنطه حديد حق الطيبين

ستاره البلكونه وزين تنسحب كذا عشان نشوف الشمس اقل شيء

لا ترتيب والوساخه واضحه على الموكيت وانتم بكرامه

والادهي والأمر تخيلوا غرفه الاطفال صاير فيها فاصل بين السريرين كيف جاء هنا ما ادري !!

قلت الشكوى لله وان شاءالله راح ارفق الصور هذى في موقع بوكينق حتى التكييف سيء لابعد الحدود واللفت تنتظر ممكن 10 دقائق على بال مايجي دورك ولابد يكون معك كرت الغرفه ولا بتطلع وتنزل مع الناس وانت وحظك هههههه لانه مايطلع لدورك اللي ساكن فيه الا بكرت الغرفه فقط وقلت كلها يومين الله يصبرني عليها

وبعدها نزلت العفش وطلعت اتفق مع سائق وحصلت سواق جيد لا بأس به وكان يوميته بـ 350 الف روبيه
وطيب واخلاق
وعلى بال ما ارتحنا ونزلنا من الفندق على المغرب من الشقه

وطلبت من السواق يوصلنا اي مطعم فخطر في بالي مطعم حضرموت

وحركنا على الساعه 6 المغرب ووصلنا بعد الزحمه الساعه 8
دبابات وعالم هنا وهناك وزين اني خليتهم يومين فقط في جاكرتا

وكان افضل وسيله تنقل هذى ما ادري وش يسمونها

ووصلنا مطعم حضرموت بعد عنا ومشقه

وكان طبخهم جيد جداً ومكانهم لابأس به

رجعنا بعد العشاء اللي كان غداء على الساعه 10 مساءً
ثم كل واحد راح غرفته يرتاح وناموا الاولاد من التعب

دمتم بحفظ الله

المشاهدات //
1- جاكرتا زحمه واذا مشوارك ساعه زيد ساعه آخرى
2- استون مارينا غلطه تحسفت عليها لاحقاًً
3- لاتصرف من المطار فسعرهم غالي ولكن راح تحصل في جاكرتا اماكن افضل
4- كاسر سعر التكاسي عند الفندق وراح تحصل ارخص في لحظات

الركيب, فيصل, ام زياد و 3 آخرون معجبون بهذا.

ضفهد · 03-07-2017, 06:34 AM

الله يهديك يابوراكان ..

صار لي 10 ايام انتظر اجابتك .. كل يوم داخل واحدث الصفحه ..

ياشين التقارير اللي تسحب الناس ..

بعد هالمرمطه حتى الاستفسار ما عاد لي نفس فيه

ابو راكان ~ · 03-07-2017, 10:16 AM

اقتباس : المشاركة الأصلية كتبت بواسطة fahad_q8

مبارك عليك الشهر ياخوي بو راكان
وتقبل الله طاعتك

استمتعت جداً جداً برحلتك والله
ساعه تقريبا وانا اقرا بتمعن

فعلا تختار اماكن جميلة
بس الله يهداك طااح قلبي ع العيال بالرحلة البحرية
يالله الله لطف وتبقى ذكرى حلوة لكم

هاذي حلاوة السفرات

وبسألك ما جربت المطاعم الامريكية او العالمية هناك وشلونها من مطاعم ونظافة ؟ انا بيني وبينك ما اكل لحم برا الدول العربية

ما ارتاح

ورحلة موفقة وبإنتظار التكملات

أرسلت بواسطة iPhone بإستخدام Tapatalk

الله يبارك فيك عزيزي

احلى مافي السفرات المواقف وربك ستر على الاطفال

اكلت في جاكرتا ماك وكينج برجر يعني لابأس فيه لكن مو مثل الطعم عندنا واكلت في بالي بيتزاهت وطعمها جميل وارجع واقول
مطاعمنا افضل وانظف اما الجبل الطبخ كله في الفيلا ولاجربت ولا وجبه من برا

الله يوفقك وان شاءالله تستمتع معنا

فيصل و توبليرون معجبون بهذا.

ابو راكان ~ · 03-07-2017, 10:20 AM

اقتباس : المشاركة الأصلية كتبت بواسطة fahad_q8

ونسيت اقولك

اعجبتني صورة + كلمات

اخذتها عندي

أرسلت بواسطة iPhone بإستخدام Tapatalk

حلالكـ يا شيخ

فيصل و توبليرون معجبون بهذا.

ابو راكان ~ · 03-07-2017, 10:23 AM

اقتباس : المشاركة الأصلية كتبت بواسطة ضفهد

بصراحه تقرير مميز ..

يعطيك العافيه ..

فيه سؤال لو تكرمت .. كيف حجزت فلل بيسنا الام اللي في بونشاك

الله يعافيك

والله جلست فتره ماهي بسيطه احاول ولا قدرت
لكن الفضل بعد الله يرجع لمشرفنا الغالي الردادي هو اللي دلني على الطريقه

فيصل و توبليرون معجبون بهذا.

ابو راكان ~ · 03-07-2017, 10:24 AM

اقتباس : المشاركة الأصلية كتبت بواسطة محمد الخالدي

تقرير مميز

شكراً

فيصل و توبليرون معجبون بهذا.

ابو راكان ~ · 03-07-2017, 10:25 AM

اقتباس : المشاركة الأصلية كتبت بواسطة Dema

جميله هالبلد على بساطتها ، لكن مخربها بعض الموظفين في المطار الي همهم البخشيش ، زرتها العام لمدة ١٢ يوم وصراحه كانت اجمل ١٢ يوم زرت فيها ٣ مدن بونشاك باندونغ وجاكرتا بونشاك جميله لكن شوارعها مرا ضيقها ، مع ذلك البلد جميل انصحكم في زيارته .

شكراً على الاضافه

فيصل و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تقرير رحلتي إلى كيرلا الهند (فيديو)	ناصر الخميساني	بوابة الهند وسيرلانكا	16	29-01-2017 01:39 PM
تقرير بسيط عن فندق (MINA HOTEL) فالسلطان أحمد تجربتي الخاصة	ابا رواء	تركيا	17	05-08-2016 12:00 AM
تقرير بسيط عن معشوقتي بلاد الاندومـــي 2016	abdulla al mulla	بوابة اندونيسيا	66	12-06-2016 11:09 PM
تقرير بسيط عن رحلتي الى معشوقتي دبي 2015	كشكولـ	بوابة الامارات	76	01-03-2016 02:50 PM