السلام عليكم ورحمة الله وبركاته

الصراحه كنا مترددين كثيرا للذهاب ولكن الصمله يا رجال و ضبطنا امورنا

استخراج الفيز من الرياض عن طريق مكتب التأشيرات الصينيه ... قبل هذا هناك موقع للتسجيل لحضور معرض كانتون فير طبعا من غير التسجيل هل تستطيع ان تدخل المعرض ..؟

نعم تستطيع ولكن راح تجلس با الصف للتسجيل اكثر من ساعه ربما اكثر فا التسجيل بسيط جدا وسهل با حط لكم الرابط :
China Import and Export Fair

هذا الموقع وطبعا بالغه العربيه تسجل عن طريق ايقونة طلب بطاقه الدعوه راح يحولك ع الموقع الرئيسي وهنا با الانقلش الموقع ولكن سهل كل ما عليك هو التأليف يعني اسم شركه من راسك اذا انت مو صاحب شركه او موؤسسه فا تسجل بمعلومات من راسك .
بعد كم يوم يرسلون لك ورقه فيها بار كود طبعا تطبعها وتحفظ الورقه لان مهم عند الدخول يصير يمسحون ع البار كود ويطلع معلوماتك

لازم تاخذ معك صور شخصيه عشان يطبعون لك البطاقه على صورتك

اذا ما سويت هذي الخطوات اولا الانتظار طويل ثانيا راح ياخذون عليك حق الصوره لان فيه ناس يصورون ولكن غاليين طبعا اخوكم نسى الصور ولا صار لي اسبوع اذكر صاحبي لا ينسى صوره وفي الاخير نسيتها

وايضا راح يدفعونك حول 100 دولار رسوم التسجيل او اكثر نسيت والله بالضبط كم طبعا اذا ما سجلت ولكن اذا سجلت فا ما راح يدفعونك اي شي

المهم المعرض كبير وجميل وممتع واللي ما راح يروح له باختصار ....

الصراحه اخذنا معلبات معنا من هنا وتمر والفطور با الفندق طبعا من معلباتنا في عندهم تست برد وايضا تقدر تحصل خبز في سفن الفن

امور مهم تضعها بالحسبان قبل السفر اولا
اغلبيه بل الاكثريه لا يتحدثون الانقلزي وانما با الصيني فا الحل بسيط فيه طبيق تحمله ويفضل التطبيق يكون ايضا يترجم صوتي بيحث تتكلم انقلش و يترجم صيني و بالصوت ايضا

تطبيقات القوقل جميعها ما تشتغل فا اخوكم تورط لاني حافظ جميع الاماكن بتطبيق قوقل وهناك ما يفتح

هناك طبيقات صيني باحط لكم صورها زي قوقل بس بالصيني

اول شي تسويه الشريحه الصيني بطاقه سم كارد لازم وضروري ولاتاخذها من المطار لانهم نصابين وغالين

افضل شركه china Mobil وفي تيلكوم اعتقد ولكن اخذنا احنا شينا موبيل المهم ما يقبل الفيزا لانهم يتعاملون مع البنك الصيني فقط عادي تدفع كاش ولكن قبل الساعه 2 ظهرا بعدها الفرع ما يستقبل اي كاش واحنا جيناهم على الساعه 3 طبعا وتورطنا وفي الاخير فزع لنا رجال صيني ذيييب ودفع بالبطاقه واعطيناه كاش

الفنادق :

لاتسكن با اقل من خمس نجوم لان فنادق قوانزوا اغلبها قديمه

الاكل :

المنطقه العربيه حلوه ومطاعمها متنوعه و طب وتخير با احط لكم مطعمين افضل ما اكل فيها

الاول اسمه مطعم البيت الشامي عندهم بوفيه مفتوح الله وكيلك
والثاني اسمه لوكا رسترنت اكل عربي عندهم الطبق السي فود الله وكيلكم وايضا عندهم معسلات انما ايه اذا رحتوا هناك سلمولي ع حماده معلم المعسل ... اللي شغالين بالمطعم شباب لطفيين واكلهم نظيف

طبعا فيه مساجد و كثيره ...

اخليكم مع الصور ان شاء الله ما نسيت شي

الصور المرفقة

	IMG_1648[1].JPG‏ (302.2 كيلوبايت, المشاهدات 147)
	IMG_1534[1].JPG‏ (251.9 كيلوبايت, المشاهدات 109)
	user128_pic43287_1443594041.jpg‏ (412.9 كيلوبايت, المشاهدات 113)
	IMG_1649[1]-min.JPG‏ (898.1 كيلوبايت, المشاهدات 108)
	IMG_1536[1]-min.JPG‏ (1.06 ميجابايت, المشاهدات 120)