الرحلة من 25/8 الى 6/9

السكن في اوساكا من 25/8 الى 30/8
واحترت بين فندقين holiday inn و Namba Oriental Hotel

ارشح لك فندق Namba Oriental Hotel

اليوم الثالت 27/8

يوم كامل في كيوتوا ( هل فيه رحلات خاصه لها حيث اننا مجموعه وقد يكون اخذ سيارة خاصه افضل )

مايحتاج سياره ابدا , وفي اليابان لاتفكر فيها القطارات توديك اي مكان تبي
يوجد قطار ينطلق كل 20 دقيقه تقريبا من اوساكا الى كيوتو
وسعر التذكره للذهاب حوالي 500 ين للشخص تقريبا 16 ريال
وتذكره العوده 400 ين , 14 ريال
والتذاكر تشتريها من عند شباك التذاكر او من اله البيع
لاتشيل هم

اليوم الرابع 28/8

زيارة الاكواريم هل توجد متاحف قريبه منه ؟
يوجد بجانب الأكواريوم عين اوساكا
هذا الي اذكره



اليوم السادس 30/8

الذهاب بقطار الطلقة الى طوكيو ( بالنسبة للشناط كيف طريقة نقلها )
ايضا هل يوجد سيارة خاصه تقوم برحلة من اوساكا الى طوكيو اضن انها
ستكون افضل حيث سنستمتع بالتجول في اليابان
ويكون يوم كامل رحلة والوصول بالليل الى طوكيو او انها من سابع المستحيلات
خصوصا واننا 7 اشخاص تقريبا تكلفنا الرحله بقطار الطلقه 3150 ريال
غير المترو داخل طوكيو واوساكا فنضرب عصفورين بحجر

الأفضل الذهاب بقطار الطلقه ويستغرق 3 ساعات فقط
الذهاب بالسياره متعب جدا فالرحله تستغرق حوالي 7 ساعات بالسياره
ولا أعلم ان كان هناك خدمه نقل بالسياره ام لا

الشناط يوجد اماكن بين المقطورات واذا كانت ممتلئه
تخلي الشناط قدامك وانت جالس بالكرسي زي ماسويت انا ,
لاتخاف فيه مساحه كافيه بحيث ان الشنطه تكون معك

السكن في طوكيو في فندق Grand Nikko Tokyo Daiba التقيم + السعر جذبني جدا تقريبا 600 ريال
لليله 161$ ايضا وجودة في منطقة Odaiba و وجود باص للدزني
ام الافضل السكن في شيبويا ؟

الأفضل تسكن داخل طوكيو
ولو كان عددكم اقل كان رشحت لك تقسم الأيام بالسكن
يومين تسكن ب فندق اوديبا والباقي ب طوكيو

ولكن التنقل راح يكون متعب بالنسبه لكم
فالأفضل السكن داخل طوكيو


اليوم الحادي عشر 4/9

يوم كامل في فوجي ( هل توجد رحلات بسيارة خاصة لفوجي ايضا )

نفس الكلام الي ذكرته في اوساكا
الأفضل والأرخص اكيد هو اخذ قطار وسعره حوالي 140 ريال للشخص للذهاب
والعوده نفس السعر كذالك

كل الي عليك تروح لمحطه Shinjuku Station ومن شباك التذاكر او الأله
تختار الوجهه وتكون محطه Kawaguchiko
وتأكد اذا فيه تبديل للقطار او لا
لأن بعض الأحيان تكون الرحله مباشره وبعض الأحيان تغير القطار مره واحده فقط في المنتصف
قوقل ماب بيوضح لك كل شي لاتشيل هم

واذا انت راح تروح وترجع في نفس اليوم فالأفضل تحجز تذكره العوده وتختار الوقت
فور وصولك لمحطه Kawaguchiko
الرحلات كثيره ماعليك


اليوم الثالث عشر 6/9
في الدقيقة الاولى من هذا اليوم رحلة العودة في تمام 00:01 منتصف الليل

مدينة استوديو جيبلي هل ممكن نحطها في البرنامج ؟
اي مقترحات اخرى نزورها ؟


الاستديو يحتاج تحجز التذكره من موقعهم
وتنتهي بسرعه

والمشكله ان بعيد شوي
من رأيي تكتفون بالأماكن الي حددتوها
واذا قدرتو تضيفون اماكن فيفضل داخل المدينه


اقتراحات داخل طوكيو :
زياره برج Sky Tower ويقع ب اسفله مول جميل
زياره منطقه Harajuku
زياره منطقه Ginza للماركات
زياره حديقه Yoyogi Park وبداخلها ضريح تاريخي