إستشاره

hakeem · 16-05-2017, 09:15 AM

السلام عليكم ورحمة الله وبركاته

لقيت عرض لماليزيا وابي رايكم فيه
من ناحية الاماكن والسعر

البرنامج ل 11 يوم 10 ليله كالتالي :

اليوم 1: استقبال
اليوم 2: جوله السن واي
اليوم 3: التوجه للمطار لذهاب الئ بينانج
اليوم 4: جوله بينانج 8 ساعات
اليوم 5:التوجه الئ لانكاي بالعباره
اليوم6: جوله لانكاوي 8 ساعات
اليوم7 : جوله المنجروف
اليوم8: التوجه الئ كوالا والاستقبال هناك
اليوم9 :جوله كوالالمبور + جنتينح
اليوم10:يوم حر
اليوم 11: التوجه للمطار الدولي
الفنادق:
سلانجور: دورست جراند
بينانج: بارادايس / فور بوينت شيراتون
لانكاوي: اديا
كوالالمبور: سيري باسفيك
شامل الطيران الداخلي + العباره لـ 2 اشخاص
قيمة البرنامج /6600 ريال

عشقي السفر · 16-05-2017, 03:37 PM

اقتباس : المشاركة الأصلية كتبت بواسطة hakeem

السلام عليكم ورحمة الله وبركاته

وعايكم السلام ورحمه الله وبركاتو

لقيت عرض لماليزيا وابي رايكم فيه
من ناحية الاماكن والسعر

بالنسبه للاماكن والاسعار مانقدر نحكم من غير ما تحدد تاريخ السفر لان الاسعار تفرق من شهر الى شهر

البرنامج ل 11 يوم 10 ليله كالتالي :

اليوم 1: استقبال
اليوم 2: جوله السن واي
اليوم 3: التوجه للمطار لذهاب الئ بينانج
اليوم 4: جوله بينانج 8 ساعات
اليوم 5:التوجه الئ لانكاي بالعباره
اليوم6: جوله لانكاوي 8 ساعات
اليوم7 : جوله المنجروف
اليوم8: التوجه الئ كوالا والاستقبال هناك
اليوم9 :جوله كوالالمبور + جنتينح
اليوم10:يوم حر
اليوم 11: التوجه للمطار الدولي

اول ملاحظه الجدول مزحوم بالنسبه ل 10 ايام انا اسميه جدول هجوله ماتلحق تجلس بمكان الا رحت مكان ثاني او ممكن مسمى ثاني هو رحلة اكتشاف سريعه مو رحله للاستجمام والراحه ممكن لو كانت رحلت شباب اوكي بتناسبكم لانكم بتكونون خفيفين وبتتحملون الجدول

اما اذا انتو زوجين فلا لا ما انصحك جدا مرهق واصلا في ايام بتضيع كليا بالتنقلات بين المدن مثلا اليوم اللي بتركب العباره بيكون رايح 3 ساعات بالعباره وبتوصل وعلى الفندق وتعبان راح اليوم ومدتك قليله

اذا انتو زوجين فافضل جدول لكم هو زيارة 3 مدن فقط يعني سيلانجور + (لانكاوي او بينانج )+كوالالمبور

الفنادق:
سلانجور: دورست جراند

متوسط الليله الواحده بالصيف 340 ريال شامله الضريبه *2=680 ريال

الفندق 5 دقايق عن صنواي بالسياره واقتصادي متوسط المستوا يوجد افضل منه وارخص سعره وقريب من الصنواي مشي 5 دقايق مشي مثل بونيكي 33 وسعره 120 الليله الواحده

بينانج: بارادايس / فور بوينت شيراتون

الفندقين بعيدين عن باتوفرانجي وهو الشارع الحيوي في بينانج والافضل تسكن قريب منه
الفنادق المرشحه الليله بحدود 290 ريال لليله الواحده الى 320 ريال لليله الواحده الفندقسن متوسطين واقتصاديين لكن موقعهم غير جيد

ممكن تلاقي فنادق افضل وعلى البحر في الباتوفرنجي بسعر 366 ريال الليله في فندق هوليدي ان بينانج على البحر وموقع ممتاز او فندق شاطئ باي فيو سعر اقرب وخيار افضل بكثيير

يعني لو اخترت عرضك بيكون السعر : 2 يوم * 300 ريال = 600 ريال

لانكاوي: اديا
الفندق ممتاز ونظيف واقتصادي ولكن بعيد عن الشاطئ

وسعر الليله الواحده بالصيف 270 ريال *3 =810 ريال

كوالالمبور: سيري باسفيك
شامل الطيران الداخلي + العباره لـ 2 اشخاص

كوالالمبور توجد خيارات كثيره اقتصاديه وقريبه من شلرع العرب ومنطقه البرجين لذلك ماراح تحتار

بالنسبه للفندق قرب من محطة قطارات PWTC ومحطة قطار بوترا ومقابله مول وقريب من جدمات وهو اقتصاري لكن بعيد شوي عن المنطقه الحيويه لكن دام المترو موجود ممكن تستخدمه لكن تقدر تلقى افضل موقع بنفس السعر او سعر قريب منه

سعر الليل الواحده بالصيف 208 ريال * 3 = 626 ريال

اذن قيمت الفنادق 2716
وقيمت الرحلات الداخليه = 350 ريال تقريبا لعدد شخصين ورحله من كولالمبور الى بينانج ون لانكاوي الى كوالالمبور
وقيمه العباره لشخصين =140 ريال تقريبا

اذا المجموع = 3206 ريال

اذا الباقي للجولات 3394 ريال لجولات المذكروه هذا السعر ضعف السعر اللي ممكن تحتاجه في المواصلات والجولات

قيمة البرنامج /6600 ريال

الان الخلاصه :

اذا انتو شباب بيكون الجدول مناسب لكم مع اني احسه مرهق حتى على الشباب
اما اذا زوجي فطبعا الجدول لايناسبكم نهائيا واذا حابين الرحله 10 ايام تكون في سيلانجور وبينانج وكولالمبور او الخيار الثاني هو سيلانجور ولانكاوي وكولالمبور

بالنسبه للفنادق جميع الفنادق راح تلقى احسن منها بموقع افضل ماعدا ايديا يعتبر خيار مناسب للي ميزانيته محدوده واقتصاديه وممكن تزيدها شوي وتاخذ على البحر او اقريب للشاطئ

واكرر الاسعار متوسطه في ايام الصيف شهر اغسطس يعني موسم واختلاف شه السفر يغير بالسعر

بالتوفيق

النهر الجاري, HUNTER و A.Alsubhi معجبون بهذا.

النهر الجاري · 16-05-2017, 09:22 PM

اتفق مع رأي اختي عشق السفر

عشقي السفرمعجبون بهذا.

كتكات783 · 17-05-2017, 09:02 AM

باختصار ....

اسمح لي يالغالي ... عرض لا يعطيك متعة ماليزيا كما يجب ..

HUNTER و عشقي السفر معجبون بهذا.

HUNTER · 17-05-2017, 06:09 PM

دامها 10 ايام خذ هذا التوزيع

اليوم الاول التوجه للفندق وزيارة مول الصن وي في نفس الفندق

اليوم الثاني الالعاب المائيه لصن وي

اليوم الثالث تحجز رحله على الساعه 12 الظهر الى لنكاوي عشان تستفيد من اليوم تروح الفندق وتاخذلك

جوله حولين الفندق و شوف مطعم من مطاعم لنكاوي الي رشحوها الاخوان و الاخوات خليها وجبة غدا

وعشاء .

مهم انك تحدد كل يوم ايش بتسوي عشان ما تضيع الوقت

اليوم الرابع اخذ جولة على المنجروف و القرية الشرقيه و التلفريك

اليوم الخامس حجز فيلا مع مسبح و ارشحلك وستن وتكسب الايجار من اوله من 2 ظهر الى اليوم الثاني 2

او 3 ظهرا الخروج خلال هذا اليوم ابدا مافي اي نشاط سوا انك تروق في الفله و الفندق حتى وجباتك داخل

الفندق

اليوم السادس ممكن تغير فئة الفندق الى فندق اقل تكلفه والذهاب الى الالعاب البحريه جت سكي برشوت

رحله بحريه

اليوم السابع التوجه الى كوالا و اكمال ما تبقى الى يوم المغادره

تحياتي

A.Alsubhi و عشقي السفر معجبون بهذا.

saleh 15 · 20-05-2017, 10:59 PM

أدخل بالبوكنق وشوف الاسعار والتقييم

وبعدها حدد قرارك

وأرجح رأي الأخت عشق السفر

عشقي السفرمعجبون بهذا.

غدغد · 21-05-2017, 12:47 AM

نفس ما قالت اختنا عشق السفر الجدول جداً مزدحم راح يضيع بالتنقلات

miss caty cat · 21-05-2017, 05:58 PM

اقتباس : المشاركة الأصلية كتبت بواسطة HUNTER

دامها 10 ايام خذ هذا التوزيع

اليوم الاول التوجه للفندق وزيارة مول الصن وي في نفس الفندق

اليوم الثاني الالعاب المائيه لصن وي

اليوم الثالث تحجز رحله على الساعه 12 الظهر الى لنكاوي عشان تستفيد من اليوم تروح الفندق وتاخذلك

جوله حولين الفندق و شوف مطعم من مطاعم لنكاوي الي رشحوها الاخوان و الاخوات خليها وجبة غدا

وعشاء .

مهم انك تحدد كل يوم ايش بتسوي عشان ما تضيع الوقت

اليوم الرابع اخذ جولة على المنجروف و القرية الشرقيه و التلفريك

اليوم الخامس حجز فيلا مع مسبح و ارشحلك وستن وتكسب الايجار من اوله من 2 ظهر الى اليوم الثاني 2

او 3 ظهرا الخروج خلال هذا اليوم ابدا مافي اي نشاط سوا انك تروق في الفله و الفندق حتى وجباتك داخل

الفندق

اليوم السادس ممكن تغير فئة الفندق الى فندق اقل تكلفه والذهاب الى الالعاب البحريه جت سكي برشوت

رحله بحريه

اليوم السابع التوجه الى كوالا و اكمال ما تبقى الى يوم المغادره

تحياتي

بكم الفيلا ؟لمده 3 او 4 ايام لشخصين

انا ابغى غرفه مطله ع البحر يعني لها شرفه افتحها واطلع الشاطئ ع طول من غير مامر ع لوبي الفندق ان شاء الله فهمتوا قصدي

بس يكون السعر مناسب طبعا في لنكاوي

وجدولي الي انا حاطاه يبدا بلنكاوي مو زي المتعارف عليه سلانجور اشوف انها مايحتاج سكن فيها وتكلفه فندق طالما قريبه من كوالا وكوالا مخليها اخر شي طلعات وشابنق وزياره السن واي

ياريت رايكم واقتراحتكم بالنسبه للفندق والمعذره من الاخ كاتب الموضوع

مشاركاتي قليله ماتسمحلي اكتب موضوع مستقل

عشقي السفرمعجبون بهذا.

miss caty cat · 22-05-2017, 01:42 AM

اب

أرسلت بواسطة iPhone بإستخدام Tapatalk

عشقي السفرمعجبون بهذا.

عشقي السفر · 22-05-2017, 11:25 AM

اقتباس : المشاركة الأصلية كتبت بواسطة miss caty cat

بكم الفيلا ؟لمده 3 او 4 ايام لشخصين

انا ابغى غرفه مطله ع البحر يعني لها شرفه افتحها واطلع الشاطئ ع طول من غير مامر ع لوبي الفندق ان شاء الله فهمتوا قصدي

بس يكون السعر مناسب طبعا في لنكاوي

وجدولي الي انا حاطاه يبدا بلنكاوي مو زي المتعارف عليه سلانجور اشوف انها مايحتاج سكن فيها وتكلفه فندق طالما قريبه من كوالا وكوالا مخليها اخر شي طلعات وشابنق وزياره السن واي

ياريت رايكم واقتراحتكم بالنسبه للفندق والمعذره من الاخ كاتب الموضوع

مشاركاتي قليله ماتسمحلي اكتب موضوع مستقل

اهلا اخوي

بالنسبه للفيلا تكون بمسبح وراح تكوم مكلفه اذا خذتها لمده اربع ايام سعرها يتراوح بين 2000 الى 2500 ريال لليله الواحده وهي اطلاله جزئيه للبحر في فندق ذاويستن وممكن تلقاها بسعر ارخص بقليل انت ابحث بين المواقع الحجز وكلم كذا مكتب لين تلقى سعر مناسب انا مره لقيتها عند مكتب ب 1800 تقريبا ولكن قبل السفر بخمس شهور اما لما قرب السفر ارتفع السعر

لذلك دائما ننصح بأن تسكن اول ثلاث ايام بغرفه بفندق اخر وتخلي اخر ليله في الفيلا بالنسبه للانكاوي الاسعار فيها اما مرتفعه وجودة السكن ممتازه وخدمات ممتازه او السعر اقتصادي لكن للاسف اما بعيد عن البحر ونظيف او قريب من البحر ومن غير اطلاله لكن مستهلك وغير نظيف ولا تتامل كثير بالاقتصادي ولا يوجد فيها سعر متوسط بخدمات ونظافه جيده
لذلك دايما اعلى سعر للفنادق يكون بلنكاوي
بالنسبه لغرفه مطله على البحر فطلبك موجود بللنكاوي طبعا الفنادق اللي على البحر والسعر دائما لهذي الغرف المطله اعلى من الغرف العاديه المطله على الحديقه انتي حطي ميزانيتك لليله الواحده ونرشح لك القندق الي يناسبك لكن حطي في بالك السعر يترواح بين 700 ريال لليله الواحده هذا الاقل طبعا في موسم الصيف

بالنسبه لسيلانجور عادة توضع بالبداية حتى يرتاح المسافر من رحله مدتها تتراوح بين سبع ساعات ونصف الى تسع ساعات اذا جاي من جده غير اذا كانت رحلتك الدوليه تكون ترنزيت ساعتين او ثلاث فمرهق انك تواصل لانكاوي واذا عزمت تواصل انتبه لابد ان تحجز في الخطوط الماليزيه حتى تكون الرحله من نفس مطار الرحله الدوليه واذا بتسافر للنكاوي في الخطوط اير اسيا تحتاج وقت اربع ساعات على الاقل بين وقت الوصول الرحله الدوليه وتستلم الشنط وتنتقل الى مطار الرحلات الداخليه بالتكسي او الباص حتى تركب للرحله المتوجهه الى للنكاوي

وبرايي بالحالتين ارهاق على الاقل خذ يوم راحه بفندق قريب من المطار وثاني يوك توجه الى لانكاوي

بالتوفيق

تم الإرسال من SM-G935F باستخدام Tapatalk

المسافر2020معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محتاج إستشاره	hani213	بوابة مصر	6	07-05-2016 09:32 AM