ياليت احد يساعدني

وعليكم السلام ورحمة الله وبركاته

1- بالنسبة لاول يوم الافضل تروحون مباشرة لسان فرانسيسكو لانها قريبة من المطار حوالي 20 كم بدل السكن بالقرب من المطار .. والسيارة ممكن تستاجرونها يوم المغادرة من سان فرانسيسكو

2 -وفندق ماريوت ماركيز تقييمه جيد جدا وممكن تسكنون فيه و4 ايام بتكون كافيه لسان فرانسيسكو ... وممكن يوم تسكنون في الطريق بين سان فرانسيسكو ولوس انجلوس وممكن تسكنون في سانتا باربرا وتستمتعون بالطريق الساحلي الجميل


3-لوس انجلوس .. فندق بيفرلي هيلز بلازا تقييمه جيد جدا وموقعه ممتاز
وهذا خيار ثاني شوفوا اذا ناسبكم
نزل ريزيدنس باي ماريوت بيفرلي هيلز
http://www.booking.com/hotel/us/resi..._room=26534201

4 - لاس فيغاس
هذي خيارات ثانية

فندق وسبا فدارا في لاس فيغاس سيتي سنتر
وهذا الفندق ما فيه كازينو وقريب من فندق بيلاجيو
http://www.booking.com/hotel/us/vdar..._room=18616401

وهذا فندق ممتاز وفيه غرف مطله على نافورة بيلاجيو وانصحكم به
Las Vegas Hotel & Casino - Las Vegas Strip Hotel | The Cosmopolitan Las Vegas

5-6 - انهايم ونيوبورت بيتش قريبات من بعض والافضل السكن بوحدة منهم
و5 ايام اعتقد بتكون كافيه لهذي المنطقة ومن وجهة نظري الافضل تسكنون في نيوبورت بيج او ايرفاين

وخيارات الفنادق كثيرة وممكن تطلعون على هذا التقرير وبيفيدكم ان شاء الله في لوس انجلوس ومنطقة اونج كانوتي الي فيها انهايم ونيوبورت بيج وايرفاين
http://www.arabtrvl.com/vb/t839.html

وهذا تقرير ايضا ممكن يفيدكم بالاماكن السياحية
http://www.arabtrvl.com/vb/t867.html

ممكن اقترح عليكم مخطط السير هذا وشوفوا اذا ناسبكم

4 سانفرانسيسكو
يوم سانتا باربرا
6 ايام لوس انجلوس - بيفرلي هيلز
3 ايام فيغاس
3 ايام ساندييجو
5 ايام اورنج كاونتي - ايرفاين و نيوبورت بيج

وبالتوفيق

الف شكر اخوي الله يعطيك العافيه

1. افضل ان تأخذوا فندق في الداون تاون سانفرانسيسكوا على طول علشان تستغلوا اليوم بدل الهجولة وحقائب ونقلها !
2. ثلاث ليالي على سانفرانسيسكوا تكفي ! والفنادق كثيرة افضلها في منطقة اليونيون سكوير وفندق ماريوت من الفنادق المناسبة

3. فندق لوس انجلس بيفيرلي هلز بلازا ممتاز

4. فندق بيلاجيو ممتاز وهناك افضل مثل ذا بالس ووين وفيه امامه بلانت هوليوود

5. بالنسبة لفندق انهايم ممتاز جدا

6. من افضل المنتجعات في نيوبورت بيتش
Newport Beach Marriott Hotel & Spa




بالتوفيق ,,

مرحبا اختي

اولاً عندي تعليق اذا فيه مجال تبدلين ولاية كاليفورنيا لان الوقت اللي انتي مختارته الجو في كاليفورنيا مرعب

ثانيا لو معاكم سياره افضل لو تسكونون في هيلتون اناهيم لان في حافلات تاخذكم دايركت لديزني لاند وحتئ التذاكر تشترونها من الفندق نفسه الفندق روعه ومافي احلي من ستافهم
ومن اناهيم تقدرون تطلعون سانتا انا للتسوق الاوت لت حلوووو عندهم
وبعدين تطلعون سانتا مونيكا اجروا سياكل واخذوا جوله ع الشط افضل مايكون يوم اجازه وفيه مطعم عربي اسمه زد قاردن مفتوح ع البحر الاكل والجو جميل جميل يستحق العنا له
وبعدين روحوا يوم استديوهات يونفرسال ممتعه

واخيراً اختي فيغاس واالله ماتستاهل اكثر من يوم ترا كلها علي بعضها منظر مباني الداون تاون فليل وبس لو تبدلينها بسان دييغو او ولايه من ولايات الشمال بيكون افضل

والله ايسر لكم اموركم

السلام عليكم ورحمة الله وبركاته
شكرا اخوي امباكت عالرد الله يجزاك الف خير

مراحب اختي مسافرة جديه
الجو كيف مرعب ؟ لان مافيه مجال الان نغير خصوصا سبق ورحنا لنيويورك وفلوريدا
الله يسهل يارب وشكرا جزيلا لك اختي