مشورتكم في تقسيم الايام وطيران داخلي وبعض الاستفسارات؟؟

الإبداع · 31-05-2017, 09:21 PM

السلام عليكم
شهر مبارك جعلنا الله واياكم من صيامه وقيامه
واجعلنا اللهم من المقبولين
ولله الحمد تم الحجز 3 يوليو لجاكرتا والوصول 4 يوليو التاسعه صباحاً بتوقيتهم
والعوده 22 يوليو
رايكم في تقسيم الايام
جاكرتا الوصول
والانطلاق بنفس اليوم للجبل
باندونق
بالي
جاكرتا
والطيران الداخلي لبالي وش افضل خطوط وافضل سعر
وهل اخذه من جاكرتا او من باندونق افضل؟ وهل اقدر يكون ذهاب باندونق لبالي وعوده من بالي لجاكرتا
ورايكم في اير اسيا ؟ هل الحجز من موقعهم مضمون؟ والشنط هل لها سعر خاص؟
وبالنسبه للفيزا هل لازم لها رفع الحظر؟
وبالنسبه لسكن بالجبل بحثت بسيروني 3 فل!! وانا ودي بفله نظيفه من دون مسبح وش رايكم؟
والسواق هل ضروري وجوده بالجبل وباندونق ماتكفي التكاسي؟؟؟

طولت عليكم الله يعطيكم الف عافيه...

ولد جلاسكو · 01-06-2017, 09:57 AM

يا ريت أحد من الأأخوان يفيدك ويفيدني

alradadi · 01-06-2017, 10:04 AM

اقتباس : المشاركة الأصلية كتبت بواسطة الإبداع

السلام عليكم
شهر مبارك جعلنا الله واياكم من صيامه وقيامه
واجعلنا اللهم من المقبولين
ولله الحمد تم الحجز 3 يوليو لجاكرتا والوصول 4 يوليو التاسعه صباحاً بتوقيتهم
والعوده 22 يوليو
رايكم في تقسيم الايام
جاكرتا الوصول
والانطلاق بنفس اليوم للجبل
باندونق
بالي
جاكرتا

بونشاك 6

باندونغ 4

بالي 4

جاكرتا 2

او

بونشاك 5

باندونغ 3

لومبوك 2

بالي 4

جاكرتا 2

والطيران الداخلي لبالي وش افضل خطوط وافضل سعر

شركات الطيران في اندونيسيا كثير لكن الافضل هي الجارودا لكنها الاغلى سعر بعدها تجي مجموعة شركات كثير متقاربه في الخدمة والسعر مثل اير اسيا وبتيك وليون

وهل اخذه من جاكرتا او من باندونق افضل؟ وهل اقدر يكون ذهاب باندونق لبالي وعوده من بالي لجاكرتا

الافضل انك تاخذيها من باندونغ لان اتجاه خط سيرك يكون مطار جاكرتا - بونشاك - باندونق - بالي او لومبوك

ورايكم في اير اسيا ؟ هل الحجز من موقعهم مضمون؟ والشنط هل لها سعر خاص؟

خطوط اير اسيا خطوط اقتصادية ممتازه نعم موقعهم مضمون ان شاء الله حجزت منه كثير الوزن 15 كيلو مجاني اكثر من ذلك على حسابك وما هو غالي ممكن تزيدي 15 اضافي يكلف عليك 60 ريال هذا من الموقع اما من المطار التسعيرة تختلف راح السعر اعلى

وبالنسبه للفيزا هل لازم لها رفع الحظر؟

نعم لازم

وبالنسبه لسكن بالجبل بحثت بسيروني 3 فل!! وانا ودي بفله نظيفه من دون مسبح وش رايكم؟

الفلل لازم تحجزيها الان والا ماراح تحصلي شي اذا وصلتي لو اني ما انصح بحجز الفله بدون مشاهدتها على الطبيعه بس ما في اليد حيله في الموسم كل الفلل تنحجز بدري

والسواق هل ضروري وجوده بالجبل وباندونق ماتكفي التكاسي؟؟؟

نعم ضروري جداً بدونه ما تقدري تروح اي مكان

طولت عليكم الله يعطيكم الف عافيه...

عليكم السلام

كل عام وانت بخير والمسلمين جميعاً

نتمنى لك رحلة موفقه وسعيدة واي سؤال فريق المسافرون العرب في خدمتك

ولد جلاسكو · 01-06-2017, 10:16 AM

بارك الله فيك

الإبداع · 01-06-2017, 05:01 PM

السلام عليكم يعطيك الف الف عافيه
انا عندي 17 ليله. وش رايك بتقسيمي
5 بونشاك
2 باندونق
7 بالي
3 جاكرتا
الغيت لومبوك لاني معي اطفال ومابي اتنقل كثير

بالنسبه لطيران اير اسيا ال15 كيلو المجاني لكل شخص؟؟؟ كبير وطفل؟

هل اذا حجزت من موقعم الدفع عن طريق الفيزا ويرسلون التذاكر على الايميل؟

تقدر تشيك لي لا هنت بتاريخ 11 يوليو من باندونق لبالي وعوده 17 من بالي لجاكرتا
ثلاث كبار وطفلين ورضيع؟
وهل يختلف السعر لو قبل او بعد بيوم؟
وعلى الساع كم راح تكون؟
معليش بالنسبه لفندق سيروني 3 الي الكل يمدحه هو بموقع بوكنق سيروني انترنشونال؟ تقييمه ضعيف مرره؟؟ وش افضل هو او بيسونا علم؟؟
معليش اتعبناك اول مره اروح اندونيسيا وودي مانحاس هناك وبالنسبه لسواقين من وين لي احد مجرب ،، الله يفرج همك ويرزقك من حيث لاتحتسب...

alradadi · 02-06-2017, 12:52 AM

اقتباس : المشاركة الأصلية كتبت بواسطة الإبداع

السلام عليكم يعطيك الف الف عافيه
انا عندي 17 ليله. وش رايك بتقسيمي
5 بونشاك
2 باندونق
7 بالي
3 جاكرتا

اعتقد كذا افضل

5 بونشاك
3 باندونق
6 بالي
3 جاكرتا

الغيت لومبوك لاني معي اطفال ومابي اتنقل كثير

بالنسبه لطيران اير اسيا ال15 كيلو المجاني لكل شخص؟؟؟ كبير وطفل؟

نعم للجميع ما عدى الرضيع اعتقد انها اقل بصراحة ما عندي خلفيه عنه بس اذا معك عربه اطفال تحسب مجاناً

هل اذا حجزت من موقعم الدفع عن طريق الفيزا ويرسلون التذاكر على الايميل؟

نعم تقدري تطبعي التذاكر من موقعهم ويمكن طباعة البوردنق من الموقع ايضاً قبل الرحلة 14 يوم لان طباعة البوردنق ليست مجانية

تقدر تشيك لي لا هنت بتاريخ 11 يوليو من باندونق لبالي وعوده 17 من بالي لجاكرتا
ثلاث كبار وطفلين ورضيع؟

من باندونق الى بالي رحلة واحدة الساعة 1.40 الظهر تكلف عليك 900 ريال شامل جميع افراد الاسرة اذا تبغى وزن اضافي تدفعي حقة

من بالى الى جاكرتا الساعة 11.25 صباحاً تكلف عليك 1052 ريال شامل جميع افراد الاسرة

وهل يختلف السعر لو قبل او بعد بيوم؟
وعلى الساع كم راح تكون؟

الاسعار متقاربة ما تفرق كثير

معليش بالنسبه لفندق سيروني 3 الي الكل يمدحه هو بموقع بوكنق سيروني انترنشونال؟ تقييمه ضعيف مرره؟؟ وش افضل هو او بيسونا علم؟؟

سيروني 3 لا يمكن حجزه من اي موقع لازم اما مكتب او مباشرة من الفندق واعتقد ان الفندق اللي ذكرتي تشابه اسماء فقط

بسيونا علم افضل فندق الان في بونشاك لكن عيبه الحجز فيه صعب جداً دائما ممتلئ وتكوني محظوظ لو جدتي فيه حجز

معليش اتعبناك اول مره اروح اندونيسيا وودي مانحاس هناك وبالنسبه لسواقين من وين لي احد مجرب ،، الله يفرج همك ويرزقك من حيث لاتحتسب...

السواقين امرهم بسيط راح ارسل بعض ارقامهم

الله يعافيك

الإبداع · 02-06-2017, 05:52 AM

يعطيك الف عافيه
جاري حجز الطيران باذن الله
بالنسبه لفندق بيسونا علم حصلت فيه غرف اما الفلل فل
وحصلت واحد يحجز فلل لكن الى الان ما اعتمدنا
وبالنسبه لسواقين هل اراسلهم من هنا واتس اب وكيف طريقة الاتفاق؟؟
كيف بالضبط لعدد الايام ومن المطار للجبل. ومن الجبل لباندونق. وضح لي بحسب خبرتك لاهنت
وهل نحاسبه بالنهايه او نصف المبلغ او بعد كل يوم. معليش التفاصيل الدقيقه تهمني
الله يكثر من امثالك ويجزاك الجنه ووالديك ولك دعوات في هذا اليوم الفضيل باذن الله..

alradadi · 02-06-2017, 08:38 AM

اقتباس : المشاركة الأصلية كتبت بواسطة الإبداع

يعطيك الف عافيه
جاري حجز الطيران باذن الله
بالنسبه لفندق بيسونا علم حصلت فيه غرف اما الفلل فل
وحصلت واحد يحجز فلل لكن الى الان ما اعتمدنا
وبالنسبه لسواقين هل اراسلهم من هنا واتس اب وكيف طريقة الاتفاق؟؟
كيف بالضبط لعدد الايام ومن المطار للجبل. ومن الجبل لباندونق. وضح لي بحسب خبرتك لاهنت
وهل نحاسبه بالنهايه او نصف المبلغ او بعد كل يوم. معليش التفاصيل الدقيقه تهمني
الله يكثر من امثالك ويجزاك الجنه ووالديك ولك دعوات في هذا اليوم الفضيل باذن الله..

اذا حصلتي في بسيونا علم خذي وانت مغمضة ما يبغى لها كلام اما الفلل النظيف والمميز فيها قليل والباقي لك عليها ودائماً لا انصح بحجز الفلل الا عند مشاهدتها لكن في موسم السياحية لا تجدي فله لا نظيف ولا تعبان كله مؤجر

سماسرة حجز الفنادق والفلل كثير بس الله يهديهم يرفعوا سعرها كثير

السواقين حسابهم دائما اخر اليوم تعطية حقه اسعارهم من المطار الى الجبل 700 الف كذلك من بونشاك الى باندونق 700 الف اما في بونشاك 500 الف لليوم كل شي عليه انت بس تدفعي هذا المبلغ

طبعاً السواقين معظمهم يتكلم عربي ممكن تتصلي عليه مع مراعات فارق التوقيت وبعضهم راسليه واتس اب يريد عليك والبعض الاخر يتكلم عربي لكنة لا يكتب يمكن تراسليه بمكالمة صوتية بالواتس اب

اتمنى لك التوفيق

الإبداع · 02-06-2017, 10:12 PM

يعطيك الف الف عافيه ماقصرت...

لي عودة لبعض الاستشارات ،،، الله يسهل امرك ويفرج همك ويرزقك من حيث لا تحتسب..

الإبداع · 03-06-2017, 06:54 AM

بالنسبه لباندونق. وش فيه خيارات لسكن اما فله نظيفه او فندق ويهمني الخضاررر

ومناسب لعايله وهي تكفيها ليلتين. او ثلاث؟؟ وش افضل اسواقها. او جاكرتا ويقولون فيها اوت لت ؟ وش رايكم؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الاستكر وبعض الاستفسارات	واحد من الناس1	بوابة المانيا	5	06-08-2016 06:39 AM
نصايحكم على الجدول وبعض الاستفسارات	برزان	بوابة اندونيسيا	6	13-07-2015 12:52 AM
رأيكم في تقسيم الايام ل13 ليله	مخاوي بحر	بوابة البوسنة	7	05-06-2015 01:59 AM
بلجيكا وبعض الاستفسارات	ايام وليالي	بوابة الدول الاخرى	8	22-04-2015 05:43 PM
رأيكم في تقسيم الايام	ذيبة	تركيا	2	26-02-2015 07:34 AM