اليوم الخامس والاخير في إسطنبول
الجمعة الموافق 5\12\2014
بما ان موعد اقلاع الرحلة الساعة 8 ونص بتوقيت إسطنبول
والحضور الساعة 4 عصراً ...
نزلنا فطرنا كلنا بالمطاعم المقابلة فندق CVK اربع نجوم "اللي يبيعون شاورما نسيت اصورهم"
وهذا كان فطورهم ..
اما انا اخذت سميت "حبة لي و9 حبات طلبية خاص لبنت عمتي"
وطلبت من نفس المطعم عصير فرش قال ما عنده الا معلب فاخذت عيران
"ام الخبصة سميت وعيران"
تعززت مابا اكل في هالمطعم
بس تفحصته الصراحة نظيف تمنيت اختي تترجاني اطعم زي كل مرة
بس ما عبرتني وكملت تغزز وانا نفسي في بيضه خاصة لما عرفت انه بلدي
وبعدها انقسمنا الوالد وانا واخوي لــ منطقة السلطان ايوب
وهم يكملون الهدايا .. وترتيب شنطهم " نحن ابوي رتب شنطنا"
وهذي صور من الطريق الى جامع السلطان ايوب كان يوم ماطر
اخذنا التاكسي بــ 20 ليرة او 25 ليرة
احتمال كبير اكون خبصت ترتيب الصور "العتب ع الذاكرة"
كل ما مرينا منه تذكرن ام حسين
شو محلات بالاسيوي رووعة امبين عليها
وصلنا والحمد لله
يا كثر المطاعم حولين الجامع
ما قدرنا ندخل لان كان وقت صلاة الظهر وصلاة الجنازة
" كنا بنطلع من الجامع ع التلفريك بس من الزحمة والناس تصلي ما قدرنا نمر
سألت واحد يبيع في كشك قالي روحي من الخلف اول فتحة ع اليسار
وامشي مع الطريق بتوصلين "
ابوي شاف قبور قال بدخل اقرأ الفاتحة عليهم
وكل ما شاف شلة قبور رجع وقرأ وصور
سألنا واحد قبور من هذي قال لنا بس نسيت اهم عائلة الله يرحمهم ويرحم جميع الاموات المسلمين
اختصرنا الطريق من هنا
" ع كيفنا نستكشف "
ألعاب ومسرح بمكان غريب
نحن الوحيدين في هالمكان
هذي الاشياء تعجبني جدا جدا
وطلعنا ع شارع فيه اعمال طرق وأزحلقنا كم مرة
وشفنا وحدة تسحب شنطة سفر سألناها لو طريقنا صح
قالت صح ألحقوني ولحقناها وبعدين قالت كملوا يسار وانا بروح يمين بسافر
اول ما دخلنا شفت الدنيا فااااااااضيه وهدوء
ع طول الدمعة في عيني لاااا مقفلين شو هالحظ
.gif "(111)")
واخوي ميت ضحك قال نحاسه
تميت اطالع يمين يسار علوا عسى اشوف حد
شوي ايي الموظف ويأشر لنا نلف الجهة الثانية
سألنا لو عندنا الكرت ندفع منه واذا لا 4 ليرات للواحد
بداية الانطلاق
من قلب التلفريك
انا اخاف جدا جدا من المرتفعات لو درج ملتوي بعد اخاف منه
بس بتركيا تغلبت ع مخاوفي
اخوي اهني وقف ع الحافة وفجأة يصرخ اااه اااه بطيح
قلبي وقف ركضت صوبه مديت ايدي وابوي سحبني
طلع اللي ما يتسمى يمزح عيشنا برعب
ومنها ابوي ممغوص وريوله ما شلته
.gif "(5)")
الحمد لله ربي ستر ولا نحن الاثنين في خبر كان
البلدية مفروض تسور المكان خطر جدا ع الاطفال
كان في شوية ضباب
"الباصات السياحية في الاسفل"
هذا اكيد مبنى مهم عندهم اللي يعرف شو ها يخبرنا "اول قرأت قبل ما اسافر ان في مبنى يشبه هذا تقام فيه بعض الحفلات الموسيقية وهو اول مسرح في العالم مطل ع مسطح مائي" .. بس كيف اول واحد
ودائر الاوبرا في سيدني ولا مغلق ما يطل!!
المسافة قصيرة ومش مرتفع
وصل
زوم ع ملعب كرة السلة
و طلبنا واحد شاي واثنين هوت شوكليت والحساب بس بس 19 ليرة
قال الوالد لو فدبي الكوب الواحد بـ 100 درهم اقل شي
ع هالاطلالة يستاهل اكثر اكثر
سألت النادل لو كملنا سيدة شو بنلاقي قال ولا شي بس طريق
واحد من موظفين المقهى يا يقولي قصة الاسم
قلتله اعرف اعرف كان كاتب فرنسي ايي عندكم
وسميتوا المقهى ع اسمه .. الله يخلي الاعضاء كل شي ذاكرينه
اسعار الباعة معقولة جدا ارخص من جراند بازار
من اليمين النزلة العادية اللي ينزلون و يطلعون منها الباصات والتاكسي والسيارات
طريق النزلة من عند المقبرة " ع يمني و ع يساري قبور"
اهني شفنا شلة شباب اول ما مرينا من جنبهم سلموا علينا
الارضية ازحلق كم مرة بغينا نتكسر
قربنا نوصل اعتقد النزلة اخذت منا ساعة لان كل شوي نوقف
نصور ونقرأ اسامي الموتى ..
ابوي واخوي الله يحفظهم كل شوي يقارنون الاسامي
ويحسبون كم فرق السنين بين المدفونين بنفس الحيز
هذيل اخوان هذا اب وعياله هذيل عيال عم
ونحن نازلين كل شوي نشوف مسنات يبعون كلينكس بليرة الله يرزقهم
واخيرا وصلنا صح النزله صعبة بس جدا ممتعة
متجهين إلى الشارع العام
وهذي صور الرجعة لتقسيم " كنا مقررين نتقابل كلنا في مطعم الملك لان ابوي ما جربه
بس بطلنا خفنا نتاخر ع المطار
اخذنا تاكسي اتفقنا معاه ع اساس 20
قال لا بشغل العداد قلت له لا لا 20 وشغله بدون ما ادري
بس الغريبة طلع المشوار بـ 21.35 ليرة بس "ولد حلال"
و ع طول نزلنا عند الجماعة كانوا جالسين في فاروق اتفقنا نحن نروح نتمشى وهم يجيبون
البقلاوة "هدايا" 9 كيلو بقلاوة و كيلوين اظن حلقوم بالرمان وكيلو حلقوم المن والسلوى
وبعدين انا زودت كيلو بقلاوة لصاحباتي " قسمته ارباع"
حسب الكيلو اللي بالعلبة الكبيرة بــ 95 ليرة
اما الارباع حسبهم بـ 63 اعتقد .. كل مرة سعر غير ع حسب النوع
واخذت اختي كيلو بيتي فور ما عرف بكم
وهذا المحل من داخل "حافظ ديكوره احلى بس هذا طعم حلوياته
حلينا لاخر مرة
للامانة الهوت شوكليت حقه مش حلو "نيدو + نسكويك"
بعد ما حلينا رجنا لاخر مرة ع شارع الاستقلال
رجعنا ناخذ كم غرض من محل الميك اب
وندور مكان ناكل فيه
الجماعة كان نفسهم يركبون البق باص يوم شافوه بمنطقة السلطان احمد
بس كنا مشطبين ع الاماكن اللي يروح لها ..
كان سعر التذكرة 60 ليرة
تنسيق الكام "كنت مختارة لقطة ابداعية"
طلعت لقطات خياسية
كان الوالد يبي الحمام الله يعزكم والمول شوي بعيد وشفنا هالمبنى دخلنا نستكشف
مجموعة مطاعم
تقريبا كلهم يقدمون اطباق بحرية فقط
هالمطاعم مقابل هالمحل وبجنب البازار ع طول
سألنا وين ممكن نلاقي جبن قالوا بسوق السمك "طبعا انا مادخلت رحت للمول"
قبل هالبزار في مطعم لفت انتباهي
وتذكرت عاشق اسطنبول جزاه الله خير
مرة ذكر ان الحريم يعجنون قدامك كان خاطري اجربه
واخترت مطعم المدينة نتغدى فيه ...
هذي بعض صور المشاهير اللي زاروه
"ايزيل"
حبيبتي إليسا
بولنت "يحيى بطل سنوات الضياع" سألتهم عن "توبا" لميس محد يعرفها ولا بيرين سات
.gif "(123)")
الممثلة العمانية بثينة الرئيسي وإليسا و وائل كفوري واحلام وزوجها مبارك الهاجري
السوبر ستار راغب علامة و هويامي "مريم أوزرلي"
راغب
اعتقد هذا عم مهند في العشق الممنوع
عمر ابو شعر " اخو لميس في سنوات الضياع"
واخر صورة لفزاع "الشيخ حمدان بن محمد بن راشد آل مكتوم"
والعريفي ع اليمين
اطلالة المطعم ع الكنيسة و ع جزء من الشارع
المقبلات انت تختار اللي تبيه منهم
هذا غدانا " مشاوي لشخصين" وحمص باللحمة و لحم بالبدنجان هيك شي
كنا نبي نطلب لحم بالجرة بس وايد غالي 150 ليرة
ونحن حولنا باقي الليرات لدولار يادوب خلينا حق الاكل والتاكسي
ما اتذكر كم طلع الحساب بس بشكل عام غاااااالي
والطعم عااادي جدا جدا جدا الملك وايد احسن عنه لذيذ اكلهم وسعرهم حلو
ومنه ع الفندق خلصنا اكل الساعة 4 ونص
ونحن راجعين للفندق ناخذ اغراضنا اخذنا سميت " اكثر من حد وصانا عليه"
تقريبا مع اللي اخذته الصبح كملنا 30 حبة خخخخخ
الحبة بليرة وحدة وبعدين زودنا كم حبة
اخوي راح ايب وقصوا عليه باعوله الحبة بـ 1.25 فلس
معصب نفسه خايسه ما يبا يلف كل حبة بروحها
اخر جولة في الفندق
اطلالة الفندق
التواليت العام الله يعزكم
شفت فيه عائلة سعودية توهم جاين من انطاليا
قمة النظافة
استلمنا الشنط و ع طول ندور تاكسي "كانت الساعة 6 مساءُ "
اصلا هم مكانهم جنب الفندق
بس حظنا يكسر الصخر ما لقينا ولا واحد فاطرينا نطلب من الفندق
يوفر لنا تاكسي 2
ووفروهم باقل من 3 دقايق الواحد بسعر 70 ليرة
صور من الطريق
تاكسي الجماعة قدامنا ..
منطقة مارتر اعتقد فيها المصانع وبضائعهم ممتازة واكثرها جلود
وصلنا المطار متأخرين بسبب الزحمة
"تكلم مين كل ما قلت لهم يا عالم يلا قالوا بدري"
اول ما وصلنا ندور ترولي للشنط ما لقينا ولا وحدة
والمطار مزحوم بشكل رهيب
اكثر شي ضايقني بموظفينهم التفتيش
قالي نزلي الجاكيت قلت له لااا حاول ورفضت
.gif "(150)")
جاب حرمه "شرطية" قالت يلا نزلي قلت لها لااااا ابدااا
دخليني غرفة وبنزله وفعلا دخلتني وفشتني ع السريع وهي تضحك
وقبل مااروح اشوف الاغراض تمشي قلت لها هاتي اغراضي"فلوسي والكام وموبايلي"
قالت لا ممنوع وطلبت هي بنفسها من زميلها يوقف السير الين تخلص مني
.gif "(89)")
كانت الطيارة ولله الحمد كبيرة 8 كراسي بالسيد الواحد
والوجبة كانت ممتازة فيها نكهة ..
ابوي واخوي وجبة دياي وانا طلبت مكرونة واختي اطرت تاخذ مثلي
لان الدياي خلص
وسبحان الله العائلة اللي راحت معانا رجعت معانا
ونزلوا بنفس الفندق ...
والحمد لله وصلنا الإمارات الحبيبة بسلام
وهذي بعض الهدايا
هذي شنطتي بس فيها هدايا ثيابي كلها بشنطة ابوي واخوي
السموحة ع التاخير
وهذي بعض الفيديوهات اللي قدرت احملهم
الكمبير - اورتاكوي
امينونو "جسر غلطة"
اطلالة توب كابي سراي
عازفة في محطة مترو اكسراي
مطعم الملك "لحم بالجرة ودجاج بالملح"
تقديم الكبة في مطعم الملك
او مشاهدتها جميعا من هنا
للاسف كل الفيديوهات اللي بالايفون "حق ابوي"
نقلهم من الايفون للاب و ما انفتحن
واحترق لاب توب ابوي
يعني مالي عين اساله مرة ثانية لو قدر يصلح الخطأ اللي صار
:::::::::::
صح نسيت اكتب لكم كم حولنا
الوالد اخذ 500 دولار مصرف "محول من سفراته السابقة" و 3 فيزا
انا حولت 7000 درهم إماراتي "فيزا وحدة احتياط"
كالتالي 5000 لليرة واعتقد طلعت بحدود 2800
و 2000 حولتهم لـ دولار طلعت 543 $
ودولاراتي رجعتهم زي ما هم ما صرفت منهم اي شي 
الجماعة حولوا5000 درهم إماراتي لـ لليرة طلعت حوالي 3000 ليرة وشوي "2 فيزا احتياط"
كان وقتها سعر الصرف 1.65 بطلوع الروح باقي الصرافين حرامية 1.79
واخوي اخذ إماراتي و اخذ بعدين منا تركي خخخخخ
"قال انا طالب انتوا اصرفوا علي" .gif "(2)")
والفندق دفعنا من الفيزا
مجموع الصرف
انا عني صرفت كل الليرات واختي رجعت تقريبا 1460 درهم إماراتي"
تقريبا تقريبا صرفنا مع الهدايا 8540 درهم إماراتي "كثرنا بالهدايا"
والفندق لحاله 6304 للغرفتين والتذاكر 8000 درهم
والفيزا 1100 درهم
يعني كله كله = 23944 درهم إماراتي
تركيا مش غالية مثل ما قالوا بعض الناس
اللهم الحلويات غالية فقط
ان شاء الله التقرير ينال اعجابكم ..
واكرر شكري لكل اعضاء المنتدى الكرام ع كل معلومة افادوني فيها
وجزاكم الله خير جميعاااا
واذا اي حد عنده سؤال او تعليق لا يتردد
ودمتم بحفظ لرحمن
09-01-2015, 01:27 AM
رد: 5 أيام في إسطنبول ... رحلة عائلية شتوية 
رد: 5 أيام في إسطنبول ... رحلة عائلية شتوية .gif "(125)")
.gif "(35)")
العرض العادي
المواضيع المتشابهه 
