مساعده في تخطيط رحله عائليه لماليزيا

أستغفرالله · 30-06-2017, 07:15 AM

السلام عليكم ورحمة الله وبركاته .. 🌸🌸

اريد منكم تخطيط لرحلة عائليه تتكون من اب وام وثلاث اطفال ، 15 يوم تقريباً
كوالالمبور ، بينانج ، لانكاوي
علماً اننا سبق وزرناها قبل عشر سنوات

شاكرين تعاونكم 🌸
وجزاكم الله خيراً جميعاً

أستغفرالله · 30-06-2017, 07:21 AM

ايضاً اريد التكلفه التقريبيه للرحله مع توصيات الفنادق او الشقق الجميله
كذاك تكاليف الرحلات الدوليه والداخليه ، وهل تنصحون قيادة السياره فيها افضل ؟
وشكرا لكم

أستغفرالله · 01-07-2017, 05:44 AM

ساعدوني

أستغفرالله · 01-07-2017, 05:44 AM

ولا رد واحد ؟؟؟؟

فهد المنيع · 01-07-2017, 09:58 AM

دامكم زرتوها قبل ممكن انتم تحددون وش يناسبكم اكثر . يعني مثلاً لنكاوي وبيننق يختلف الناس فيها بعدد الايام فتلقى احد يبي الهدوء والبساطة فيقعد اكثر في لنكاوي واحد العكس .

انا من خلال زيارتي لماليزيا سابقًا ممكن اوزعها كذا
٢ ليلة سلنجور
٤ ليالي لنكاوي
٤ ليالي بيننق
٥ ليالي كوالا لمبور

وكلن حسب رغبته

المسافر2020 و النهر الجاري معجبون بهذا.

النهر الجاري · 01-07-2017, 02:51 PM

اتفق مع حبيبنا فهد ... انتم افضل من يستطيع ان يحدد التوزيع المناسب بحكم زيارتكم السابقه لماليزيا..

بخصوص توزيع حبيبنا فهد مناسب ...
ممكن تجعلون لنكاوي 5 ليالي على حساب بينانج
وممكن العكس ..

ممكن تضيفون كاميرون .. على حساب ليله من لنكاوي وليله من بينانج ..

# اما التكاليف ....
- الطيران الدولي : يحتاج تشيكون بالنت .. لكن اتوقع تكون في حدود 11 الف ( رقم من راسي )
- الطيران الداخلي : برضه لازم تشيكون بالنت ... اتوقع تكون في حدود 1500 ريال ( رقم من راسي )
- الفنادق : تختلف الفنادق باسعارها اختلاف جذري ,,, عموما كمتوسط تقريبا 7500 ريال ( رقم من راسي )
- المصاريف: يختلف من شخص الى شخص ,, لكن كرقم تقريبي 7500 ريال ( رقم من راسي )

لا تعتمدون على الارقام اللي كتبتها ...
لانه ممكن تصرفون 100 الف ... وممكن تصرفون 20 الف .. على حسب انتم ايش تبغون.

ان شاء الله الحبايب ما يقصرون معك باي افاده او مشوره

فهد المنيعمعجبون بهذا.

أستغفرالله · 11-07-2017, 10:07 AM

شكراً لك الله يسعدك .. اللي اقصده بسبق زرناها انها اكيد اختلف الوضع بعد عشر سنوات ..

أستغفرالله · 11-07-2017, 10:08 AM

شكراً لكم جميعاً الاخ فهد والنهر الجاري ماقصرتوا جميعاً الله يرضى عليكم

فهد المنيعمعجبون بهذا.

HMJ5 · 11-07-2017, 02:52 PM

السلام عليكم

من رايي

يومين في سلانجور - فندق صن واي لاغون - ( يوم الوصول مدينة الألعاب المائية في نفس الفندق ،
مجمع البرميد التجاري عند الفندق ، اليوم الثاني مدينة الاضواء ICity )

٤ أيام في بينانغ - فندق شانغريلا - ( أول يوم منطقة الباتو فرنجي اللي فيها الفندق تنزلون تتمشون
عالشاطئ وفيه سوق ليلي ، اليوم الثاني هضبة بينانغ هاذي أهم شيء جدا جميلة ، بعد كذا عندك
اكواريوم وحدايق الفواكة و الطيور والفراشات و مصانع الشوكولاته والذهب والقهوة أختاروا اللي يناسبكم )

٤ أيام في لنكاوي - فندق ويستن وأنصحك تاخذ الفيلا أجمل - ( أول يوم ميدان النسر ومجمع الفير ، ثاني
يوم القرية الشرقية خصصوا لها يوم كامل لكن إنتبهوا من التلفريك ترى يخوف صدق ، ثالث يوم رحلة
المانغروف في بحر اندامان جدا جمييييلة ومميزة ، اليوم الرابع Up and Down Museum هو عبارة عن متحف
على شكل تصميم بيت لكن كل شيء مقلوب رأسا على عقب يعني انت تمشي عالسقف والاثاث فوقك
وعندهم متاحف نفس هالفكرة كثيرة يعني بنفس اليوم زور أكثر من واحد وفيه واحد حلو للأطفال أغلبه
شخصيات كرتونية لكن مايحظرني إسمه )

اخر ٥ ايام في كوالالمبور - فندق الريتز كارلتون - ( بكتب لك أفضل الاماكن وانت رتبها ، البافليون مول قريب
للفندق مشي تطلع له - منارة كوالالمبور ، برجين التوين تاور ، التايمز سكوير ، مجمع الماينز عند النهر تاخذ
لك جولة ، حديقة الجيوانات زو نيجارا ، وفيه اكواريوم و حدايق الطيور والزهور ، سفاري وعروض افاموسا ،
السوق الصيني )

والتنقل بين سلانجور وبينانغ طيران اير اسيا
وبين بينانغ و لنكاوي ب الفيري
ومن لنكاوي لكوالالمبور ياطيران او بالفيري اتوقع يمديك

و انصحك تعتمد على اوبر Uper آفضل من التكاسي
حمل التطبيق عالجوال ومتى مابغيت تتطلع تطلب منهم
والعداد قدامك لا غش ولا شيء..

وموفقين ..

النهر الجاري و عشقي السفر معجبون بهذا.

ابو حسن 9 · 11-07-2017, 04:44 PM

اقتباس : المشاركة الأصلية كتبت بواسطة أستغفرالله

السلام عليكم ورحمة الله وبركاته .. [emoji254][emoji254]

اريد منكم تخطيط لرحلة عائليه تتكون من اب وام وثلاث اطفال ، 15 يوم تقريباً

كوالالمبور ، بينانج ، لانكاوي

علماً اننا سبق وزرناها قبل عشر سنوات

شاكرين تعاونكم [emoji254]

وجزاكم الله خيراً جميعاً

يالحبيب اذا تبغي نساعدك
كم اعمار الاطفال على اساسها تحدد الغرف بالفنادق
ومن زيارة سابقة انتم اي المدن حبيتوها اكثر
تقريبا بينانج ولانكاوي كلهم جزر والانشطة فيهم تتشابه الفرق ان
بينانغ
انشطة اكثر وحركة اكثر يعني لين 11او 12 الليل
لانكاوي
انشطة اقل وهدوء اكثر يعني بالكثير 7 او 8 الليل

ممكن يكون التقسيم
يومين سلانجور
اربع لانكاوي
اربع بينانغ
خمسه كوالالمبور

او

خمسه لانكاوي
خمسه بينانغ
خمسه كوالالمبور ومنها يوم لسلانجور

او

خمسه ايام بينانغ او لانكاوي
ثلاث ايام ايبوه
ثلاث ايام الكاميرون
اربع ايام كوالالمبور منها يوم لسلانجور

الميزانيه يختلف الصرف من شخص ل اخر بس عموما احسب
2000 ريال لليوم الواحد شامل اكل وشرب وسكن ومواصلات وترفيه وتسوق بسيط
او 1500 ريال لليوم الواحد بدون تسوق

طبعا الرقم من راسي بس انت قرر وجاوب على اللسئله ونحنا نساعدك لان الميزانيه اكثر شي بتروح على الطيران حاليا بس باذن الله تلاقي سعر مناسب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعده ترتيب رحله عائليه المانيا النمسا سويسرى	هامور حضرمي	بوابة سويسرا	15	11-08-2017 10:08 AM
رحله عائليه ل اندونسيا	جوري وياسمين	بوابة اندونيسيا	5	24-09-2016 02:36 PM
تخطيط رحله عائليه	asl	بوابة امريكا	12	22-05-2016 11:38 PM
ترتيب رحله عائليه لو سمحتوا	توته	بوابة اسبانيا	5	10-05-2016 07:56 AM
رحله عائليه ل دبي	ياسمين و جوري	بوابة الامارات	20	15-02-2016 06:59 AM