السلام عليكم ورحمه الله
لو سمحتم ابي احجز من الحين ان شالله بنروح شهر شوال يوليو من جده الى شيكاغو ماهي ارخص خطوط ومافيها ترانزيت متعب وهل افضل الحين احجز والا قدام شوى وهل في عروض على التذاكر اروجو الافاده

وعليكم السلام ورحمة الله وبركاته
الأفضل تحجز من الان لان الأسعار تكون أرخص خصوصا ان وقت سفرك يكون موسم . ممكن تقارن بين الأسعار عن طريق موقع skyscanner

القطريه تودي مباشره الى شيكاغو بس بتوقفين في قطر اكيد
والاماراتيه بعد وتوقفين في دبي بس الاسعار ماتوقع بيكونون الارخص تقدرين تشيكين في موقع orbitz
يقارن لك الاسعار بين الطيرانات وفيه ميزة التواريخ المرنه flexible dates وتشوفين الارخص في اي يوم اذا كانت تواريخك مرنه

كان في عرض من الاتحاد خصم 35% لكل الوجهات بما فيهم امريكا بس انتهى في 5 مارس
كذلك القطرية كان في خصم 40% و انتهى كذلك

كانت الاسعار في حدود 3500 4500 ريال
اما الان طافت 7000 ريال



ورايي دائما اللي يروح امريكا و مافي من بلاده رحلة دايركت
يروح ترانزيت بأوروبا

مثلا انا دايما اخذ الخطوط البريطانية او الامريكية و اوقف في لندن الترانزيت في حدود ساعتين او ساعة و نص

لان الترانزيت بالخليج راح يكلفك وقت كثير

اول شي مسافة طيران من جدة الى بوظبي او دبي او قطر مايقل عن ساعتين ونص و راح تنزلين ترانزيت اقل شي ساعتين

يعني خسرتي 4 او 5 ساعات على الفاضي
بينما ترانزيت اوربا ساعتين