الجزء الثامن


بعد ما شفتوا رجعنا الشقة وريحنا وصلينا الظهر والعصر جمعا


لقطات لقيتهم منخشين باللاب من تصوير ايفوني

للساحة الصبح بنفس اليوم

طلعنا بنتغدى وقررنا بمجمع الاندريل

هالمرة رحت بتاكسي مالي خلق امشي تعبت .......لا مو كسلانه ..تعبانه ههههههه

وصلنا التاكسي باربع باوندات مكان قريب


ونفس اللممر او الممشى بين بريماك والمول

ممشى جميل وفيه العروض الفردية........مكان حلو الواحد يرتاح فيه

شوفوا تنسيق الزهور اشلون حلووو

ساحة ونيييسة وشرحة

عجبني الورد

الطرارة على اصول













محل المكاين ههههههه

اللي بفترينات جميع محلاته هذه المكاين للخياطه

تذكرون يوم يقولون ان الزئبق الاحمر اللي في المكاين مطلوب والعالم هبت تبيع مكاينها

انا اقول لكم ان هذا المحل وراء هذه الاشاعة علشان يشترون المكاين ويزينون محلاتهم فيه

انا قلت لكم وانتوا بكيفكم

داخل المجمع.......والاتجاه الى قاعة المطاعم

البحث بالخريطة عن المطاعم ومحل بعدين اقول لكم

وصلنا قاعة المطاعم للوجبات السريعة

بعض الطلبات












تسلية ونقنقة





كليرز وفرقة غنومة وتصويرها
















محل للملابس التنكرية وايد عجبنا بس دشينا ضحك ما شريننا منهم شي

صور لجميع الوجوه اللي موجوده اشر ويبونها لك






جسر موصل من المول لمحل سيلفردج

وهذا سلفردج

بضاعة سلفردج طبعاا ما صورت وايد وهذه من البنات ومني

قصة هالجنطة.......غنومة اخذت ابوها وقالت له يبه الله يخليك اشتر لي هالجنطة

والا يوم يشوف السعر قال لها شايف نفسها ببريماك خخخخخخخخخ

وعدناها بجنطة بعد نتايج هالسنة






































































قسم الكاكاوات

شنط باول بوتبك

عطور....وعطر غنومة


احلى توم فورد









بضاعه خاصة بسيلفردج

اشترت بنتي قلب









وهذا يعملون من الوان باختياركم تكرمون نعل ويحطون عليه صورة

راحت عليج يا الزنوبة هههههههههههه

وهذه الادوات اللي يصنعونها...شرينا لدندن






مدخل سلفردج الخارجي

خارج سلفردج قعدات روووعه والاماكن كثيرة وفاضية

وكل الاعمار متواجدين هني

قعدات ونيييسه توسع الصدر

شايفين شاشة عرض للاولمبياد

المشتروات خلوهم عندي وراحوا مرة ثانيه وين؟؟

تابع اليوم الثالث


و الجزء الثامن



كاكاو على تباسكووو ..غالي بعد

بانتظار البنات

وصلت غنيمة .....كانوا حاجزين لعمل بدييكير ومنيكير

في قسم التجميل بسلفردج

للحين ننتظر.....وانا عاجبني المكان

وصلت دندن........ولقطة جماعية للاصابع خخخخخخخخ

اهني دخلنا للمول مرة ثانية علشان نرجع من طريقنا ونتمشى بالمول بعد

محل ديزني لابد منه مو لنا طبعااا


انيس

للبنات




للاولاد

موبتس

ميس بيجييييييييييي

وحبيبها الضفدع كامل






شرينا اغراض وطلعنا






من المول

اهني وقفنا نشحن للانترنت من الكشك اللي قلت لكم

اني شحنت بعشرة باوند للانترنت.....وعنده هذه الكافيهات للوجبات الخفيفة ووالكيك وغيرها

واخذنا تاكسي بعد سهااااله 4باوند






وصلنا الفندق






الخبزة الالمانية الشهيرة

بريلتز بالملح لذيييييذة بس مو مثل مالت ميونخ










وغدا حسين من ناندوز احنا طلبناه له





للحين العصر ما صار الليل .....ريحنا شوي

والا يقول حسين اشرايكم نروح شارع العرب......نتعشى هناك

ولا تنسون انه كان ثاني يوم العيد

محد وافق يروح معاه الا اللي تكلمكم ههههههههههههههههههه

رحنا انا وحسين اخف اثنين بالمجموعه


طبعا اخذنا تاكسي.............قال لنا بوديكم من الشارع الخلفي قلنا له ودنا مكان زين قال اوكي


وصلنا وقال يلا روحو هذا الشارع اللي قبالكم

احنا رحنا والا ما شاءالله مئات من المسلمين وكل واحد ماسك مزمار تعرفونه اللي فيه كذا مزمار مثل مشجعين الكرة



والكل يزمر وغير هرنات السيارات يعني الجوووووو عييييييييد

والراس طاااااااااااط طاااااااااط

محل تركي للبقلاوة الشرقية

ما ادري ليش تذكرت العضو البداية فكرة هني ههههههه

دخلنا المطعم انا وحسين وطلبنا لنا





















تعشينا وطلبنا للربع اللي في الشقة


طلعنا تمشينا شوية والحين احنا نبي تاكسي والشارع ما فيه ولا تاكسي

طلبنا من عمال المطعم يتصلون عل تاكسي لنا........فندقنا بعيد عن هالشارع بمنطقة ثانية

قال لنا نص ساعه ويوصل ......رديت سألته واتصل على التاكسي
قال له مافي مجال اوصل الشارع مسكر من الزحمه
اتصل بواحد ثاني وثالث الكل يقول انت مجنون ما في مجال .........طلعنا بره وسالنا رجال البوليس

يا حليهم واقفين ومنظمين السير ويشوفون المارة

قال لنا اهني ما تحصلون لازم تمشون مسافة خمس الى عشر دقايق يمكن

تحصلون تاكسي

مشينا وكل شوي نوقف ولا في مجال للسيارات انها توقف زحمة

والعيد طلع عندهم نفسنا في العيد الوطني مسيرات وزمارات احنا رش اهم زمارات


وكل شوي ندق على تاكسي من المطاعم وما فيه مجال .....تاخر الوقت والمحلات خلاص بعضها قام

يسكر وانا وحسين شايلين اكل الربع ونمشي هههههههه

فيني بجية هههههههه تذكرت السالفة التعب

المهم قام حسين ياشر على السيارات ويقول لهم بس وصلونا لجدام يمكن نحصل تاكسي

وماكو الكل سياراتهم متروسة اوادم وين يخلون ربعهم...وربعنا كل شوي يدقون علينا تلفون ها شصار وشصار.......بوحسين يقول ايكم قلت له
ماكو فايدة ماتقدر تدخل السياير

المهم بعد مدة والا سيارة صالون فيها واحد بس ........وقفه حسين وقال له قال اوكي

طلع الريال حليوووووو اسمر اصله افريقي .........قلت حق حسين يخرع بروحه ... قال لا امشي

ركبنا واتفقنا على انه يوصلنا ب25 باوند

قلنا امش وصلنا المهم ويقول مسكين اوكي 25 قلت له اوكي

ويمشي فينا ليل وظلمة وما تشوفون الشارع وبسرعه بعد.......وانا حاطة ايدي على قلبي

قلت الحين يودينا حق ربعه وهات يا خطف .....اول مرة اخاف جذيه

المهم اخذنا نسولف معاه طول الطريج ساعات يرد علينا ويضحك وساعات ينتبه للشارع

واخيرااااااا وصلنا الفندق ....قلت له كم قال 25........ويقول اند فور مي 30 قلت له
يرحم والديك لو قايل 100 الحين عطيتك خخخخخخخخخ

بس صج تجربة مخيفه .......
بس علشان لا اظلمه مسكين قاعد ينكت معانا يمكن حس اني خايفه
وحسين يكلمه عن الكرة .........وصلنا والا ربعنا يضحكون علينا ههههه
ويقولون وين العشا هههههه قلت لهم هاكم بارد ....بس سخنوه بالمكرويف







شارع الشرم او شارع العرب يوم ثاني مونفس اليوم

من تصوير حسين..........انا حرمت بهالسفرة اطبه مرة ثانية ههههه

















ووويعطيكم العافية على طولة بالكم معاي بهالجزء الطويل


وموعدنا مع ونااااااااسة الكبار قبل الصغار

تابعوني

واذا حبيتووووو الاجزاء

لايكولي ......يعني غصب لايكولي...ههههههههه


والحين لكم المايك عطونا ارائكم ومشاركاتكم





يتبع

جزء ممتع جدا

الحمدلله ربي اعطاكم على نيتكم وماسوى فيكم شي


كملي متابعة بحماس

ما فيه زي البلاد
الله يحفظ لكم بلادكم

هاللحظات غرام مشجعي الكوره





ماالومك بشارع العرب ما تطبينه


كأن فيه بعد تقرير ثاني عن لندن

الجزء التاسع
اليوم الرابع وهو يوم الثلاثاء

في هذا اليوم قررنا الذهاب الى مدينة بلاكبول

قسم يدخل البليتشر بيتش

وقسم يروح مباراة لكرة القدم .......ما ادري بالضبط بين منو ومنو

طريقة الذهاب هناك بالقطار مع تبديل بمحطة ثانية

وهالمرة بتكون الوصول مو لمحطة القطارات الرئيسية اللي كنا دايما نروح فيها

لا هذه محطة صغيرة وعبارة عن موقف عادي كأنه موقف باص ...ولا يوجد اي مبنى لسكة القطار عنده

وهو اخترناااااه لانه قريب جدااا عند البليتشر بيتش


مدينة بلاكبول


للي يحب يتعرف عل مدينة بلاكبول لكم هالرابط

http://duwal.com/ar/travelguide/europe/england/blackpool


احنا نحبها لانها حلوة للكبار والصغار ولجوها البارد صيف وشتاء

ولان سفرة 2010 ما رحنا لها قلنا هالمرة لازم نروح


انا والبنات ويوسف رحنا للبليتشر بيتش .....البليتشر بيتش هذه مدينة ملاهي
فيها اكبر افعوانية واسمها بيبسي

ابو حسين وحسين ظلوا يتمشون لحد ما يصير وقت المباراة


نشوف محطة بيكاديلي مانشستر للقطارات قريبة رحنا لها مشي

من خمسة الى عشرة دقايق المسافه






وهذا من الخارج
مكان وقوف السيارات لتنزيل الركاب فقط

وفي للتكاسي باب أخر




الناس مسافرة




شفته أثري صورته لكم ههههههه

قريب من البوابة








داخل المحطة كان كتير عجقة





كانت في فرق رياضيه تبع الاولمبياد برحله يمكن لمانشستر






ريوقنا كرواسنات وسندويشات مع عصاير من المحطة






مكاين لشراء التذاكر

انا هني بس قاعدة انتظر اللي يقصون تذاكر من محل الانفورميشن











شوفوا جوانب المحطة وانا قاعدة ووراي ارصفة القطارات والبوابات

امامي شايفين محلات وكافيهات ومطاعم

على اليسار شايفين الدور العلوي ماخذ شكل دائري

على اليمين

محل تقديم المعلومات والمساعدة طبعاا

وهنا يبين لكم البوابات ولازم تدخل من بوابتك بعد مو تروحون لرصيف

ثاني بعدين ما تقدرون تعبرون...........على فكرة انا اللي اصور هني مو اللي ورا السواد

لما قرب موعد رحلتنا رحنا للبوابة .....مشينا للرصيف 14

صعدنا سلالم بعدين ممر طويل...بعدين نلف لممر ثاني ومن بعده ننزل سلالم للرصيف


اول ما وصلنا شفنا قطار قلنا له لمحطة برستون قال لا

على فكرة مو تتقيدون بالموعد ممكن تروحون على اي قطار يتجه لنفس محطتكم

هذا الرصيف وشايفين المباني وراه

هذه السلالم اللي نزلنا منها واستحليناها بالقعدة

والا شوي والا ايووون مجموعه كبيرة من المسافرين وسعنا لهم طبعااا

صرنا قاعدين طابور ههههههههه طبعا مو كلنا العيال بعضهم واقف

شوفوا الناس واقفين











الساعه ولوحات المواعيد لكل قطار

الرصيف المقابل وما يطل عليه

وصل قطارنا

مناظر من القطار واللوحات الاعلانية

اماكن قريبة من المحطة البيكاديلي

قنوات مائية وقعدات جمييله

من الطريج

محطة من المحطات ولاحظو العلامة والجهاز لساعدة فاقدي السمع

وهذا جهاز للمساعدة

وصلنا محطة برستون نزلنا لتبديل القطار

والانتقال للرصيف الاخر بصعود درج والخروج من الجهة الثانية

العلامات بكل مكان للمساعده

لوحة مواعيد الوصول للقطارات

ومن الجهة الثانية

قطار أبيض

قطار بنفسجي

قطار ازرق

ومشى القطار الثاني تغيرت القطارات من حيث الحداثة والقدم

بس تعتبر القديمة جيييييييدة


هذا لي

مناطق سكنية ........اخذت هالسطرة لي ولمتابعي التقرير بس ما نعطي اللي بعد هالجزئين ههههه

محطة قبل الاخيرة

اراضي زراعية........كان مناي في كل سفرة بالقطار اني اصور

البقر او الخيول ........ما اقدر ابد السفربالقطار متعه

واللي تشوفه بالطريق روووووووعه اقل شي تقدر تقول عليه.......بس سامحوني صور المزارع ما اقدر القطها عدل

يتبع.......شوي خليكم معنا

وصلنا محطة بلاكبول الثانوية لخط النهاية


محطة حتى كشك ما فيها مجرد خط سكة الحديد

وهني احنا والمسافرين في اتجاه المباني والشاطئ

نزلنا ومشينا مسافة يمكن 1/2 كيلو واحنا بباب ملاهي بليتشر بيتش

اولها تقريبا 50 متر للشارع العام بعدين يسار تكملة المشي.....وكان على خبري 2007 في مدخل قريب جداا

بس مغيرين المدخل ومخلينه مدخل واحد




دايما الشوارع مزينه بهذه الطريقة من اول سفرة لي قبل21 سنة الى الان الزينة

من اهم معالم الشارع المحاذي للشاطئ

بيج بلو هذا فندق تابع للهيلتون ويسم جذيه لانه قريب من لعبة


هذا الفندق.....وذا ستار اعتقد كازينو فيه





الافعوانية بيج بلو البيبسي

هذا اكبر قطار كان اول ما بنوه وهو اسمه بيبسي

او بيج بلو وشايفين الفندق تحته






الشارع وبعده الشاطئ

ومقابل الشارع تكون دور وصالات الالعاب الالكترونية والمطاعم وصالات الالعاب الترفيهيه

على طول الشارع لحد ما توصلون البرج اللي يشبه برج ايفل وهو مشهور

اللي حتى اهو يضم سيرك وصالات العاب للاطفال والكبار

شايفين مطاعم وصالات العاب

شايفين المبنى الازرق هذا بعد صالة العاب جيمز

ومن المواصلات الحنطور اعتقد سعره 20 باوند يوصلكم من اول الشارع هذا وهذه البدايه

الى اخر الشارع او نقول لغاية البرج .....يعني مسافة مشي على الارجل نص ساعه على اقل تقدير

قبل لا نقص التذاكر للالعاب يتنا مرة انجليزية وعرضت علينا اربع تذاكر بسعر

80 باوند

تقول اهي رابحه فيهم وما تقدر تدخل فيها بتبيعهم

قلت حق بنتي لا تشترينهم خاف مضروبين والا شي
قالت لا يمه شكلها صاجه وكلامها عدل والتاريخ صالح لكل الايام

قلت لها يلا توكلوا على الله بس ناقصنا تذكرة بعد وشفنا بوابة الدخول وسيدا عليها

اول لعبة تبين لكم

سفينة نوح

بس شفنا مافي بيع تذاكر الا بخلفنا رحنا والا فيه كذا موزع للتذاكر وكمان في زحمة بس الدور يمشي

ولازم الكل يكون موجود بالطابور لان لازم يربطون الشريط ع ايدكم



كمان صالة العاب عند مكان قص التذاكر

محل التذاكر

حهاز بنكي

نماذج كبيره

وتكلبشنا.....يوسف صارت تحت كمه

رجعنا لبوابة الدخول











اخذنا الخريطة وكتيبات عن العروض

كنت صاعدتها بذيك السنة ههههه

نافوووووورة

راحووووو البنات يصعدون سفينة نوح وانا قعدت هني....

انا مالي خلقها صعدات ونزلات وتصلح للاطفال اكثر

بالغصب لقيت كرسي كلهم ماي من المطر

هذه طاولتي

وانا قاعدة كنت افكر بهاللعبة بس ياني يوسف قلت له يلا

ورحنا انا معاه والا في عايلة ثانية زوج وزوجته سالنا من وين قلنا الكويت وسال الزوجين قالوا

من دولة اوربية نسيتها بس يوم اسمعوا من الكويت وايد استانسوا واذكروا انهم كانوا يشتغلون بدوله عربية


لعبنا كفريقين والمسئول عن اللعبه يعلق تعليق حلووو كانه في سباق الخيول ولازم يذكر اسم البلد


طبعا اهما فازوا علينا باللعبتين

لعبة الصاروخ






شايفين الماي هذا لعبة الماء والنار







طلقة الدبوس ولعبة الماي والنار

مصورتهم من مكاني ههههههههه ما اتحرك لحد ما يتيمعون عندي العيال...هني يوسف ودانه

راحوا طلقة الدبوس







البلونه يا بابا...........من يذكر هالاغنية ؟؟

هااا ...كم واحد من الطيبين موجود معانا ؟؟

نماذج جديدة ماكانت موجودة في 2007

قطار موت...اول مرة قبل 20 سنه كنت صاعدته مع عيالي حسين والبنت كانت ضعيفة وحسين مكرش

صغار يوم بنقعد في المركية قال الرجل لا لازم بس اثنين مع بعض قلنا خلاص خليكم مع بعض

وانا وراكم...كان الحزام لهم اثنينهم .......المهم بكل صعدة ونزلة يوقف قلبي من الخوف على بنتي لان مافي مجال

بتطيح وهي تصارخ وحسين يصارخ ويضحك هههههههههه

والحمدلله عدت على خير .........الاثنين ما يركبون قطار الموت

احنا ركبنا لان شفنا يمه قطار يفتر بالملاهي وهو معلق عادي حسبناه اهو .....والا طلع جااايد وانا ما انتبهت

الا لما تحرك وشفت علامة التنبيه ان لحد يوقف اوا يسوي حركات هني انصدمت وقلت لهم تمسكوووا زين


...والا جان نزلنا .......للحين اقول لهم سامحوني خخخخخخخ تأنيب الضمير








اونس مكان ههههه بعدين ندخله مو الحين

كراسي عند بيت الرعب.......بيت الرعب بس تشوف الشباك من بره تخاف

ناس تطل بعدين ما تشوفهم......انحشششششششششش

نافورة راقصة روووعه

اكرمكم الله ........وتعرفون بعد انا الوسطي

العاب جيمز

رجعنا للمكان اللي يونس

مكان الخدع البصريه والحسية.......هنا ترمين قطعه نقدية وتقعد تفتر

وهي واقفه لحد ما تنزل بالحفرة بالوسط






زحمة بانتظار دورنا لان يدخلون مجموعات

خريطة نيكولودين .....مدينة العاب حديثة ماكانت موجودة 2007

تصاميم تقلب العين




منظر عجيب

كم وجه

كم رجل للفيل

كرة مستر بين

يتبع.......بس العصريات مو الحين

مع الرد عليكم اسفه اني ما قدرت اكمل الجزء صور كثيرة

وطلعت لي عزومة بوسط الشغل .....اعذروني

الجزء العاشر

الجزء العاشر
وتابع لليوم الرابع

دخلنا لعبة مالت يهال انا وغنيمة

بس حلوة مثل تكون الحضارات من عهد الديناصورات للحضارات ومن ضمنها ومركزين عليه

الحضارة الفرعونيه

الساعه العجيبة ......العقارب ارجل المهرج كل حركة شكل






هني نفس اللعبة اللي فيها كرة مستر بين بالجزء السابق

في لعبة حلوووة ودايما يدخلونها العيال اكثر من مرة وهي

انك تركب بديرفه ((مرجيحه))و هي لما تحمل فوق ال10 اشخاص
خمسة بالجهتين وهي لما تتحرك رايح جاي تحس بدوران الغرفة وينقلب السقف
يصير تحتك والارضيه فوق وووواي شكلها كأنه صج وانا ما صورتها الا فيديو

وطلع مو حلووو وايد يمكن ما صورت مضبوط من دوران اللعبة






بعدها قامت بطونا تنادي تبي غداااااا

رحنا لمطعم فيش اند شيبس

واكلنا بالداخل لان المطر زاد برة ومافي مجال

هذه وجبتي والعيال كلهم نفس الشي طلبنا






البيبسي.....لابد منه






وهذا الكاونتر للطلبات

شوفو المطر






شوفوا بو شمسية مسكين يعني حامي نفسه من المطر هههههههههه


مسكين ما يدري ان الماي راح يرش عليه من تحت مثل فوران البركان هههههههههه

قعدنا ننتظر يوسف وخواته هني بيلعبون لعبة الهوت ايس

اللعبة لازم تكون لابسين كاب مطري اذا ما عندك تشتري النايلون منهم

هذا بعد ما طلعوا ناقعين

شوفوا الغيم








طلعت الشمس اللي ندورها بعز الصيف.......مو بخليجنا لا هناك

لعبة الخيول الدوااااااارة

اكبر لعبة خيول دوارة شفتها بحياتي وعلى فكرة ركبتها ب2007 وكان ودي العب هالسنة

والبنات يحنون علي بس خفت من الضغط والدوخه.......العمر له حق بعد






شووفوا حجم الخيل

شوفوا حجم الخيل بالنسبة للحرمه






تمشي سريييييع ونااااااسه كان ودي العب خخخخخخخ

هذه اللي ما لعب يقدر يسوي رووحه انه لاعب بس يضيف راسه للصوووورة مثلي..خخخخخ لا تصدقون








هذه لعبة اليس في بلاد العجائب

مركبات وتدخل حديقة صغيرة وبعدين مغارة راااائعه كانت موجودة من 20 سنه

بس شوفوا هالولد شكله كانه مو صج لحد ما تأكدت من التذكرة بيده
















































قطار الموت اللي قبل صعدته صعدته هالمرة مع البنات ويوسف

اشوة كبار وهم ما افتكينا من صريخ غنومه

طبعاا مافي صورة غير هذه












يتبع.......شوي خليكم معنا