حبايبي أعضاء وعضوات منتدى العرب المسافرون
حبيت أنقل لكم تقريري عن سفرتنا سنة 2012 م الى مانشستر ولندن
قبل لا اكتب عن سفرتي هذه السنة
وحبيت أشكر نائبنا آخر فرصة لنقله الموضوع لي
وسرعة النقل بس طلبته منه
شكرااا كثيراا ما توفيك حقك
شكراا بطلنا

حياكم معاي

السلام عليكم

**..بلادكم حلوووة ..بس الوطن ماله مثيل..**

هذا عنوان تقريري الجديد لزيارتي لمانشستر ولندن لهذا الصيف

بلااااد جميله ورااائعه وتتوفر فيها كل مقومات السياحه والراحه النفسية

بس

الوطن ماله مثيل

بسم الله نبدأ التقرير واتمنى يكون بمستوى التقارير الموجوده في البوابة البريطانية

والاهم انه ينول رضاكم وما نستغني عن لايكاتكم وتعليقاتكم الحلوة معانا

سفرتنا كانت بتاريخ 18/8 الى 2/9

وقمنا بالحجوزات في وقت مبكر

ومن اول موافقه لابو حسين علشان لا تصير فيها بعدين اي ولا ويأخرونا بالحجز

قامت بنتي بترتيب الحجوزات كلها من طيران وفنادق وقطار

عن طريق النت تقريبا في منتصف شهر ابريل

الى بداية شهر مايو

وكان على طيران الامارات

الذهاب
الكويت _دبي_مانشستر

العودة

لندن _دبي_الكويت

وكان حجزنا لستة اشخاص ....بعدها باسبوع حجزنا ليوسف لانه قرر انه يروح معانا

ما حصلنا له على رحلتنا الى دبي

بس بيكون معانا من دبي لمانشستر

نفس الرحله

سعر التذكرة ليوسف

تنبيهات للاماراتيه

.

.

بعدها قمنا بعمل الفيزا وطبعا الطلب وتعبئة الابليكشن عن طريق الموقع

وبعدها يطلع لك موعد لمراجعة السفارة

اما البنات الاقل من 17 سنه قالوا لازم تعبئة الابليكشن يدوي

عملناهم عند مكتب خدمة الطالب بالجمعية كل وحدة بخمسة دنانير

بعدين حط لنا موعد لهم بالنت صارت كل وحدة بيوم واحنا بيوم ...المهم ان

بالمكتب بس ياخذون الاوراق ويطابقها وتدفع الفلوس وبعدين تروح لمكتب البصمة بنفس المكان
وتبصم بالاصابع وصورة لبصمة العين ومع السلامة

بعد يومين رحت مع البنات وسالته اذا اوراقنا جاهزة

راح ورجع معاه اوراقنا خالصة وهي لي انا وابوحسين وحسين ويوسف

وبنفس اليوم سوت بنتي الكبيرة فيزا مستعجلة مالها خلق تنطر وبنتي الثانية لان

موعدها مطول وغنومة فيزتها عادية

وصار موعد تسليمهم مع بعض بعد يومين .....استلمنا الفيزا وهني ريحنا

الجوازات بعد عمل الفيزا

الجنيهات الاسترلينية وتاكدنا من الخمسينات جديدة

تم وضع كل حجز في ظرف لحاله علشان ما يصير لخبطة

وحتى الفلوس كل واحد باسمه

وطبعا بيكونون عندي

تامين صحي واسعاره

اخر تقرير شفته عن لندن لاخذ معلومات جديدة

تقرير مشرفنا بيبسي كولا

وكنت مصورة وايد ملاحظات وخليتها بالايفون لوقت الحاجه هناك

طبعا اغلبها كان ودي اروح لها بس شسوي

سفرتنا كانت شبابية وبناتيه

شبابية للكرة وبناتية للتسوق

الاهم اننا استانسنا مع بعض

صار موعد سفرتنا واحنا نترقب اعلان هيئة رؤية هلال شوال

واعلنوا انه غدا مكمل لزمضان يعني احنا لازم ننزي الصيام بلغنا يوسف انه لازم ما يفطر اذا ناوي

انه ما يصوم الا بعد الطيران

وطبعا يوسف رحلته قبل ودعناه وقلنا له نلاقيك عند باب الطيارة لمانشستر واذا رحلتنا تاخرت روح انت ههههههههههههههههههه

اخترع قال اروح وين شسوي بروحي قلنا له بس انتظرنا بالمطار هههههههههههه

شنطة يوسف وعبالة اهو وولد اخوي اشلون يركبونها الفراري

المهم سافر يوسف واحنا وراه بكم ساعه طيارتنا رحنا المطار وهذه صور من المطار

الشنط عربانتين

استلمنا كروت دخول الطائرة وارقام الشنط بعد وقفة طويلة بالطابور

دخلنا بعدين للبوابات وتاكدنا من بوابتنا وهي

.

جعنا وقلنا ناكل وجبة خفيفة لحين موعد الطيارة

من ساحة المطاعم جهة اليمين في مطار الكويت

.

.

طلبي مع بنتي

.

وصادف معانا بالمطار وبنفس توقيتنا

عايلة اختي وهم رايحين لامريكا رحلتهم على الاماراتيه ويسبقونا بعشرين دقيقة تقريبا

وهذه بنت اختي بطاولتهم جنبنا

.

بعد ما اكلنا رحنا للبوابة ولقيناها للحين مسكرة مع ان طيارة اختي بنفس بوابتهم

وعندهم النداء لركوب الطائرة

اما احنا وحظي اللي ملازمني وهو تغيير البوابة انزين ليش ما ادري ههههههههه

حظ حظ

رحنا للبوابة الجديدة وشفنا البوابات والتوسعه الجديدة في مطار الكويت

ركبنا طيارتنا وعليها تاخير بسيط

وتعليمات الامان

والشاشة تبين وصول الطائرة لمطار دبي الدولي

مطار دبي في انتظار تجمع المسافرين الترانزيت للتجمع والذهاب الى البوابة

اللتي تنقلنا لمانشستر

اخذنا المضيف الارضي للبوابة يمشي واحنا وراه كل المسافرين

وشفنا يوسف واقف عند البوابة مو راضي يدخل ينتظرنا وكان النداء الاخير

بس اللي اخرنا المضيف لانه انتظر كل الركاب ولا قال لنا عن رقم البوابة علشان نروح بروحنا

المهم ركبنا وجلسنا بمقاعدنا اللي احنا اخترناها

وهذه صور للطائرة من داخل صور من العيال مصورينها جمعتها منهم

منيو الفطور طبعاا الكل قرر انه يفطر ويقضي صيام اخر يوم بعد العودة للكويت باذن الله

الفطور

السلم للدرجه الاولى

الغدا

.

للاسف انا مصوره صور كثيرة بالايفون

وقبل لا احفضهم راحوا مع الفورمات

بس الحمدلله صور العيال توفي وتكفي مع صور الكاميرا لي واللي تلاقون عليها تاريخ

الوصول للاجواء المانشسترية خخخخخ

يوسف يصور لكم

الاراضي الخضراء

طبت الطيارة

شي حلو شفناه ان في ناس كثير قاعده تتفرج عل مدرج الطائرات من خلف الشبك

وفي ملاعب اطفال والعوائل جالس بعضهم على الارض يشاهدون الطائرات

من مواقف مطار مانشستر

.

ركينا السيارة واعلام المطار

.

وبدت الاراضي الخضراء تمر علينا

وبعد هذا الجزء اللي نقلناكم معنا في رحلة الذهاب الى مانشستر

الى لقاء في الجزء الثاني في مانشستر

الجزء الثاني

وصلنا مطار مانشستر ودخلنا مشينا في ممر طويل لمبنى المطار

وعندنا واحد ما يقدر يمشي فناخذ له كرسي متحرك ويدخلونه من اماكن سريعه للمرور

انتظرنا احنا على ما وصل ومشونا بسرعه بس سالونا سبب الزيارة وكل واحد اخذوا بصمته وحياكم الله

وهذه صورة من طوابير المطار

وهذه صور للطريق ودي ما اهد الايفون طبيعه خلاااااااااابه

.

وصلنا الفندق ونشوف الحين نفتح معاكم ظرف فندق مانشستر

كنت مصورة الاوراق بس ما انتبهت انها مو واضحة

فقلت حق بنتي ترسل لي البيانات للشقق اللي حجزناهم وهذا من موقع بوكينج

تفاصيل الإقامة
الإقامة Staymanchester-Laystall Apartmentsالعنوان40 Laystall Street, City Centre
Manchester, M1 2JZ
المملكة المتحدة الهاتف+44(0)1612367330الفاكس+441612334049البريد الإلكترونيreception@staymanchester.comمعلومات السفرلاتجاهات السير الشخصية، يرجى الذهاب إلى http://www.booking.com/directions.ar.html?id=362496772;hotel_id=238350
بيانات حجزك
تسجيل الوصولالسبت، 18 أغسطس، 12, تسجيل الوصول 14:30 – 00:00 تسجيل المغادرةالجمعة، 24 أغسطس، 12, تسجيل المغادرة 01:00 – 11:00 الكميةشقة واحدة
إجمالي سعر مكان الإقامة £ 990.00يرجى الانتباه: الملحقات الإضافية (مثل سرير إضافي) لن يتم إضافتها إلى المجموع النهائي
20 % قيمة ضريبة القيمة المضافة ستكون مشمولة

شقة 1, شقة بغرفتي نوم (تتسع لـ 6)

توفر هذه الشقة سريريّ أريكة في منطقة الجلوس/ الطعام، فضلاً عن مطبخ مجهز بالكامل وغرفتي نوم. بحد أقصى 6 أشخاص.

(لغير المدخنين فقط)

الشقق تعتبر من فئة الاربع نجوم

تقع الشقق على تقاطع مروري ابد عند اشارة مرور نشوف معاكم بالصور

هذا الفندق

وهذا على يمينه لما تطلعون من الباب

اشارة مرور التقاطع

مثل مو شايفين من الصورة في محلات ومخازن كبيرة

اعتقد انها كلها مثل الاوت لت الجهة هذه ما رحنا لها لان كلها محلات للاطفال من ملابس والعاب

وانا ما عندي اطفال

الصورة هذه بتكون بوجهك اول ما تطلع من باب الفندق كمان مخازن لاوت لت وخلفها سوبر ماركت ومارك سبسنر اوت لت

وهذه على يمين المبنى يوديك لمواقف السيارات

يمين اشارة المرور

يسار اشارة المرور

لوحة اسعار المواقف

بعدين اراويكم المواقف من الشقه

الاستقبال او الرسيبشن مثل ما تحبون ويكون على يساره مدخل الفندق

وعلى اليمين الاصنصيرات ومقابلهم ثلاجة فيها شبس وكاكاوات وعصير وبيبسي وماي

النت مجاني في الشقق بس لازم كل يوم ناخذ ورقة فيها الرقم السري

والعيال يجيبون على العدد

الممرات في وسط المبنى

احنا بالدور الاول

الحين سموا بالرحمن وقدموا رجلكم اليمين

حياكم هذه الصورة لمدخل الشقة واللي اماامكم هو باب الشقة

وعلى يساره المطبخ وطاولته

وامامه طاولة الاكل

كنبتين صوفا بد

وهذه وحده باينه امامكم تكفي شخصين

التلقزيون والشباك والبلكونه

هذه البلكونه لشخص واااحد ههههههههههه

وهذه المواقف اللي قلت لكم عنها

الغرفة الرئيسية

خزانه وجرار وما فيها خزنة الشي الوحيد اللي ماكان موجود بالشقة

وتشوفون هذا مطل الغرفه على اشارة المرور

تكرمون الحمام الداخلي للغرفة

الغرفة الثانية

الغرق كبيرة وواسعه والشباك يعطي منظر شرح

.

الاستشوار

تكرمون الحمام الثاني وهو خارج الغرفة

الحين نرجع للمطبخ واكيد بتملون من صور المطبخ لاني مصورة كل شي فيه

الحليب والشاي والقهوة والسكر

شايفين الباب هذه حجرة صغيرة فيها غسالة الملابس الاوتوماتيك طبعا

وفيها ادوات النظافه مثل البروش والمكرافه....فهمتوني طبعاا

الثلاجة قبل وبعد الامتلاء

مثل ما قلت لكم السوير ماركت قريب

نرجع للمواقف

الاسعار بعد مرة ثانية

وهني ننهي الجزء الثاني

بس ما انتهى اليوم الاول خليكم قريبين ماراح اطول عليكم

الله يعطيج الف عافيه مراقبتنا

والتقرير من بدايه مشوق

وفي كل التفاصيل

بس الصور عندي ماتظهر مادري عندي المشكله او عند الكل


لاهنتي وسلمت يمناك

ومتابعين

دائما مبدعة ام حسين وتقاريرك تعتبر فاكهة المنتدى


التقرير جميل ومفيد وحتى انا مو طالعة عندي الصور

الصور طالعه بس يبيلها شوية صبر