(5)

يسعد مساكم

قبل ما انسى
الافياش في جنوب افريقيا من هذا النوع




لذا تاكدوا انكم تجيبون معاكم المحول المناسب لاجهزتكم
اشتريت فيش محول صيني من هنا بقيمة 20 ريال بينما تلقاه عندنا ب 5 ريال
كذلك اضطريت اشتري محول مختلف لفيش اللابتوب بقيمة 25 ريال
لكن الاخير اسمه ترافل ادابتر ويباع بنفس السعر عندنا ان لم يكن اغلى

المهم اللي حاب يزور البلد يشيك على الافياش ويجهز نفسه من بدري
لاني تعبت لين لقيت اللي ادور عليه

قصة مضحكة صارت اليوم

وحنا خارجين من البناية قابلنا واحد ملقوف يتكلم عربي مكسر
الاغلب انه مسلم من اصول هندية
سبق لنا مقابلته بنفس المكان واضح انه من النوع اللي لو اعطيته فرصة ما يسكت

هو : ليش جايين هنا تتعلمون انقليزي ؟
نحن : ما احد رد عليه
هو : كيف تتعلمون الانقليزي وهو لغة الكفار
و اكمل ( في الجنة الكل يتكلم عربي )
انا : شكرا عندنا امور لازم نخلصها

هذا لو رديت عليه اخاف يرتد
لان كلامه غير منطقي لكني لم ات هنا بالطبع لتعديل مفاهيم الناس

والحقيقة ان الطيبة والبساطة تغلب عليهم سواء كانوا مسلمين او مسيحيين
تشعر ان البلد تعيش في سلام تام حاليا على الرغم من اختلاف الاديان و الالوان
رايت هذا في اثيوبيا ايضا وان كان الحال هنا افضل بكثير

خلال زيارتي في العام 2004 كان الكثير يتحدث عن التفرقة وعن تفضيل الابيض
و الان الاحظ ان كثير من مدراء المحلات مثل زارا و اتش اند ام من اصحاب البشرة السمراء
كذلك مديرة المعهد مع ان المدرسين من اصحاب البشرة الييضاء

واضح ان جنوب افريقيا تسير بالطريق الصحيح