السلام عليكم ورحمة الله

رحلتي الى تركيا ستكون في منتصف شهر اوجست..وبدأت في ترتيب جدولي واحتاج بعض النصح منكم

*القسم الأول في طرابزن(5 ليالي) تم استأجار سيارة:
اقامتي ستكون في فندق بطرابزون.
من الأماكن التي اخطط لزيارتها (اوزنجول.ايدر,حيدر نبي,سوميلا,سلطان مراد,بحيرة سيراجول,الأكشبات,قرية هامسي كوي,البوزتبه)
استفساري:
ودي ارتب الأماكن هذي في الزيارة شنو الأماكن من اللي ذكرتها بنفس المكان او الطريق واقدر ازورها بيوم واحد واي مكان اروحه بالبداية؟
وهل في مكان مهم نسيته او مكان من اللي ذكرته لايستحق الزيارة لضيق الوقت؟؟
وشنو اشهر مطاعم بطرابزون لازم ازورها؟
شنو النشاطات اللي ممكن اسويها بكل مكان ذكرته؟

*القسم الثاني باسطنبول(8 ليالي) بدون سيارة:

ابي استفسر عن زيارة سبنجا ومعشوقية هل هذول بيكونو في زيارة وحده وهل في مكان معاهم بنفس الطريق..وشنو النشاطات فيهم؟؟

اسطنبول زرتها اكثر من مره لكن مايمنع اني اسمع اقتراحاتكم في زيارة مكان او معلم مع العلم زيارتي راح تكون مع زوجتي وطفلين..

واعتذر على الأطالة

و عليكم السلام اخ ابو احمد
اتمنى لك رحلة سعيدة في تركيا
بالنسبة للاماكن اللي ذكرتها، بحاول اعطيك من خبرتي البسيطة:

مرتفعات حيدر نبي عبارة عن جبال في طرابازون ، فأمكانك زيارتها اثناء اقامتك في طرابازون

مرتفعات السلطان مراد ، عبارة عن جبال في اوزنجول ، فنفس الشي بامكانك زيارتها اثناء اقامتك في اوزنجول.

برأي الشخصي ، هناك تشابة كبير بينهم ، فبأمكانك اختيار واحد منهم ، و الامر راجع لك.

اما بالنسبة للاماكن الثانية اللي ذكرتها ، برأي الشخصي، التنقل بين اكثر من مدينتين خلال خمسة ايام كثير، الهدف من السفر هو الاستجمام و الراحة و الاستمتاع بالمكان قدر الامكان، مش التنقل من مدينة لثانية و في النهاية تكون قضيت اجازتك تنقلات و تعب و ارهاق.

لو بتاخذ برأي روح طرابازون يومين ، يوم روح لحيدر نبي اتغى و بعدين دور على مطعم حلو تتعشون فيه ، و اليوم الثاني زور طرابازون مول و تمشي فيه ممكن بعد تتغدى في مطعم مادو و بعدين روح الكورنيش مالهم وايد حلو وفيها جلسات حلوه.

اما اوزنجول فأعتقد انها تستحق اقل شي 3 ايام ، يوم تروح مرتفعات السلطان مراد "اذا حبيت تكرر زيارة الجبال" ممكن طبعا تتغدى في واحد من المطاعم الحلوه الموجودة هناك ، ثاني يوم روح كشته "يعني خذ غداكم و حصيرتكم" و اختار جلسة حلوه على النهر ، و اليوم الثالث تمشى حول البحيرة و حوط بسيارك في جبال اوزنجول و اختار مطعم حلو.

اما عن زيارة اسبانجا و معشوقية و اللي هم في محافطة كوجالي "نص ساعة بعيده عن اسطنبول" ، افضل شي يكون عندك سيارة عشان تتنقل براحتك ، كوجالي تستاهل اقل شي 5 ايام عشان تتمشى و تشوفها عدل. بالنسبة لي وايد حبيت كوجالي و فيها وايد اماكن تستاهل الزيارة ، شوف الرابط اللي تحت ، هذا موضوع لاخونا العقرب ، ذكر فيه الكثير من الاماكن الحلوه في محافظة طرابازون ، اوزنجول و كوجالي.



https://www.arabtrvl.com/vb/t10576.html


اتمنى اكون افدتك و لو بالقليل ، و ان شاء الله الخبراء ما بيقصرون،،،

شكراً جزيلا

حيدر نبي واكشبات وسيرا جول بيوم واذا فيه وقت مغارة شال
صوميلا وهمسيكوي وزيكانا بيوم واذا لك رغبة كمل لمغارة كاراجا
اوردو جميلة ممكن إضافتها بالجدول.

ماشاء الله عليك حضرتك على اطلاع بكافة المناطق
رحلة موفقة ان شاء الله

أهلاً بك أبو أحمد ...

موفق يالغالي .. الأحبة ماشاء الله أبدعوا في طرح آرائهم ..

فقط لي رأي بخصوص ( حيدر نبي ) ومرتفعات السلطان مراد .. أحدهما يغني عن الآخر

وبالنسبة لي شخصياً حبيت ( حيدر نبي ) أكثر ..