سياحة عائلية في اورلاندو الأمريكية - الصفحة 14

أبو سعود Q8 · 27-03-2015, 09:50 PM

مملكة السحر

Magic Kingdom

ماجيك كنقدوم أو مملكة السحر تعتبر مدينة ديزني لاند الأصلية أو الأساسية

هذا مدخل المدينة

تعالوا ندخل ونشوف المدينة من الداخل

هذا أشهر قصر في عالم الترفيه وعالم الاطفال ايضا وحتى في عالم أفلام الكارتون

هذا أحد العروض الي صادفناها بالبداية
عرض ميكي وبطوط وربعهم

الالعاب بهذي المدينة كثييرة ومنوعة
كلها مناسبة للأطفال وتحتاج منكم وقت للعب
يالله منو يبي يلعب معانا

هذي لعبة يتخللها عرض مضحك

هذي هي من الداخل

وهذي لعبة أخرى

من الداخل

هذا ركن الأطفال الصغار

تعالوا الحين نشوف أحد العروض الي تكون بالشارع الرئيسي للمدينة

وهو عرض لشخصيات ديزني الشهيرة

لكن أهم عرضين لازم تشوفونهم هما آخر عرضين بالمدينة
أول واحد عرض الشخصيات بالاضائات المختلفة والجميلة

Main Street Electrical Parade

العرض واااااااااااااايد ممتع وأنصح بحضوره وبشده
ومكانه ايضا بالشارع الرئيسي لكن مقابل القصر
وطبعا بيكون المكان مزدحم من قبل وقت العرض

لذلك الافضل انكم تروحون للعرض قبلها بوقت عشان تحجزون لكم مكان على الرصيف !!
أفضل مما توقفون وتشوفونه عشان ما تتعبون

هذا مكانه الي جلسنا فيه تقريبا بمنتصف الشارع

وهذي بعض الصور للعرض

يتبع . . . .

AL Tunaijiمعجبون بهذا.

PrinceOfPersia · 27-03-2015, 10:17 PM

رووووووووووووعة
متااااااااااااااابع

أبو سعود Q8 · 27-03-2015, 10:24 PM

والعرض الأخر والأخير وهو أجمل العروض بدون منازع

عرض السحر

Celebrate The Magic

تقريبا عبارة عن عرضين ورا بعض
أول عرض يكون عرض شخصيات وأفلام ديزني بالليزر على القصر
وطبعا يكون مصحوب بالاغاني

وبعدين يبتدي عرض الألعاب النارية

بس خلاص خلص العرض
كل واحد يروح بيتهم

رأيي الشخصي :

مثل ما شفتوا مدينة مملكة السحر فعلا مدينة ساحره بشكلها والعابها وعروضها الخيالية
ترى في صور كثيره عن الالعاب وأقسام المدينة لكن ما حطيتها لأن فولدر الصور عندي ممتلئ
يعني المدينة كبيرة جدا وفيها أماكن عديدة للتسلية خصوصا للأطفال
العابها تنفع الاطفال أكثر من الكبار وعروضها خيالية سواء للأطفال أو للكبار
تحتاج منكم يوم كامل للاستمتاع بكافة أقسامها وعروضها والعابها
وطبعا انصح بزيارتها وبشده مع التأكد بوجود العروض الأخيرة بيوم الزيارة
لأن حرام تزورونها ومايكون في عرض ختامي

وبجذي أكون خلصت معاكم تقرير موجز عن مدن ديزني لاند العالمية الموجودة في مدينة اورلاندو
طبعا في أماكن ما رحت لها وفي أماكن رحت لها وما حطيت صورها
لكن هذي اغلب وأشهر الأماكن الموجودة بهذي المدن التابعة لديزني لاند
ان شاء الله تكون التغطية شاملة ومفيدة للجميع
وان شاء الله القاكم مع جزء جديد عن الترفيه في مدينة اورلاندو الأمريكية

AL Tunaijiمعجبون بهذا.

أبو سعود Q8 · 27-03-2015, 10:33 PM

اقتباس : المشاركة الأصلية كتبت بواسطة خالد بن بندر

شكراً يا أبو سعود ما قصرت و تقرير روعه بروعة حضورك

ما جلست في واشنطن بالبداية ، على طول استلمت السيارة من مطار واشنطن وذهبت إلى نيويورك وسكنت فيها 5 ايام
وبعدها طرت إلى اورلاندو
وبعدها رجعت إلى واشنطن بالطيارة ايضا وقضيت فيها يومين وبعدين رجعنا الكويت

هل سيتضمن هذا التقرير عن أحداث الــ 5 أيام التي قضيتها في نيويورك

بالنسبة لسؤالك الاخير مادري شنو تقصد بالقفز الحر ؟ هل قصدك أي فلاي ؟؟
إذا كان هذا قصدك فنعم تجد تذاكره موجوده قي محل فزت اورلاندو
أما لو كان قصدك شي ثاني فأتمنى منك التوضيح

AirHeads Trampoline Arena
اقصد هذا الموقع يا أبو سعود هل تذاكره موجوده بالفزت اورلاندو أو يتم شرائهم مباشرة من عند بوابة الدخول

سعيد بوجودك معانا بالتقرير وإذا احتجت اي شي اي معلومة اي سؤال انا حاظر وبالخدمة
مع خالص تحياتي

و أنا سعيد أكثر بقراءة تقريرك

هلا أخوي خالد
اعتذر على التأخر بالرد
والشكر لك عزيزي ولجميع الاعضاء المتابعين للتقرير
بالنسبة لنيويورك ، لا هذا التقرير لن يتظمن اي فقرة عن نيويورك لأنه مخصص لمدينة اورلاندو
بس إذا تبي اي معلومة عن نيويورك انا حاظر وبالخدمة
أما بخصوص استفسارك الثاني ، فنعم موجودة التذاكر في محل فزت اورلاندو
لكن ما عليهم خصم !! نفس السعر مافي فرق

وأشكرك مره أخرى على المتابعة

أبو سعود Q8 · 27-03-2015, 10:37 PM

اقتباس : المشاركة الأصلية كتبت بواسطة **نونا**

ماشاء الله تبارك الرحمن ربي يخليلك هالحلوين ويخليكم لهم
رحلة عائلية اسم على مسمى ..واعتقد رح يذكرون
عيالك هالشي لين يصيرون اباء..
ربي يسعدكم ومادري اذا بكذا خلص التقرير
ولا في مغامرات جميلة بصحبة الامراء..

أهلا أختي وحياج الله بالتقرير
مشكورة على دعائك وثنائك ولكي بالمثل إن شاء الله
والله يسعد الجميع يارب
لا بعده ما خلص التقرير
في أماكن كثيرة راح اتكلم عنها وبحطها لكم
وإن شاء الله راح تعجبكم كل الأماكن السياحية الي زرناها في مدينة اورلاندو
خلك متابعة مو تروحين بعيد
تحياتي

أبو سعود Q8 · 27-03-2015, 10:40 PM

اقتباس : المشاركة الأصلية كتبت بواسطة جداااوي

باستمتاع قرأت النصف
وسأكمل البقيه غدا
اورلاندو رائعه
الاشكال في القنصليه متعبه بالتاشيرات ومزاجيين جداااااااااااااااااا
اغلب من يقدم في السعوديه يتم رفضهم ؟؟

هلا بالأخ الجداوي
حياك الله معانا بالتقرير وإن شاء الله دوم تكون مستمتع
أما بخصوص الفيزا فانت قدم وإن شاء الله يقبلونك
ترى الأمور سهله جدا
مع خالص التحية

أبو سعود Q8 · 27-03-2015, 10:42 PM

اقتباس : المشاركة الأصلية كتبت بواسطة blue@sky

السلام عليكم ورحمة الله وبركاته
ما شاءالله وتبارك رحلة جميلة
وتقرير مميز وواضح واعتبره مرجع مهم بنظري
لمن يريد السفر الى امريكا بحيث يسهل عليه
امور كثيرة ..
جزاكم الله خير بصراحة عشنا معكم وحنيننا لامريكا
عبر تقريركم الرائع لايام مضت جميلة مرت كمرور السحاب
شكراً لكم وحفظكم الله برعايته.....

وعليكم السلام ورحمة الله
اهلا عزيزي
أشكرك على مرورك ومشاركتك وإطرائك على التقرير
هذا من ذوقك
الله يجزاك خير يارب والشكر لك عزيزي
وإن شاء الله تعجبك باقي أجزاء التقرير
تحياتي

أبو سعود Q8 · 27-03-2015, 10:49 PM

اقتباس : المشاركة الأصلية كتبت بواسطة لولو

بسم الله الرحمن الرحيم

يعني شقول شخلي
بو سعود انت معودنا على الابداع دايما
حتى التصويت اخترت ممتاز من غير ما اتابعه للنهاية
ولو في اكثر من ممتاز هم راح اختاره
تقريرك من البداية اقولك روووووووووعة

و حمدالله على سلامتكم انت و الاهل
ربي يحفظكم من كل شر

انصحك تسوي قروب لامريكا
و تكون انت الليدر
و احنا اعضاء المنتدى قروب وياك

الله يوفقك ان شاءلله

هلا أختي لولو
حياج الله
انا شقول وشخلي على هالكلام الحلو
تسلمين وما قصرتي كلج ذوق
والاروع مشاهدتج ومشاركتج بالتقرير

إن شاء الله نسوي قروب وتكونين انتي من أوائل المشاركين والمسافرين معانا إلى أمريكا
والله يوفق الجميع يارب

أبو سعود Q8 · 27-03-2015, 10:52 PM

اقتباس : المشاركة الأصلية كتبت بواسطة PrinceOfPersia

رووووووووووووعة
متااااااااااااااابع

وجودك ومتابعتك ومشاركتك بالتقرير هي الأروع
مشكور عزيزي
وإن شاء الله القادم أجمل
تحياتي

blue@sky · 27-03-2015, 10:53 PM

اقتباس : المشاركة الأصلية كتبت بواسطة أبو سعود Q8

وعليكم السلام ورحمة الله
اهلا عزيزي
أشكرك على مرورك ومشاركتك وإطرائك على التقرير
هذا من ذوقك
الله يجزاك خير يارب والشكر لك عزيزي
وإن شاء الله تعجبك باقي أجزاء التقرير
تحياتي

الشُكر موصول لاهله ولو لم يعجبني كان ما عرجت عليه بل بالعكس انتم حركتو شعور الحنين لايام امريكا الجميله بس بصراحة تغيرت
امريكا عن اول وتطورت لان عهدي فيها عام 1986 ايام مرافقة لمريض قريب لي (رحمه الله) حيث كانت المدة 5 سنوات ..
جزاكم الله خير وننتظر جديد ابداعكم

مشاهدة نتائج الإستطلاع: ما هو تقييمك للتقرير لغاية الآن ؟؟
ممتاز	104	95.41%
جيد جدا	5	4.59%
جيد	0	0%
مقبول	0	0%
المصوتون: 109. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رايحين اورلاندو ،، واحتاج مساعده	Hanadonh	بوابة امريكا	8	03-04-2015 03:18 AM
اورلاندو شهر 7+8	Mafio98	بوابة امريكا	6	18-03-2015 09:02 AM
شركه شحن في اورلاندو	Rainbow	بوابة امريكا	0	13-01-2015 09:38 AM