iFLY Orlando





ولم لا يعرفها ، هي لعبة أو تجربة الطيران الحر داخل الكبسولة الهوائية
أو كما يطلق عليها

InDoor SkyDiving




موجوده بأكثر من ولاية بأمريكا وكلهم تابعين لنفس الشركة الأم

سبق وأن جربتها انا وسعود في سفرتنا الأولى إلى اورلاندو






لكن سلمان والياس ما جربوها معانا في هذيك السفرة لكن جربوها بعدها في سنغافورة وعجبهم الطيران والحركات البهلوانية
لذلك بهذي السفرة انا ما لعبت وخليت العيال ثلاثتهم الله يحفظهم يلعبون
خلاص انا راحت علي




هذا موقعهم الرسمي على الانترنت

iFly Orlando




هذا عنوانهم للجي بي اس


Add : 6805 Visitors Circle
Orlando, FL 32819

الأسعار :

السعر الرسمي للشخص = 60$
في مكتب فزت اورلاندو السعر للشخص = 48.5$

وممكن يزيد السعر لو اضفتوا انهم يصورونكم بالفيديو والنسخ على الاسطوانة ( سي دي CD )
وتذكروا ، انه لو بتحجزون من الموقع الرسمي أو من موقعهم لابد من حجز موعد للطيران
لكن لما حجزنا من مكتب فزت اورلاندو هم تكفلوا بحجز وترتيب الموعد لنا
هم يتصلون بمكتب آي فلاي ويحجزون لكم الموعد باليوم والوقت المناسب لكم وما عليكم سوى الذهاب والتمتع بالطيران

والحين ذكروا الله وتعالوا أراويكم بعض الصور للعيال


هذا مكان تغيير الملابس ، يعطونهم ملابس خاصة للطيران ونظارات وسدادات للأذن









صورة جماعية قبل الطيران



هذا مدربهم



سعود كان أول واحد بالمجموعة
الله يحفظه







يويو حبيبي زعلان لأن ما لعب مع اخوانه
إن شاء الله السنة اليايه يطير معاهم قولوا آمين



هذا سلماني الله يحفظه





والحين صار دور الياس









الحمد الله خلصوا حبايبي وعطوهم الشهادة مع السي دي

رأيي الشخصي :

الطيران ممتع جدا جدا ويعتبر تجربة جميلة سواء للصغار أو للكبار
حتى لو ماعندكم خبره سابقه تقدرون تطيرون وتستمتعون بوقتكم
أنصح فيه طبعا وبشده خصوصا لمن لم يسبق له تجربة الطيران



وإن شاء الله القاكم مع أجزاء جديده من التقرير