سياحة عائلية في اورلاندو الأمريكية - الصفحة 8

fanda · 12-03-2015, 07:08 PM

حسيت اورلاندو مدينه ملاهي كبيره مفتوحة من كثر الملاهي الي فيها
أسعار السكن والترفيه أرخص من أوروبا بكثير ومناسب جدا للسياحه العائلية
المشكلة الوحيدة مسافة الطيران ان شاء الله تكون عندي الجرأه يوم من الأيام وأزور أمريكا

الله يحفظ لك الحلوين ويعطيك الف عافيه يا ابو سعود

أبو سعود Q8 · 13-03-2015, 01:00 AM

البيت المقلوب

Wonder Works

الكل يطلق عليه اسم البيت المقلوب لكن اسمه غير ذلك
شكله وتصميمة الخارجي عجيب وكأنه مقلوب رأسا على عقب
أما من الداخل فيوجد به العديد من الألعاب الغريبة والعجيبة والمضحكة وغيرها من الأمور
إن شاء الله راح ندخل بعد شوي ونشوف كل ماهو موجود بالداخل

الموقع الرسمي :

هذا موقعهم الرسمي على الانترنت

Wonder Works

العنوان :

هذا عنوان البيت للجي بي أس

Add : 9067 Intl. Drive
Orlando, FL 32819

وحتى لو ما عندكم العنوان يكفي مروركم بشارع الانترناشونال درايف وستجدونه بشكل ملفت للنظر
هذي صور شارع الانترناشونال درايف بالقريب من البيت المقلوب

أسعار التذاكر :

في عدة أنواع من التذاكر وكل نوع فيه له عرض معين ، انا راح أحط النوع العادي وهو تذكرة الدخول العادية
أما العروض والامتيازات الاخرى فتلقونها بالموقع الرسمي

للكبار : 27$
للصغار : 21$

وطبعا هذا سعر التذكرة الرسمي ولا تنسون ان في بعض المحلات ومنها محل فزت اورلاندو عندهم خصومات وعروض على هذه التذاكر بحيث تكون أرخص من هذا المبلغ

ساعات العمل :

يوميا من 9:00 صباحا وحتى منتصف الليل

والحين حياكم معانا ندخل البيت ونشوف شنو فيه من الداخل

أول شي شفناه
قوقل ايرث

Google Earth

منه نحتار أي منطقة ونقدر نشوفها على الخريطة

بختار ديرتنا الغالية الكويت

وهذي العاصمة مدينة الكويت

وهذا بيتنا

هذا مكان فيه ماي بارد ودرجة برودته مشابهه لدرجة برودة المحيط لما غرقت السفينة الشهيرة
تايتانك
يقولون حاول تحط ايدك بالماء وشوف شكثر تقدر تتحمل من البروده !!

هذا مكان فيه الجاذبية معكوسة !
راح تشوفون قطرات الماء تصعد للأعلى بدلا من أي تنزل للأسفل

هذا ....... مادري شنو

وهذا مختبر ......... المخلوقات الفضائية

احنا اخذنا التذاكر الشاملة كل شيئ ، وهي تتيح لنا مشاهدة عرض سينمائي رباعي الابعاد قصير المدة

هذي الصور بالسفرة الأولى لما كان يوسف صغير
ما كان مسموح انه يدخل للعرض

الفقاعات

BUBBLE LAB

قسم جميل جدا ومسلي

فراش المسامير

Bed Of Nails

منو يقدر ينام على المسامير ؟؟

هذا الجهاز المفروض انه يقرأ أفكارك !!

Mind Ball

هذي بعض الأماكن والألعاب المختلفة بالبيت

هذا البيانو العملاق يكفي ان تدوس وتمشي عليه وراح يعزف لكم بأصوات جميلة

هذي من اللوحات الغريبة الموجودة بالبيت

Wonder Wall

شوفوا أشكال العيال بالنيقاتيف

كأنهم وحوش

Speed of Light

بالبداية تومض الأضواء بسرعة بطيئة وكلما زاد الوقت تزيد السرعة وتتحداك

هذا مكان للرقص
وراح تشوفون ضلالكم وهو يتحرك أمامكم بالحركة البطيئة لما ترقصون

الي يبي يصير حول يلعب هذي اللعبة

هذي السميوليتر أو محاكاة الطائرة جديدة ما كانت موجودة بالسابق

يلبسون ملابس التسلق للمشي بالأعلى

رأيي الشخصي :

مكان حلو ومسلي للأطفال بالدرجة الأولى
موقعه ممتاز وسعره رخيص مع وجود عروض عليه
والالعاب الي فيه غريبة وعجيبة وبعضها مضحك وبعضها يحتاج لياقه و و و
كلنا استانسنا على المكان وطبعا أنصح فيه فقط للعائلة الي معاها عيالها

إن شاء الله عجبكم جزء اليوم ؟؟؟

AL Tunaijiمعجبون بهذا.

أبو سعود Q8 · 13-03-2015, 01:05 AM

اقتباس : المشاركة الأصلية كتبت بواسطة missq8

Fast Pass + and My Disney Experience App! - YouTube

هذا فيديو يشرحون ال fast pass عن اللي شرحته في المنتدي القديم

وهذا عن الابلكيشن مالهم في الايفون

http://youtu.be/hO5x2rWP9IU

ان شاء الله يشتغلون

هلا أختي
شفت الفيديو الي قلتي عنه ، بس ما قالت شنو الاختلاف الي صاير ؟؟؟
يمكن اهي تتكلم عن الابلكيشن الموجود بالتليفون مو على الفاست باس بالواقع
عموما انا قبل شهرين راجع من اورلاندو ودخلت دزني والفاست باس نفسه ما تغير
تروحين تحطين تذكرتج بمكان شبيه بجهاز السحب الآلي وتطلع لج ورقة مكتوب عليها الوقت الي تدخلين فيه
ولما يصير الوقت راح تدخلين على طول

بس الابلكيشن مالهم عجيب !! ما كنت أدري عنه
جربيه انتي وعطينا انطباعج عنه لما ترجعين بالسلامة

أبو سعود Q8 · 13-03-2015, 01:10 AM

اقتباس : المشاركة الأصلية كتبت بواسطة فيصل

الله يعافيك حبيبي

هاري بوتر يحبونه كثير وانا نفسك احسه هاله اعلاميه حبتين
القطار الازرق علي الاقل أهون وأخف من أول لعبه
لكن ما تشوف ان سعر التذكره للكبار مع الاكس بتكون 150 دولار شويه كثيره

اللهيحفظ لك العيال

تسلم يابو خالد
والله يحفظ عيالك يارب

بالنسبة للسعر طبعا غالي
ترى اورلاندو أغلى شي فيها اسعار تذاكر الأماكن السياحية !!

أما ألسكن والسيارة والبانزين والتسوق والمعيشة عموما رخيصة هناك
من ارخص الولايات والمدن هي مدينة اورلاندو ما عدا أسعار تذاكر الأماكن السياحية

بس عموما في عروض على التذاكر وتكون ارخص من هذا المبلغ بحدود 10% إلى 20 %

شيئ أحسن من لاشيئ

أبو سعود Q8 · 13-03-2015, 01:15 AM

اقتباس : المشاركة الأصلية كتبت بواسطة fanda

حسيت اورلاندو مدينه ملاهي كبيره مفتوحة من كثر الملاهي الي فيها
أسعار السكن والترفيه أرخص من أوروبا بكثير ومناسب جدا للسياحه العائلية
المشكلة الوحيدة مسافة الطيران ان شاء الله تكون عندي الجرأه يوم من الأيام وأزور أمريكا

الله يحفظ لك الحلوين ويعطيك الف عافيه يا ابو سعود

الله يعافيج أختي ام ريم ويحفظ غاليج يارب

إحساسج عن اورلاندو صحيح 100% كأنها مدينة ملاهي عملاقة وفيها انواع كثيرة من التسلية
هذي اورلاندو
بخصوص المسافة صح طويله وممله ومتعبة ايضا
لكن بعد ما توصلين وتشوفون فرحة العيال بالأماكن الترفيهية ولعبهم وتسليتهم راح تنسين التعب كله
بما انك تحبين فرنسا ، ممكن تطيرين على الطيران الفرنسي من الخليج إلى باريس وترتاحين فيها كم يوم وبعدين تكملين الرحلة إلى اورلاندو دايركت ، جذي يكون التعب والوقت اقل وأسرع
أن شاء الله مع نهاية التقرير راح تقتنعين بفكرة الذهاب إلى اورلاندو

هاوية الاسفار · 13-03-2015, 04:59 AM

الله يحفظهم العيال احس هذا انسب مكان لهم فرغوا فيه طاقتهم كلها و الالعاب يستخدمون فيها كل الحواس
افضل من الحدائق و الألعاب الالكترونيه
عيبني المكان وايد
بانتظار المزيد

وليد عنبه · 13-03-2015, 09:40 AM

تقرير جميل كعادة تقاريرك الجميلة يابوسعود الله يعافيك حبيبي

MOBARKI · 13-03-2015, 07:32 PM

تقرير روعة جدا

اما السكن والسيارة جد رخيصة والتذاكرللمدن الترفيهيه غالية

يعطيك العافية ابو سعود

فيصل · 14-03-2015, 11:10 AM

حلو
شفت البيت المقلوب في اوربا لكن ما فيه مثل ما شفت
بيت مقلوب طاولات اسره .....
يستحق الزياره حقيقه
شكرا لا تكفيك

juhema · 14-03-2015, 01:31 PM

اخي أبو سعود تحياتي لك ولأسرتك الكريمة
هل فيه إمكانية تعجل بتقريرك عن دزني لاند لأني ناوي اروحلها هذي السفرة لكن المشكلة اني ماعندي أي فكرة عنها عرفت انها تتكون من خمسة أماكن بس ماعندي أي تفاصيل عنها
انا عيالي كبار 18 سنة و 16 سنة هل تستحق اني ازورها ولا ..؟
انا زرت عام 1998 ال سي وورلد والينيفرسل ستوديو و ادفنشر وناوي ازورها تاني
تقبل تحياتي

مشاهدة نتائج الإستطلاع: ما هو تقييمك للتقرير لغاية الآن ؟؟
ممتاز	104	95.41%
جيد جدا	5	4.59%
جيد	0	0%
مقبول	0	0%
المصوتون: 109. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رايحين اورلاندو ،، واحتاج مساعده	Hanadonh	بوابة امريكا	8	03-04-2015 03:18 AM
اورلاندو شهر 7+8	Mafio98	بوابة امريكا	6	18-03-2015 09:02 AM
شركه شحن في اورلاندو	Rainbow	بوابة امريكا	0	13-01-2015 09:38 AM