بالنسبة للانشطة البحرية
اعتقد انها خاصة للرجال الخليجين بالسفر
وحتى لو البنت والحرمة البست المايوه الاسلامي والا لملابس المسترة
بتكون ميته من الحر
واذا ما تسبح بعد بتموت من الحر زيادة ومع الرطوبه اوووووه الله يعينها
يعني اللي بيروح يسبح فكر بالحريم اللي معاك هههههه
الله يعينا احنا الحريم

آسيا مازرت الا ماليزيا

واوروبا كثير دول زرت فيها


اشوف ان الاثنين حلوين ويجننون

بس بشرط نكون عارف انت ايش تبغى من ذي السفره بالذات


الحلو بآسيا واقصد ماليزيا متى ماهزك الشوق طقيت التذكرة ورحت

اما اوروبا شوي حوسة




الغلاء ممممممممممم تذاكر آسيا غالبا اغلا من اوروبا




انا لو حبيت اتسوق اروح اوروبا



الاطفال يحبون ماليزيا عشان البحر والفعاليات



عموما كلهم حلوين وممتعين

صباح الخير

حسب رأيي

اوروبا أفضل من عدة نواح :

1- تنوع المعالم و الطبيعة فكل دولة لها ما يميزها بعكس شرق آسيا متقاربة جداً فزيارة أحدها تكفيك
2- توفر المواصلات و سهولة استخدامها و تنوعها بعكس شرق آسيا محدودة و مستواها ضعيف
3- امكانية التواصل معهم باللغة الانقليزية بعكس غالبية شرق آسيا يصعب التواصل معهم عدا البعض
4- التسوق متعة و البضايع أصلية و حصرية بعكس شرق آسيا تشتهر بالتقليد
5- التعامل الراقي و احترام الآخر بعكس شرق آسيا ما يهتمون بالذوق العام
6- فخامة الوجهة الكل يسألك عن الرحلة بعكس شرق آسيا هم يكملون القصة عنك
7- أفضل للعوائل بشكل عام بعكس شرق آسيا طابعها شبابي
8- ثبات الاسعار و وضوحها في كل شئ بعكس شرق آسيا المجال مفتوح للتلاعب


أما شرق آسيا فهي أفضل من ناحية :

1- سهولة الحصول على الفيزا عند الوصول غالباً بعكس اوروبا
2- مناسبة الاسعار بشكل عام بعكس اوروبا فأسعارها نوعاً ما غالية
3- بساطة شعبها و قبولهم للغريب بعكس اوروبا شايفين نفسهم شوي

طبعاً المقارنة بشكل عام بين الدول مجتمعة لا دولة بحد ذاتها

موضوع جميلا
زي ماقال الشاعر هناك غني لي وحبيني
شرق اسيا هناك ضاع المكان بزحمة الاقدام
تناسيني بنفس الموعد الي به ذكرتيني وضحت اجاباتي

سياحة أوروبا ترى فيها كل شيئ وتنوعها رهيب
أجواء مختلفه طبيعه مختلفه وتقاليد مختلفه
إضافة للحضاره في قمة أوجهها ونظام ونظافه لن تجدها في أي مكان آخر
نعم هي غالية الكلفه ولكن الغالي سعره فيه

شرق آسيا لها أيضا مميزاتها مثل تقارب الأجواء طوال العام وسهولة الحصول على فيزها أو بدون فيزا
إضافة لسعرها المنخفض مقارنة بأوروبا
ولكن تظل سياحة اوروبا هي الحلم وقمة السياحه

لايوجد توافق الا قليل ..

هولمز

كلها جميلة وتستحق الزيارة مرات عديدة

ولكن انا مع شرق اسيا اكثر اكثر نسبة مسلمين