| | |||||||
مـواضـيـع مـمـيــزة
- ‹( من القطب الشمالي .. هنا فنلندا )› بقلم : فتى دمشق
- ‹(( أُوسَاكا + نَارَا + كُيُوتُو + طُوكيُو ) - يُوليُو 2024 )› بقلم : Boarding Pass
- ‹( أبو عبدالهادي و رحلة أمريكا 2024 )› بقلم : ابو عبدالهادي
- ‹( أبرار وأختها في مغامرة مونتينقرو )› بقلم : q8ya metnaqla
- ~|[= تركيا في فبراير .. ثلج وأمطار =]|~ بقلم : ClownMask
194الاعجاب |
| | LinkBack  | أدوات الموضوع | انواع عرض الموضوع |
05-09-2017, 01:05 PM
| #21 |
| مسافر جديد  تاريخ التسجيل : May 2017 رقم العضوية : 14800 الجنس : انثى المشاركات : 46 | 
|
|  |
|
05-09-2017, 03:55 PM
| #22 |
| مراقب عام سابق تاريخ التسجيل : Dec 2014 رقم العضوية : 220 المشاركات : 2,031 |
|
|
| |
|
05-09-2017, 08:52 PM
| #23 |
| مسافر جديد تاريخ التسجيل : May 2017 رقم العضوية : 14800 الجنس : انثى المشاركات : 46 |
|
|
| |
|
07-09-2017, 07:18 AM
| #24 | ||
| مشرف سابق  تاريخ التسجيل : Dec 2014 رقم العضوية : 395 الدولة : K.S.A الجنس : ذكر المشاركات : 6,916
|
| ||
|
| |
|
08-09-2017, 12:31 PM
| #25 |
| مسافر جديد تاريخ التسجيل : May 2017 رقم العضوية : 14800 الجنس : انثى المشاركات : 46 |
|
|
| |
|
08-09-2017, 07:01 PM
| #26 |
| مسافر جديد تاريخ التسجيل : May 2017 رقم العضوية : 14748 الجنس : انثى المشاركات : 61 |
|
|
| |
|
08-09-2017, 07:44 PM
| #27 |
| مسافر جديد تاريخ التسجيل : May 2017 رقم العضوية : 14800 الجنس : انثى المشاركات : 46 |
هيا كوريا كذا جات ولا ماكانت في الخطه👽 خططي لها وروحي راح تنبسطي اكييد بإذن الله ✨✨ الايسكريم حبيت النكهات اللي جربتها وفيه انواع كثيرة شكلها يشهي مرره😍 شكراٍ لردك ..❤
|
|
| |
|
15-09-2017, 06:37 PM
| #28 |
| مسافر جديد تاريخ التسجيل : May 2017 رقم العضوية : 14800 الجنس : انثى المشاركات : 46 |
نكمّل يوم 6 يوليو وصلنا طوكيو وقت العصر وخرجنا مباشرةً من مطار هانيدا لمنطقة akasaka واللي فيها شقتنا اول ماوصلنا للمحطه القريبه akasaka–mitsuke وشفنا الطريق للشقه فيه طلوع عالي ومع الشنط فـ ركبنا تاكسي للمره الاولى   المسافه من المحطه للشقه 7 دقايق بس وبالتاكسي قريب 4 دقايق وأخذ 510 ين تقريباً اسم الشقه Tokyo petty bourgeois taste ff18 وسعرها للـ 4 ايام بـ 2042 الشقه لما حجزتها من موقع booking كانت قيمتها غير مسترده وهيا الوحيده اللي دفعناها قبل مانروح وقت الحجز ارسلولي رساله انه عندهم مشكله بسحب المبلغ من بطاقتي الائتمانيه وطلبو ادفعها عن طريق الـ paypal وكلمت booking للتأكيد وبعد ماأكدولي دفعتها لانهم كانو يرسلو ايميل بإسم شركتهم فـ بعد مادفعت وقبل لانسافر بأسبوعين تقريباً سحبو المبلغ من بطاقتي مره ثانيه ! رسلت ايميلات في المطار وقبلها بس ماكان يجيني رد ويطلبو صوره من حسابي البنكي وبعد ماارسل مايردو نهائياً فـ تركت الموضوع لما رجعنا جده واتصلت على خدمه العملاء بـ BOOKING مرتين تقريباً بعدها رجعوا المبلغ ( يقولو انه اول ما رجعو السحب بالبطائق الائتمانيه انسحب المبلغ تلقائي لانه ماتسجل بالموقع انه تم الدفع ) بعد الدفع رسلولي ملف PDF عن طريقه الوصول بالصور من المحطه وفين الاقي المفتاح والرمز السري لانه ماراح يكون فيه أي احد وقتها حتى وقت الخروج نرجع المفتاح مكانه الغرض من اختيار الشقه انه نجرب البيوت اليابانيه الحديثه كيف وكمان يكون لنا استقلاليه شويه , التجربه كانت حلوه لانه الشقه بمجمع شقق سكني وفعلاً بعيده عن الفنادق و داخل حيّ فيه بس يابانين – الشوارع ضيقه في الطريق وبعضها كان مظلم وقريب من الشقه فيه حديقه صغيره .. كان صعب اننا نلاقي الشقه اول ماوصلنا لانها بين عمارتين سكنيه وسالنا شخص قال مايعرف وسالنا شخص ثاني وصلنا لها وكان يقول انه هوا المالك او انه شخص ساكن فيها ..               ( الايام اللي بعدها كنا نروح لمحطه akatsuke واللي كانت اقرب بـ دقيقتين تقريباً من المحطه اللي ذكرولنا اياها بالملف ) الشقه ماكان فيها تنظيف يومي الا عند الطلب فـ لو تبغو تكلموهم حتى يجو ينظفو .. بعد ماجلسنا شويه خرجنا لمنطقة Roppongi واللي كانت قريبه مره       أول شيء اكلنا تاكوياكي بعدها كنت جايه خصيصاً لكافي القنافذ hedgeho café وكان مكتوب في صفحتهم يقفل 9 المساء  وصلت 8 وشويه والمكان ماكان واضحً جداً وكنت اسال المحلات القريبه يقولو مانعرف لما لقيته في زاويه ولما طلعت اعتذروا انه مقفل !! حقدت عليهم لاني جايه عشانه وقلتلهم مكتوب 9 ووريتهم موقعهم كانو يعتذرو واعتقد انه 9 بس في الـ weekend فـ خلاص جلست بالمنطقه شويه ورجعنا للشقه لانه اليوم اللي بعده راح يكون طويل   يوم 7 يوليو ( يوم المزرعه mother farm ) هذا اليوم كنا متحمسين له مره لانه المزرعه تسمح بلمس الحيوانات والتصوير معاها وكانت بمنطقه chaiba فـ حسيت انه لازم يكون معانا مرشده أولاً لانه المكان بعيد – المزرعه تفتح من 9 لـ 5 والباص اللي بيودي لها آخر وقت يخرج من المزرعه لمحطه القطار الساعه 4:22 تقريباً بحسب آخر جدول شفته موقع المزرعه واللي فيه معلومات عنها : Mother Farm اتواصلت مع sora اللي ذكرت حسابها في بدايه التقرير لانها كانت حاطه بحسابها في الانستقرام انه صحبتها يابانيه وتعرف انجليزي وكمان مهتمّه بالعربي ولما وضحتلّها مكان السكن واليوم اللي حابين نروح فيه ومتى نرجع قالت راح تسألها ما مرّ يوم الا واكدتلي انها متفرغه في هذا اليوم غير كذا كان فيه تقرير لاخت بمنتدى ثاني وذكرت مرشدتها واسمها سايا لما كلمتها ردّت عليا واعتذرت انه وقتها بتكون خارج اليابان وكنت ابا اقارن بينهم واقرر لكن الحمدلله انبسطنا مع مرشدتنا واسمها ايري يوم 7 يوليو كلمتني 6 الصباح وانها جايه بالطريق 6:30 كانت عندنا قالت انها حطّت في بالها نروح للقطار الثاني لانه علبالها بنتأخر ( شكلهم بلغوها ان الاغلب مايلتزم بالوقت ) رحنا بالقطار لما منطقة تشيبا بعدها انتظرنا الباص مايقارب 15 دقيقة  المسافه من محطه القطار للمزرعه بالباص تقريبا 20 - 25 دقيقة ماافتكر ( الباص مجاني من نفس المزرعه وله موقف موضّح فيه انه اللي يروح للمزرعه وبتعرفو الباص لانه مكتوب اسم المزرعه وفيه صور للحيوانات من برا )     تذاكر الدخول وكانت تكلف 1500 ين للشخص ( 800 ين للاطفال ) لو تحبو تشتروها من السوبر ماركتات واللي منتشره بكل مكان Lawson – 7 eleven – FamilyMart راح تكون بـ 1350 ين للبالغين – 700 ين للاطفال كنت حاطه ببالي اشتريها من المحلات هذي بس مره نسيت وراح عن بالي     دخلنا أول مطعم قدامنا ووقتها كانت 9:30 كانت المحلات دوبها تفتح وماكان فيه ناس كثير بالبدايه ساندويتش جبن وطلبنا منهم يشيلو الدجاج والصوص وايري اتاكدت من المكونات   المزرعه مره كبيره ولها خريطه توضّح اماكن الحيوانات ( لاما – اغنام – ارانب – بط – كلاب – وغيرها )        قسم لقطف الفواكه ( فراوله – توت .. واللي وقتها كانت مقفله ) قسم ممرات ومعابد وممكن تمشو او تأخذو لفه بسيارات تخرج كل فتره ولها مسارات واماكن محدده تختارو اللي يناسبكم        بعد مااتمشينا لقينا عرض ( وكان وقتها مليان بطلاب وطالبات وشكله كان عندهم رحلة مدرسية )    المتاجر والمحلات منتشره على طول المزرعه    كانت مرشدتنا مرحه مره وكنت اسالها عن اشياء عندهم لو صحيحه وهيا تسالني كمان   هيا مهتمه باللغه العربيه وتحاول تتعلمها وتعرف انجليزي مره استمتعت معاها وماندمت انه كلمتها لانه كمان استفسرت منها عن محلات واماكن للايام الجايه وساعدتنا كثير بالنسبه لرسوم الارشاد كانت 300 دولار لليوم كامل + المواصلات ( عند تحويل العملات من دولار للين كان باقيلها حوالي 2000 او 3000 ين ورفضت تأخذهم وقالت يكفيها المبلغ + انه وقت الارشاد عادةً من 9 – 5 فقط لكنها كانت معانا من 6:30 حتى 5:30 او 6 المساء ! )  سناك في الطريق ( اونيقري بالبيض والكاتشب  ) – الاونيقري هي كرات الرز اليابانيه ويحشوها بحشوات مختلفه تونه – سمك – بيض ...بعد مارجعنا في الطريق رحنا لشيبويا وراحت معانا لما وصلتنا لمول كان فيه محل one piece وودعناها وكملنّا       رحنا للمحل وبعدها كم محل قريب واختتمناها بعشاء في مطعم بمول 109 يبيع باستا اسمه pasta& sweet chiric di Napoli وريتهم البطاقه وورونا الاكل المناسب ( طلبنا وحده بصوص ابيض ووحده بالطماطم ) بعدها بفتره جاء صاحب المحل يعتذر وبلغنا ان اللي بصوص الطماطم ماتناسبنا وطلبنا نوع ثاني بالروبيان     في النهايه رجعنا للبيت يوم 8 يوليو خرجنا لشيبويا وهاراجكو وقضينا فيها اليوم كامل  محل تاكوياكي بدايه شيبويا        محل الكريب هذا بكل مكان في هاراجكو واخذت منه كريب بالفراوله والشوكولاته مع الكريمة وكان لذييذ   اتغدينّا من محل شاورما بدايه شارع هاراجكو وكان سعر الساندويتش 500 ين دخلت محل البوكيمون كمان واشتريت منهم ونسيت جوالي رجعتلهم بعد دقايق واخذته وكان في نفس مكانه الحمدلله    يوم 9 يوليو كان لمنطقه (akihabara ) اول ماوصلنا دخلنا محل shooting range target-1 وكانو يتكلمّو انجليزي بعد مااخترنا الاسلحه تبعنا ( عندهم نوعين هوائي ورصاص ) وجاء معانا الموظف بالبدايه وشرحلنا كيف نعبّي الرصاص واعطونا نظارات واقيه     بعدها اعطانا الذخيره ومؤقت بـ 10 دقايق فقط وبعدها ينتهي الوقت قيمتها اعتقد 1000 أو 1500 ين للشخص بعدها عدّينا على اكثر من محل يختّص بالانمي زي animate وهو عباره عن طوابق يبيعو فيها مانجا ( قصص مصوره ) – سيديهات وحلقات للانميات – كتب ومجلات – ادوات رسم – تعليقات شنط ومداليات وغيرها الكثير   الغداء كان بيتزا وباستا من مطعم ايطالي ماصورت اسمه بس كان في زاويه وطلبنا باستا بالروبيان وبيتزا بالجبن والريحان وجابو معاها طبق شوربه وسلطه        ايس كريم بنكهه الشاي الاخضر بعد ماخلصنا كنا متوجهين لحديقه yoyogi park وبعد مانزلت من المحطه افتكرت كيس صغير كان معايا فيه نظارات اشتريتها وماهو موجود وماافتكر متى آخر مرة كان معايا وماكان سعرها رخيص كمان ! انفصلت عنهم ورحت سألت موظفين القطار ورسمت لهم شكل الكيس واسم المحل واتأكدو انه ماهو موجود بالقطار ورجعت لمنطقه اكيهابرا دخلت المطعم – محل الايسكريم – المحل تبع الفيقرات ( مجسمات الانمي ) – والمحلات اللي جلسنا فيها وكلهم قالو ماشافوه – فيه مجمّع دخلته وشكيت انه ممكن يكون موجود فيه ودورت عليه لاكثر من ربع ساعه ومالقيت المحل بعدها رجعت لنفس المحل وقلتلهم اني ضيعتها ومااعرف لو احد جاء ووصلّهم اياها بعد مابحثو قالو لا وطلبو معلوماتي في حال احد جابلهم الكيس يتصّلو واستلمه منهم اعطيتهم ايميلي ورقم المرشده وكلمتها وحكيتها عن الوضع ووافقت بعدها ابويا صار يتصل ويقولي ارجع لانها صارت 10 وماانتبهت وقال ماله داعي نروح للشرطه لانه بكرا بنخرج من طوكيو وممكن اطّول عندهم علبال مااقدّم البلاغ مره زعلت عليها لانها كانت غاليه ومارضيت اخذ نفسها وجلست كم يوم بعدها مكتئبه وافكّر فيها ...   هنا كان آخر يوم لنا بطوكيو وبعد مارجعت للبيت لفتني محل يبيع كاري والمنيو بـ العربي – الياباني – الانجليزي اخذت منه طبق وكنت اختار حجم الطبق ودرجه الحراره ورجعت البيت   
|
|
| |
|
15-09-2017, 08:35 PM
| #29 |
| مسافر جديد تاريخ التسجيل : Sep 2017 رقم العضوية : 16383 الجنس : ذكر المشاركات : 9 |
|
|
| |
|
15-09-2017, 10:04 PM
| #30 |
| مسافر جديد تاريخ التسجيل : May 2017 رقم العضوية : 14800 الجنس : انثى المشاركات : 46 |
|
|
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| باقي سنة ونصف من مدة فيزا اميركا السياحيه | blue@sky | فيزا امريكا | 6 | 29-10-2017 03:38 AM |
| تطوير منطقة الأهرامات ...مشروع الحلم الذي أصبح حقيقة | تونسية متنقلة | بوابة مصر | 13 | 21-05-2016 12:47 PM |
| أسئلة دقيقة.. | نوح | بوابة اثيوبيا | 5 | 04-06-2015 03:57 PM |
| اليابان البلد الذي لايضيع به شيئا ( المفقودات ) | وليد عنبه | البوابة السياحية | 28 | 06-05-2015 11:29 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO
Search Engine Optimization by vBSEO
