السلام عليكم

ابي استفسر عن قطار اليورو ستار اللي يربط بين لندن وباريس

هل يشيل شنط كبيره


لان حنا عائله ونبي نروح باريس بعد لندن وشناطنا تقريبا 7 شناط كبيره

وصعبه ندخلها معانا ,,

ف هل فيه شحن للشناط الكبيره ؟؟


والله يعطيكم الف عافيه

عليكم السلام ورحمه الله وبركاته

بالنسبه للشنط على اليورو ستار
يجب ان لاتزيد كل شنطه عن 30 كيلو غرام

كل شخص كبير من حقه شنطتين طول الشنطه الواحده 85 سم ماتزيد عن هالطول
وايضا شنطه واحد هاند باق

والاطفال من حق كل طفل من عمر 4 سنوات الى 11 سنه شنطه واحده كبيره بطول 85 سم
وشنطه واحده هاند باق

الاطفال تحت 4 سنوات لان تذاكرهم free غير محسوب لهم شنط معاهم


اذا عندكم شنط زياده عن عددكم

يعني مثلا انتو 4 اشخاص من عمر 12 سنه واكثر
من حقكم 8 شنط بحجم 85 سم او اقل + 4 شنط هاند باق


بأفتراض لو قلنا عدد شنطك اكبر او اكثر
لما تدخلون محطه اس تي بانكراس في لندن
تروحون مكتب أسمه EuroDespatch office

بالنسبه لتسعيره الشنط الاضافيه

طبعا الشنط الزايده عن المستحق لكم
لان الشنط المستحقه لكم فري ماعليها رسوم اضافيه

اولا الشنط يجب ان لاتزيد عن 30 كيلو غرام

سعر الشنطه الاضافيه الواحده 20 باوند
واذا كانو القطع اكثر من 3 قطع
تكون سعر القطعه الرابعه 40 باوند

يعني اول وثاني وثالث قطعه كل وحده سعرها 20 باوند = 60 باوند
القطعه الرابعه سعرها لوحدها 40 باوند



وبالتوفيق ان شاء الله

ماقصر شيخنا ومشرفنا ابوسعد الله يعطيه العافيه

وهذه شروط الشحن بامكانك الاطلاع عليها وهي واضحة ومبسطة وبامكانك كذلك ترجمتها للعربية

Luggage Allowances - Travel Information - Eurostar | Eurostar

واتمنى لكم رحلة سعيدة وموفقة ان شاء الله

ماعليك زود مشرفنا الغالي فارس الجبيل
جزاك الله خير


اختي احب السفر اذا الشنط كبار وماتنحط بالقطار
تروحون مكتب الشحن الخاص بـــيورو ستار
بس عشان مايطلع عليكم مبلغ الشحن غالي
حاولو تقللون عدد الشنط بالشحن وتاخذونهم معاكم داخل القطار

يعني لما تطلعون وقت السفر حطو معاكم شنطه في شنطه
يعني شنطتين داخل بعض بحيث تكون الثانيه اصغر
ولما بتطلعون على القطار تحطون بعض الاغراض في الشنطه الصغيره
والكبيره تروح الشحن
جذي ممكن تقللون عددد كيلوات كثيره وتخففون عليكم رسوم الشحن



لان بعددكم ماشاء الله اذا كلكم كبار مسموح لكم 18 شنطه مجانيه
حرام ماتستفيدون من هالشي وتدفعون رسوم شحن