مبين ان الفلبين عجبتك وايد وهذه رحلتك الثانية لها
رحلاتكم فيها مغامرات ممتعه الله يهنيكم
ناطرين باقي التقرير

يعطيك العافيه اخوي الذهبي من موضوعك الاول وانا مفكر بالفلبين بس ما ادري متى اخلص من تركيا هههه شكلي مطول والله

انا اهم شي عندي بالوان والنيدو لازم ازورها

بسم الله نبدا اليوم الرابع،،،

قمنا الصباح واتجهنا الى ايالا مول فطرنا فيه وعلى الساعة ١٠ ونص اخذنا تاكسي باتجه مطار سيبو الدولي رحتلنا كانت الى بوراكاي عن طريق طيران السيبو باسفيك اقلاع ١.٢٥ ظهرا ومدة الرحلة ٥٥ دقيقة تقريبا.. سعر التذكرة كان ٢٣٥ ريال.. نصيحة كل ماحجزت بدري كل ماحصلت اسعار ممتازة ورخيصة جدا. انا تقريبا حجوزاتي للطيران الداخلي كانت قبل السفر بكم يوم فكانت الاسعار مرتفعة.
اتركم مع الصور السريعة اثناء الاقلاع،












اذا بتروح لبرواكاي السفر يكون لمطار كاتيكلان وكوده MPH وهو اقرب مطار لبوراكاي. اول ماتنزل المدرج ياخذك باص الى صالة المطار تاخذ عشفك وتشوف افضل وسيلة نقل لك توديك للميناء وبعدين من الميناء الاخر الى الفندق. راح انقل لكم تجربتي الشخصية وممكن ماتكون صالحة للكل..
قبل لانهبط، طيران سيبو باسفيك عنده عرض ينقلك من المطار الى الفندق شامل رسوم كل شي الشخص ٥٥٠ بيسو شخصين ١١٠٠
اول مانزلت حصلت شركات وكانت اسعارهم ٦٠٠ بيسو للشخص وجميع السيارات كانت فان.

انا اتجهت لقسم الترايسكل سعر الشخص ٨٠ بيسو والشخصين ٨٠ بيسو برضو وتتنظر دورك لين يجي الترايسكل حقك . وبعده ينزلك على الميناء، تدخل وتسجل معلوماتك وتدفع رسوم الضرايب الشخص ١٠٠ بيسو وبعدين تدفع رسوم البوت الشخص ٢٥ بيسو. اوول ماتنزل من البوت اذا انت جاي مع شركة تبي تحصل سياراتك اما اذا جاي مثل طريقتي اتجه لمكان الترايسكل وانتظر دورك ويوديك للفندق ١٥٠ بيسو.

يعني المجموع طلع علينا الاثنين ٤٧٠ بيسو بدل ١١٠٠ بيسو. نقطة مهمة اذا معك عايلة ما انصحك تاخذ نفس طريقتي.

اكمل معكم الليلة اسرار المنتجع الجميل وجزيرة وبوراكاي في الثلاث ايام الي قضيتها!

قبل لاابد معكم جولة جزيرة بوراكاي احب ابارك تاهل منتخبنا الوطني الى نهائيات كاس العالم في روسيا ..

طبعا كثير من الاعضاء الكرام غطو بوراكاي واعطو اهم الامكان فيها لكن بسرد شي بسيط من الجانب الي شفته.. بسم الله نبدا معكم:

حجزنا كان لمدة ثلاث ليالي في منتجع fairways and bluewater newcoast boracay وسعر الثلاث ليالي كان 940 ريال شامل الفطور.. وهنا صورة توضح موقع المنتجع في الجزيرة



فيه البعض يشوف ان المنتجع بعيد عن الاماكن الجميلة في الجزيرة مثل استيشن 1 او2 او3 والي تقع في White Beach لكن انا اشوف ان المنتجع يمتاز بالهدو ويبعد بالترايسكل او بفان الفندق دقايق عن الدي مول..

المنتجع داهية بما تحمله الكلمة من معنى، فيه فلل وغرف وغرف عائلية والكثير، فيه شاطي خاص و مسابح واطلالة اثنين من المسابح من الاخر خررررافية، وملعب قولف الخ. يعيب الفندق من وجهة نظري ان اذا تبي تنتقل مثلا من مكانك الى مسبح معين او اي مكان لزم تركب فان المنتجع لاي مكان! والفندق عنده خدمة ينقلك الى الدي مول عند استيشن 2 كل ساعة واخر باص يجيبك من هناك الى الفندق الساعة ونص باليل. اتركم الان مع صور من المنتجع:











اطلالة المسابح مع شاطى المنتجع الخاص..!



























هذا كل شي يخص المنتجع ويستحق الوقوف عنده بصراحة.. ان شاء الله مكمل معكم واتمنى انكم مستمتعين بالتقرير..

الحمدلله على سلامة الوصول أخوي الذهبي وبصراحة ماشاءالله عليك اللي يقرأ تقريرك الأول والحالي يعتقد بأنك خبير من خبراء الفلبين بالرغم من أنها الزيارة الثانية لك.
سرد جميل ومفصل الله يعطيك العافية ويبارك فيك.
وااااااصل ياااااامبدع

ما شاء الله عليك
صدقت تصلح للشباب طريقتك بالتنقل أكثر
الفندق هل الأنشطه متوفره فيه مثل كل الفنادق الأخري
الهدوء مهم جدا

متابعين معاك اخوي

احسنت