تم تأكيد الرحلة ونبي دعمكم - الصفحة 4

Abofahad · 16-09-2017, 06:56 PM

اقتباس : المشاركة الأصلية كتبت بواسطة alradadi

هلا ابو فهد ولا يهمك بسيطه راح نغير الترتيب بس اعتذر منك اليومين هذي تعبان شوي بس تتحسن الصحة بأذن الله لي رجعه لموضوعك واذا ما رديت ذكرني احياناً الواحد ينسى

رفع الله قدرك على نبل اخلاقك ياغالي وسلامتك ماتشوف شر وابد خذ راحتك الامر في سعة

Abofahad · 19-09-2017, 08:56 AM

اقتباس : المشاركة الأصلية كتبت بواسطة alradadi

هلا ابو فهد ولا يهمك بسيطه راح نغير الترتيب بس اعتذر منك اليومين هذي تعبان شوي بس تتحسن الصحة بأذن الله لي رجعه لموضوعك واذا ما رديت ذكرني احياناً الواحد ينسى

حبيت اذكرك ياغالي والله يعطيك العافية

وودي اعرف الاوقات المناسبة للخروج لكل فعالية يومياً حتى اعرف اواعد السواق

Abofahad · 20-09-2017, 08:19 AM

للتذكير اخوي الردادي اشغلناك معنا

alradadi · 20-09-2017, 05:31 PM

اقتباس : المشاركة الأصلية كتبت بواسطة Abofahad

للتذكير اخوي الردادي اشغلناك معنا

ما نسيتك يابو فهد ابشر بالخير ان شاء الله

Abofahad · 20-09-2017, 06:39 PM

اقتباس : المشاركة الأصلية كتبت بواسطة alradadi

ما نسيتك يابو فهد ابشر بالخير ان شاء الله

الله يبيض وجهك ويسعدك وبإنتظار لمساتك ومعلوماتك القيمة

alradadi · 20-09-2017, 10:37 PM

اقتباس : المشاركة الأصلية كتبت بواسطة Abofahad

الله يبيض وجهك ويسعدك وبإنتظار لمساتك ومعلوماتك القيمة

وجهك ابيض يابو فهد الله يطول بعمرك المعذرة على القصور والتأخير في الرد

ابو فهد ياطول العمرك عندك يوم 9 هذا يوم الوصول ما يمديك تروح مكان يادوبك تريح كذلك يوم 18 راح تغادر الى جاكرتا لذلك الايام الفعلية راح تكون 7 ايام راح نضع لها تقسيم وممكن تقدم وتأخر على راحتك فيها

بونشاك

اليوم الاول : حديقة تامان سفاري يوم كامل ولا يفوتك عرض الكابوي رائع جداً (الساعة 2 م)

اليوم الثاني : مزارع الشاي ومسجد التعاون ومطل البرشوت وبحيرة الألوان ركوب الخيل بجانب مطل البرشوت ( يفضل ان يكون يوم جمعة والصلاة في مسجد التعاون)

اليوم الثالث: حديقة شيبوداس فيها جلسات حلوة وشلال رهيب بس يحتاج جهد حتى تصله يستحق العنوة ثم زيارة منطقة الشلالات السبعة (شلمبير) منطقة جميلة جداً وسهل الوصول لها

اليوم الرابع : ومصنع الشاي وحديقة الزهور و مزرعة الفرولة وبحيرة فينيسيا في كوتا بونقا و مقهي اسمه RAJA l موقعه قريب من كوتا بونقا

اليوم الخامس : بحيرة الليدو ( تستأجر قارب في البحيرة من مطعم نادر ليدو سعره 350 الف ربية بقسه الشركات اغلى اسعارها 550الف ربيه ويفضل عدم زيارتها في عطلة نهاية الاسبوع) و مزرعة شيموري

اليوم السادس : تروح لمدينة بوقور تزور حديقة كيبون رايا وشلال بيداري

اليوم السابع : حديقة جبل بانقرانقو الوطنية ببوقور (تبعد عن بونشاك حوالي ساعة بس هذه المنطقة جبلية تحتاج تسلق اذا ما انت رياضي لا تروح لها)

جاكرتا

يوم الوصول : العصرية روح لهذا المكان SKYE Bar & Restaurant ( مطعم ملحق معه بار بس العصر مافيه شي في الليل ابتعد عنه نهائياً) مطل رااااائع جداً تشوف جاكرتا كلها تحتك يقع في الدور 56 في برج BCA بجوار مول قراند اندونيسيا توجد لوحة كبيرة لمحل زارا ومحل H&M في نفس البرج

اليوم الاول : تروح انشول لمدة يوم كامل ( توجد انشطة وملاهي والعاب مائية وتلفريك و عالم تحت الماء ومطاعم واشياء اخرى)

اليوم الثاني : في الصباح تروح لحديقة تامان ميني وبعد الظهر تسوق

لا تجي السعودية الا بعد ما تتقهوى في هذا المحل تجده في اغلب المولات

اي سؤال اي توضيح اي مساعده لا تتردد انت بس اسأل والجميع ان شاء الله في خدمتك

Abofahad · 21-09-2017, 05:31 PM

ماحصل قصور وأنا اللي ازعجتك وكثرنا عليك لكن تحملنا شوي

عدد الأيام الفعلية بيكون 8 ايام وانا والله ماودي اشغلك معي لكن ودي اقتراحك في كل يوم وين اروح ومتى الوقت المناسب للخروج من الفندق للفعالية حتى اعرف انسق مع السواق يعني اطلع بدري او متاخر كذلك هل فية ايام ينصح بعدم الخروج من الجبل فيها ؟ يقولون زحمة علماً اني لحالي لكن اذا زحمة وين اروح اجلس في الفندق ؟

الأيام بتكون كالتالي واتمنى تساعدني في توزيع الفعاليات عليها :

الإثنين 9 اكتوبر الوصول للجبل / وصولي مطار جاكرتا بيكون الساعة 2 ظهراً متى تتوقع اوصل للجبل وهل انسق مع السواق يجيني جاكرتا ياخذني أو فيه تكاسي في المطار ارخص؟

الثلاثاء 10

الأربعاء 11

الخميس 12

الجمعة 13

السبت 14

الأحد 15

الإثنين 16

الثلاثاء 17

Abofahad · 21-09-2017, 05:58 PM

كذلك ياغالي السواق متى انسق معه واعطية خبر يفضل قبل الرحلة بكم يوم ؟ وهل اتفق معه في السعر او السعر معروف ؟

alradadi · 21-09-2017, 11:56 PM

اقتباس : المشاركة الأصلية كتبت بواسطة Abofahad

ماحصل قصور وأنا اللي ازعجتك وكثرنا عليك لكن تحملنا شوي

عدد الأيام الفعلية بيكون 8 ايام وانا والله ماودي اشغلك معي لكن ودي اقتراحك في كل يوم وين اروح ومتى الوقت المناسب للخروج من الفندق للفعالية حتى اعرف انسق مع السواق يعني اطلع بدري او متاخر كذلك هل فية ايام ينصح بعدم الخروج من الجبل فيها ؟ يقولون زحمة علماً اني لحالي لكن اذا زحمة وين اروح اجلس في الفندق ؟

الأيام بتكون كالتالي واتمنى تساعدني في توزيع الفعاليات عليها :

الإثنين 9 اكتوبر الوصول للجبل / وصولي مطار جاكرتا بيكون الساعة 2 ظهراً متى تتوقع اوصل للجبل وهل انسق مع السواق يجيني جاكرتا ياخذني أو فيه تكاسي في المطار ارخص؟

الثلاثاء 10

الأربعاء 11

الخميس 12

الجمعة 13

السبت 14

الأحد 15

الإثنين 16

الثلاثاء 17

هلا ابو فهد

الايام مقسمة وجاهزة انت تضع الفعالية في اليوم اللي تبغاه انا مرتب لك الاماكن اللي تروحها مع بعض بس بعض الايام يفضل انك تروحها في وقت معين

السفاري ( هذه روح لها يوم السبت او الاحد حتى تفتك من زحمة عطلة نهاية الاسبوع لان السفاري قريبه من الفندق واذا دخلت الحديقة خلاص التنقل بين الفعاليات على رجولك )

مسجد التعاون ( يفضل حضور صلاة الجمعة فيه)

بحيرة الليدو (تجنب يومي السبت والاحد)

زيارة بوقور (تجنب يومي السبت والاحد)

بقية الايام عادي تناسب اي يوم تضعها فيه

الزحمة في بونشاك في يومي السبت والاحد صحيح انها تكون مزعجة بس ما هو لدرجة ان الواحد يجلس في الفندق واذا شفت الطرق مره زحمة ما تخارج استأجر لك دباب بالسواق وشوف كيف التجربة راح تنبسط بأذن الله

بالنسبة وقت الخروج من الفندق 9.30 اشوفه مناسب تكون يمديك تفطر وتتجهز للخرجه

بالنسبة للمطار اذا كان وصولك الساعة 2 احسب نصف ساعة انهاء اجراءات السفر واذا كان السواق متفق معه وينتظرك تصل للجبل الساعة 5 او 5.30 تقريباً اما اسعار السواقين اذا تأخذ سائق عن طريق اوبر او قراب يكلف عليك من المطار الى الفندق حوالي 350 الف ربية بس ما يوقف لك عند بقالة او مطعم او اي شي يعني من المطار على الفندق مباشرة كذلك رسوم الطريق انت تدفعها مبلغ بسيط لا يذكر اما السواقين العاديين فهم ياخذوا 700 الف من المطار الى الفندق واذا تبغى تشتري شي او يوصلك لمطعم او اي مكان اخر فهو بنفس السعر ما يزيد عليك اي شي

بالنسبة لاسعار السائقين فهي معروفه 700 الف من المطار الى بونشاك وفي بونشاك 500 الف ممكن تحصل فروقات البسيطه بين السائقين خصوصاً في غير المواسم لكن السواقين الممتازين في الغالب هذي اسعارهم ويفضل التنسيق مع السائق قبل السفر بـ 5 ايام حتى لو كان مشغول او ما يرد يكون فيه وقت للبحث عن البديل و اذا تم الاتفاق يؤكد عليه قبل الرحلة بيوم

Abofahad · 22-09-2017, 02:22 AM

ماقصرت ياغالي وبيض الله وجهك فعلاً الافضل بتفق مع السواق يجيني المطار حتى اخذ راحتي واخذ اغراضي على مهلي..

بالنسبة لشريحة الاتصال من وين اخذها وهل فيه شرايح بيانات؟ وش هي افضل شركة؟

بالنسبة لجاكرتا آخر ثلاث ليال ؟ وش رايك ياغالي في فندق لومير جاكرتا اللي بجنب مول اتريوم ؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تأكيد وجود حالتين من أنفلونزا الطيور في المحافظات الشمالية لجنوب افريقيا	Oman Knight	بوابة جنوب افريقيا	12	21-08-2017 09:53 AM
محتارين ونبي ارائكم	Bu 3zOz	البوابة السياحية	9	14-03-2016 06:40 PM