لا تعبتني ولا شي الامر بسيط بس و انت راجع من الرحلة اذا استفدت من المعلومات اللي اعطتيك لا تنساني من دعوة في ظهر الغيب واذا طلعت معلوماتي مضروبة سامحني


ابو تميم ان شاء الله ما يقصر يعدل الحجز بأذن الله بس انت لا تكلمه الان حتى نتفق على الجدول النهائي

الفكرة الان اننا نعدل على جدول بونشاك وناخذ منه يومين وناخذ يوم من جاكرتا يصير معنا ثلاث ايام في باندونق


بالنسبة للسواقين يوصلك من بونشاك الى باندونق 700 الف بعض السواقين يقول انا ما اجلس اوصلك بس بعض يقولك عادي اجلس معك بس بسعر ممكن يكون اغلى من سواقين باندونق لانه راح يستأجر سكن هناك وتزيد عليه التكلفة في الغالب يكون السعر 600 الف بس اذا اخذت سواق من باندونق يكون سعره 500 الف عموماً انت ممكن تأخذ سواق من الجبل وتشوفه كويس تقول ما علي من الفرق اهم شي السواق كويس ومريحني والبعض يقول لا انا اخذ واحد من باندونق يعرف البلد كويس احسن من غيرة وسعره ارخص هذا كله انت تقدرة هناك على حسب نظرتك ولو تقدرت انك تتفق مع اسماعيل فهو الافضل على حسب تجاربي المتعددة معه ويرح معك باندونق

نصيحة اتبعها مع السائق كل اخر يوم تعطيه حسابة ولا تعطيه اي شي مقدم واذا شفته يلف ويدور والا ما عجبك اخر اليوم قوله لا تجني بكرة خلاص ودور غيرة البلد مليان سائقين وفيه شي اخر اذا كان كويس وخدوم ومحترم ما فيه مانع لو اخر اليوم غديته على حسابك او اذا نزلت البقالة واشتريت لك اغراض تجيب له معك عصير او اي شي بسيط واعتبرها صدقه والتعامل الحسن والكلمه الطيبه مهمه جدا في التعامل مع الناس البعض الله يهديهم يتعامل مع السائقين وحراس الفلل والشغلات بتعالي ولا يشوفهم شي والبعض الاخر يجي مشحون من كثرة ما يقرأ في المواقع انهم ينصبون عليك اويسمسرون عليك وتحصله طول الرحلة وهو مشحون و شايل هم السواق ان ينصب عليه وتنهى الرحلة وهو ما انبسط ولا شي لذلك خذ الامور بساطه وسهاله و خلك طبيعي مع بعض الحرص ولا تثق في اي احد حتى لو كان طيب


بالنسبة لترتيب الجدول راح ارتبه لك من جديد اليوم بأذن الله