الحمدالله تم التقديم على المكتب الموحد بالرياض لشنغن فرنسا لكي يستفيد بعض الاعضاء قبل التقديم .
كان التقديم بتاريخ 2017/8/29 الساعة 8 ونصف والافضل حجز موعد في وقت مبكر لتفادي الأزدحام كانت رسوم الموعد لشخصين 259 ريال ورسوم الفيزا لشخصين 544 ريال فقط ، عند باب المركز اتفاجات بورقة من السفارة الفرنسية مكتوب فيها ان طلبات الفيزا بتاريخ 2017/8/29 لن يتم النظر فيها الى في يوم الأحد 2017/9/3 لاحوول هذي بدايتها ،المهم ماعلينا جينا على الساعة 8 انتظرنا لم فتحوا البوابة الساعة 8 ونص ودخلونا طلعنا فوق واخذت رقم طلعت اول واحد طبعا تممشي على الخط الأصفر الي يوديك على كاونترات الشنفن فرنسا والمانيا وغيرها من دول الشنغن حتى ماامداني اجلس على الكرسي طلع رقمي على طول ورحت للكاونتر وطلع هندي عطيته الاوراق اخذ الاوراق وهي :
1- جبت كشف حساب 4 شهور مختوم اول صفحة واخر صفحة فقط اخذ اخر شهرين فقط ورد لي الباقي
2- اخذ حجز الطيران ذهاب واياب وطبعا وهمي سويته ب 100 ريال لشخصين
3- حجز الفندق مااخذه رجعه قال مايحتاج بس نقطه مهمه ( لازم تذكر في نموذج الشنغن اسم الفندق وارقامه وعنوانه )
4- نموذج الشنغن معبى طبعا الي يجي مترجم انجليزي وعربي ( انا طبعته وجهه وقفى وقبله عادي لانه يجي ورقتين )
5- تأمين طبي مدة الرحلة انا اخذته من التعاونية
6- طبعا الشائع انهم يطلبون صورتين شخصية لكل متقدم اكتفى بصوره واحده لكل متقدم والافضل تتصور من المكاتب الي بجانب المركز يعرفون المقاس المطلوب
7- ورقة الموعد تجيبه معك لانه ياخذه مع الاوراق
8 - تعريف بالراتب مترجم ومختم والي يشتغل في شركة يصدقه من الغرفة التجارية ويكون ايضا مترجم طبعا الي جبته غير موجه للسفارة فقط لمن يهمه الامر ( اعتقد مو شرط يكون موجه للسفارة )
9 - صورة واحده فقط من صفحة معلومات الجواز ورجعلي صورة صفحة التوقيع قال مايحتاج
فقط هذا الي طلبه مني
دفعت رسوم الفيزا وهي 544 وعطاني وصل وقال هذا الي تجيبه معك وقت استلام الجوازات
وقالوا روحوا بصموا ورحنا ودخلنا غرفة التصوير والتبصيم تصورنا وبصمنا لانه الصورة الي بتكون في الفيزا في حالة قبول الطلب والحمدالله خلصنا الإجراءات بسهولة مااخذنا يمكن ربع ساعة في المركز .
جتني رسالة بتاريخ 2017/9/5 يفيد بوصول الجوازات للمركز والحمدالله رحت استلمها عطوني سنة انا والمدام ووقت بداية الفيزا من تاريخ التقديم وليس من تاريخ بداية السفر .
يعني لو نحسبها من بدات الاجراءات فقط اخذت 3 ايام عمل

الاجراءات جدا سهله وميسره ولحد يعتمد على المكاتب روح بنفسك وخلص امورك
بخصوص التوقيع الي على النموذج لاوم يكون مطابق الي بالحواز للمعلومة
استغرب ونا طالع من المركز عائلتين كانوا ورانا وقت الدخول لازالوا في انتظار موظف شنغن المانيا لإنهاء اجراءاتهم واغلب الموظفين الموجوين شغالين على كاونتر فرنسا

عموما الشكر موصول لبعض الاعضاء ذوي الخبرة على مايقدمونه من خبرات ومعرفة في سبيل الحصول على الشنغن