بلاكبول مدينة ونيسة
حبيتها مررررررا
وعيالي حبوها من كثر الالعاب والعاب الفيديو

ليش ماطلعتوا البرج والممر الزجاجي اذا ماخاب ظني


شقتكم موقعها ممتاز

ان شاءالله جربتوا عربات الخيل اللي تلف فيكم ممتعة



والذ عشوة من يدك تسلم الايادي والله يعطيك الصحة ويخليك لهم



مستمتعين

بلاك بول مدينة جميلة لكن ويندرمير اجمل
شاخباري السيرك حسيت انه مافي عروض وكله يهال اتوقع ماعجبكم
السوق لابد منه في كل منطقة
تعليقي على الفندق في الجزء الخاص فيه

ماشاءالله وصلتوا بلاك بول
وناسه وسعر التاكسي حلو
الفندق ممتاز واعتقد يعتبر B&B واعتبرهم لي هالمناطق زينين حق ليلتين

الله على الموش ومعدس وجنج ماتدرين قاطه بينهم بطاط و يمج الاچار ونسمة هوا بارده يالطيييف
عليكم بالعافيه
احب السيرك لما الحين ماادري ليش
زين سويتوا زرتوه مره ثانية
مستمتعين بالمتابعه


Sent from my iPhone using Tapatalk

الأثنين 21 أغسطس 2017


CASEY,S CAFE
كافيه وتيك اواي
بلاكبول



قعدنا شوي متأخر على الساعه 8.30 تجهزنا وطلعنا
سابقنا بوحسين متريق
وقال لنا هذا خوش مطعم للريوق
دشينا واعذروني ما صورت اسم الكافيه الا اخر اليوم وهو مسكر



هذا المول من دريشة الكافيه




وصور من الكافيه والريوق



صاحبة المطعم اهي وزوجها كبار بالسن بس










إعلانات للانشطة في بلاكبول تارسة المكان غير الكتيبات





وهذا الريوق الإنجليزي





















ملاهي بليتشر بيتش


خلصنا الريوق رحنا انا والبنات لملاهي البليتشر بيتش وهي تكون اخر الشارع





وفي مكان كبير للمعلومات قريب من البوابة







شوفو الجوو الساعه 10 الصبح وبرد بعز الصيف عندنا




العربانة يام محمد السعر لها 20 باوند تاخذكم لأول الشارع مسافة حلوة
بس تصلح للأطفال اكثر




وطابور التذاكر للملاهي







ما طولنا وايد لان وايد كاونترات وطلعت لنا التذاكر ب 130 باوند والشخص الادولت ب41 باوند
اعتقد عطتنا عائلية احنا 4 كبار






وعطونا هالشريط ربطوه على ايدنا







نطلع من باب عليه حراسة وتفتيش على صالة فيها بعض الصور القديمة للمكان وإعلان عن الألعاب ال

اول لعبة اشتغلت اهي الصاروخ













الطابور









الصورة واحنا فوق مع سيلفي طبعا ...بعدين تمسكووو تصير سريعه شوي



هذه اللعبة قطار موت بين النار والثلج



وبالبرد يبيله دونات حار































محلات السوفنير وايد بالملاهي






لعبة اليس في بلاد العجائب لازم نعيد نلعبها كل سنة نروح....لقيناها مسكرة راح نرجع لها




والكافيهات منتشرة



والجالية الباكستانية موجودة ببلاكبول عايشين ولهم محلات يبيعون فيها






الألعاب اغلبها ما افتحت ننطر قطار الموت




لعبة سفينة نوح







هاللعبة على اليسار اللي احبها من 1991 وهي ديرفة ( مرجوحه) بغرفة تحس انها تقلب فيكم لان الغرفة عبارة عن اسطوانه تفتر واحنا بالديرفة ( المرجوحة ) داخلها

بس حسافة مسكرينها الظاهر انتهت صلاحيتها



دخلنا



العاب وصور خدع بصرية مثل المرايا














ارنب والا بطة



جريمة




جم ريل للفيل



فتاة والا عجوز ساحرة




منو يقدر يفتح البوابة




وطلعنا من اللعبة الى....يمينا
العاب جيمز منتشرة



وجدامنا كراسي للتصوير خلفهم بيت رعب والله ما دخلته ولا مرة رحت فيها بلاكبول....الخوف نعمة هههه













في بنت تطل من فوق






لعبنا قطار الموت اعتقد اهو اقدم قطار موت خشبي في بلاكبول وما صورت لان ما تقدرون تصورون سريع جدا

ورجعنا لأليس في بلاد العجائب بعد ما افتحت العبوا البنات






















الصورة الوحيدة اللي حصلتها من البنات للداخل



للتصوير للبنوتات










وهذه لعبة قطار موت صغيرون ببيت رعب







البالونة يا بابا










ولااااازم هالبطاط اللي مشهورين فيه بالتب مال البحر....






هذا محل الشيبس




والكوتون كاندي شعر بنات








وهذه لعبة الحصن الكبيرة



لولا ركبي جان صعدت ....بس الحمدلله انا لاعبتها من قبل












يتبع...

نتابع الملاهي
وبعدها عبرنا هالجسر اللي يودي النيكولوديان والألعاب الباقية ومنها بيبسي مان الافعوانية الأطول










ولعبتنا الخروف شون....دخلنا وقالو لنا بتفتح بعد عشر دقايق
تمشينا بمحلهم







































للتصوير










انا وغنومة ....فكرتها تصورون نفسكم والخلفية بتصير اللعبة




اللعبة صايرة فوق على الجسر وتنزل العربات تحت وتصعد مرة ثانية نطلع من نفس المكان والصورة هذه والصور اللي قبل كلها من فوق



من هني ندخل للعبة وكانت حلوة اتونس



والعربة جنها تكرمون حذاء الشخصية






















لعبنا هنيه انا وغنومة شوفونا اتهبل اللعبة والله وناسه

























وهذا الاراغوز القديم اللي لقوه بمخزن وهو بس يضحك ومثل ما قلت لكم كنا مصورين معاه من 1991
لوحة تمثله عنده







وهذا القارب كان للعبة منجم الفحم ...سابقا تحول الى احواض زراعه




وهذيل بعد علقوهم فوق




وبعد لعبنا هاللعبة قطار صغير سريع ويصلح للأطفال







بيبسي مان من يتجرأ ويركبها



والى الجسر للخروج





ومن فوق الجسر هذه المحلات تحت لالعاب الجيمز ومنها تكرمون دورات المياه






وهذه مقابلها




اغلب الألعاب لاعبينهم قبل اربع مرات داشين البليتشر بيتش
والحين تعبنا




وهذه صالة العاب الجيمز

حاولنا نلعب شوي ومنها للحمامات وبعدها نروح بره






















وبعدها طلعنا واسألونا اذا بنرد ندخل مرة ثانية لان التذكرة ليوم كامل طبعا قلنا لا ماراح نرجع
واذا بترجعون بيحطون على ايدكم زيت واذا قربوا لكم اشعة ليزر يسمحون لكم بالدخول مرة ثانية

طبعا ولازم يكون الشريط على ايدكم



تذكرت ليش اضافوا المادة الزيتية للي يطلعون لان في ناس تشيل الشريط وتبيعه للي ما يقدرون يشترون التذاكر
ومرة عرضو علينا شباب هذا الشريط من قبل كم سنة

علشان جذيه صادوهم بهالحركة

نشوف باجي اليوم ....

شارع بلاكبول




بره الألعاب تلاقون محلات العاب ومنها بيت الرعب هذا



والفيش اند شيبس موجود بكل درجاته الغالي والرخيص والجيد واللي على الماشي
هذا قريب من باب الملاهي




الشارع والرسومات المعلقة ما يميز هالشارع الجميل







وصالات الألعاب منتشرة بهالشارع









العربة الملكية احليوة والماسية









والجووع ودانا لمجمع مطاعم صغيرون فيه محل بيتزا وفيش اند شيبس وصب واي ومحل كوكيز
ثلاثة اخترنا












الطاولات تحت محدودة جدااا والعالم زحمة
ورحنا فوق لقينا الطاولات فاضية وكثيرة واخذنا راحتنا

والبيبسي



والمطل على الشارع والبحر



طلب دانة



وطلبنا












احلى شي صلصة الترتار مع الفيش

بعد الغدوة المشبعه طلعنا وانا ودانه واخذنا تاكسي
















وأخيرا التكسي














رحنا السوق علشان تلفونها شاشنه مكسورة وما قام يشتغل
وصلحناه ب 80 باوند عند هندي قال لنا ساعه يخلص
ورحنا كوستا مقابله نريح

وبنفس الوقت وصلتني هالصورة



حرام عليهم يتطنزون على الكويت ههههه

ودخلنا




والا ثلاث حريم ينادون دانة ويسالونها عن جاكيتها عجبتهم النقوش اللي بظهرها



طلبنا




بعد ما ريحنا شوية وخلص تلفونها اتصلوا البنات وقالو انهم يايين المول بعد ما راحوا الشقة وطلبت منهم ايبوون قطعة ببدلها وكنت شاريتها من بريماك غلاسكو ورحنا بريماك اللي ما يسكر بسرعه بكل مكان



ابد مو تعبانه وعيني تزغلل
في بريماك كان معانا ابوحسين ودخلت الاصنصير معانا وحدة مع بنتها بعمر خمس سنوات الام تمشي وهي مغطية وجه بنتها بيدها ومجندسة

والا ابوحسين يقول وييه هذه شتسوي ما تستحي
والا قاعدة ترضع البنت اشكره
وبعدين قالت سامحوني بنتي ما تفهم ان هالشي غلط جدام الناس....طبعا مو بس احنا اللي قعدنا نطالعها الانجليز كلهم عطوها نظرات علشان جذيه قامت تتأسف



شغلات حلوة




وبعد ما خلصنا قلت لهم نبي نتمشى على البحر بوقت المغيب ونشوف الليتات ورجعنا



ودخلنا جم محل








تعليق غنيمة
























وصورة للذكرى انا وبحسين



وراحوو بوحسين ودانة قبلنا للفندق




































أجواء المطر الحبيبة

























الوسيلة المحببة الترمواي كان قديم ومجددينه والقديم موجود بعد




شايفين الشارع اللي طالعة منه سيارات هذا بعد نفس شارعنا كله فنادق ... وكل الشوارع الفرعية جذيه







وما طولنا وراهم ورجعنا لان النهار طويل ومو راضيه تغيب الشمس




وهذا شارعنا رادين للشقة وما شفنا مغيب الشمس ولا الليتات اللي تزين الشارع




اسم فندقنا






الضباب البلاكبولي




على ما وصلنا الا صار الليل




والعشا طلبنا من مطعم بالتلفون ووصل لنا وطلع قريب علينا وهو مطعم لبناني

طلبنا حمص وكباب وخبز بالزعتر







وسندويش فلافل



وبعدهاا نوووم من التعب وتسكير الجناط طبعا

صار الصبح واليوم هو يوم الثلاثاء تاريخ 22 أغسطس 2017

سويت ريوق لنا بيض وحليب وتوست واللي منه









ونزلنا اغراضنا وننطر التاكسي اوبر












محطة قطارات بلاكبول نورث



وهذه السوبرماركت عند محطة القطار الكبيرة لبلاكبول ...قلت الكبيرة لان في محطة ثانية بس مجرد خط وموقف مثل مواقف الباص اعتقد كنت كاتبه عنه في موضوعي القديم بلادنا حلوة




ومواقف التاكسي ونزلنا




طلعنا التذاكر للقطار واحنا حاجزينه من الكويت بالاونلاين .....ملاحظة جميع تذاكرنا للقطارات كلها طلع 150 دينار كويتي
بس هني نحط الرقم ونطبعها










قطار قبلنا واقفين الناس ينطرونه







البنات اشتروا لهم سندويشات وكوفي ولي كابتشينوو













راحوو الناس وباقي الإعلان عن قطارنا




لفتة حلوة وهي لتكريم المتوفين من العاملين بالمحطة







إعلانات ومواعيد وجداول تخص المحطة



وصار دورنا نوقف لان جناطنا يبيلهم مكان والقطار عادي مو فيرجن ولا الدرجة الأولى يعني نبي جناطنا يمنا فلازم نوقف اول ناس






وزعنا جناطنا بالقاطرة مالتنا 3 جدام و3 عند الباب اللي ورا وقلنا وقت الوصول ننقسم قسمين علشان ننزلهم

والى,,,,,,كارديف انتظرونا