فندق The Royal Hotel Cardiff



فندقنا



وهذا رابط الفندق من بوكينغ

https://www.booking.com/hotel/gb/the...oom=#hotelTmpl


المدخل الامامي على الشارع اللي ممنوع مرور السيارات فيه كم درجة للمدخل
وفي باب خلفي وقريب على المصاعد الي تودينا للوبي وهو على الشارع الخلفي
بس راعي التاكسي شيطوون ما دخلنا من هناك

نزلنا هني عند الساعة وهو فندقنا اللي موجود بالصورة






مو مشكلة دخلنا الجناط وداخل ننزل بعد درجتين ونشوف المصعد اللي مقابله الباب الخلفي

صعدنا فوق وعطيناهم الحجز ورحبوا فينا ومافي احد يساعد بالجناط كل واحد يساعد نفسه طبعا الحين خلاص
الاصنصير موجود وبعد في درجات قليلة ما تتعدى الأربع درجات

الريسبشن




كراسي اللوبي









ومقابلنا هذا الممر



الممر الى المصاعد للغرف خلف الباب




وهذا الاصنصير






وهذه اول غرفة وشفناها 3 سراير خليناها للبنات




الغرفة حلوة ووسيعة ومطلها على الشارع اللي دخلنا منه















السرير الثالث عليه فوطه وأدوات النظافه كاملة لشخص واحد وبالحمام متوفرة لشخصين

وهذا حمامهم









ادوات النظافة من العسل والفندق فيه خلية نحل فوق حاولنا نروح نشوفها بس ما عرفنا الطريج لها الظاهر من مصعد ثاني سالنا مرة وما عرف اللي سالناه وبس

ونوصل لغرفتنا الحين اول شي مدخل




وطلع بعد غرفتنا فيها 3 اسرة












تلفزيون وسماعات وحركات

وأدوات النظافة للسرير الثالث طبعا استخدمنا منهم والباجي يبته معاي احب احتفظ فيهم بعد بفلوسي صح والا لأ









وحمامنا










والدفايات لازم ننشف عليها الفوط



وهذا مدخل الغرفة



لازم تقرون اللي بالورقة ههههه



اقروا





وبالخريطة صرت بعيد عنهم ههههه مع مو وايد بعيد جذيه عاد







والاوتي وطاولته والاستشوار









شايفين السخان وصينية الشاي بالكبت ( الخزانة ) مع توفير العلاليق





هذه غرفتنا بالوجه رقمها 420 والبنات غرفتهم 419 بس هم مو بممرنا لا






نطلع من هالباب



وننزل الدرجات هني ونطلع على غرفة البنات بويهنا



هههههه اصور الدرجات هني واضحك كل مرة وبوحسين يحذرنا كل مرة ليش ؟؟
لان محدثتكم اول ما طلعنا من الاصنصير واحنا نصعد الجناط قاعدة امشي والا هوووب واطيح الا لولا الجنطة اللي بيدي تمسكت فيها
والا جان طحت على ركبي اللي لازم ما اقعد عليهم اشلون لو اطيح
الحمدلله عدت على خير ....وبوحسين كل شوي يذكرني ديري بالج



والاصنصيرات بدورنا




وإعلان خلية النحل بالاصنصير




الباب الخارجي للفندق



وان شاءالله عجبكم هالفندق حلووو والموظفين حليوين
نشوفكم بالجزء الياي ووين رحنا

يحسب الناس مثلهم مشي مع الشناط

لا قريت كارديف علي طول يطري علينا أبرار

ايه صح يحق لك تحتفظين فيهم ولا بعد بالعسل لازم نشيلهم

لازم الحرص والله

ماشاء الله واذكر الله

موضوع شيق ومتواصل
ولا يزال العطاء مستمر من أم حسين

يا هلا ومرحبا منوره كارديف
ياحلو طاريها ويا حلو أمانها

هههههه عاد صج تكاسي المحطه خايسين

متاااااابعه


Sent from my iPhone using Tapatalk

ههههه ام حسين وبوغازي
صار الكل حتى اهلي من يسمعون كارديف يقولون ابرار اربطوها فيني [emoji23][emoji23]
الله عداج الشر ام حسين انتبهي الله يهداج
ماشاءالله حلووو الفندق حبيته بصراحه وموقعه ممتاز شارع سانت ميري هذا


Sent from my iPhone using Tapatalk

نكمل معاكم ...اول يوم في كارديف


بعد ما ريحنا شوية وصلينا
طلعنا نتغدى وبداية هذا شارعنا ممنوع مرور السيارات

هذا من يمين بوابة الفندق



ومن اليسار ياخذنا الى القلعة





وهذا مقابلنا والشارع كله مطاعم وكافيهات ومحلات




وهذا فندقنا مدخلنا الباب اللي على يمين الصورة



وهذه الساعه وشايفين الباص السياحي
هني وقفنا راعي التاكسي علشان ننزل للفندق



على اليسار هني ستاربكس وفيه فتحة دخلنا منها نتبع غوغل ماب للوصول للمطعم اللي نبيه



ساحة مطاعم



من المطاعم ناندوز وفايف غايز مرادنا اللي رايحين له

طبعا احنا متغدين العصر مافي احد موجود بالمطعم الا عايلة اجنبيه

أجياس السيبال ( الفول السوداني )




بوحسين قال انا ماني رفيجكم على البورغر
وراح في شارع قريب منا

المطعم فاضي



البيبسي ونكهاته المتنوعة وخدمة ذاتية



ضيف نفسك مجانا






وسمووا






















الحمدلله خلصنا الغدا ورجعنا شارعنا وهذه الصورة معلقة على ستاربكس بالجانب شدتني وصورتها لكم




وشارعنا الجميل والورود الجميلة







وبوحسين وغنومة سوالف يمكن اقناعه بشراء بيت هني ههه



تيسكو قريب علينا










وفي شوارع فرعية










استاد كارديف






علم كارديف والديناصور الأحمر



مطعم بوغسان مادري بس اشوفه اتذكر بوغسان







وبينت قلعة كارديف اخر الشارع






امير ويلز اي واحد مادري




ورجعنا بعدها والغيوم الريشية



بوحسين راح مباراة ماني لاقية التذكرة

وهني كنا معاه عند الشارع عند محطة التاكسي خلف الفندق



وبعدها احنا قررنا نروح فيلم الرعب أنابيل
شفنا وقته وموقع السينما لقيناها قريبه علينا والفيلم تقريبا الساعه 8
ورحنا لها خلف الفندق بحول 3 عمارات

وهذه العمارة تقريبا




نصعد الدريات والسلالم للسينما






العمارة فيها نادي صحي وماشاءالله متروس ناس يلعبون




هني شباك التذاكر والكافيه




وهني البنات غنومة ودانه قالو مانبي الرعب نبي فيلم ثاني
وهم ادخلو الفيلم واحنا فيلم نفس الدور والسينما يم بعض






















ولزوم الشيئ الشبئ اعلاه









داخل السينما كانت فاضية ماكو الا شوية ناس
وبالجهة الثانية في اربع حريم من طقتي بالعمر واصغر
وسوالف وضحك الظاهر صديقات وطالعين مع بعض

وتوه بادي الفيلم والا تقول لي بنتي يمه مدي ريولج على الكرسي اللي جدامج قلت اشلون قالت شوفي الحريم واللي يمي كلهم رافعين ريولهم واخر راحة وقلدانهم

الفيلم والله ما يخرع بس قصة الدمية على مدى السنين هذا اهو اللي يخرع بالقصة
اما الفيلم ما يخرع اكشناته وجذيه ما يخرع
يمكن غيري يخاف اما انا ما خفت بطلة هههه

وانتهى يومنا بفيلم انابيل وبعد ما طلعنا من الفيلم انا وفرفر نطرنا البنات خلص فيلمهم بعدنا بخمس دقايق
ورجعنا الفندق وكان بوحسين توه واصل بعد
وعقبها حطينا روسنا على المخدة وونووم
ونلاقيكم باليوم الثاني بكارديف

اخخخخ يا ام حسين كل صوره اشوف نفسي فيها والله وإني مشيت في هالسكيك والشوااارع واااي قلبي ردووووووني [emoji174][emoji174]
هذا تيسكو الصغير العود يصير ورا الحديقه يبيله ساعه مشي تقريبا عشان توصلين
وسينمتكم هذا المبنى القديم وناديي القديم
السينما اليديده عند عمارتي ام ثلاث ابراج التولوسو [emoji174][emoji174]
يا قلبي قلبتي المواجع
زيييزي من المطاعم الايطالية اللذيذه وهذا فرعهم احبه [emoji174]
خلاص لاتكملين كارديف ام حسين [emoji23][emoji174][emoji174][emoji174]


Sent from my iPhone using Tapatalk