الأحد 27 من أغسطس / 2017



قعدت الصبح وسكرت جناطنا انا بوحسين وجهزتهم
ونزلت للأستقبال وقفت انطر دوري ماشاءالله من الصبح والعالم زحمة







وقفت والا اتيني موظفة وقالت تعالي معاي داخل هي خاصة للي حجزهم خاص مع صالة الاكل المفتوحة
بس ماعندها زباين فكانت تساعد اللي بالريسبشن






الصالة ادري مو واضحة الصورة بس علشان ابين لكم اللاونج

دخلت معاها وقلت لها عن الحجز والسالفة الحين حجزنا البارحة مع المنيجر محمد
بكل سهولة وابتسامات وسوالف حبيبة خلصنا الشغل
قلت لها
غود بلس يو
استااااااااااانست وااايد وقالت محد يقولها لنا وايد
وقالت خلاص مثل ما صار حجزكم غرفة البنات مثل ماهي بدون زيادة لباقي الايام يعني نفس حجزنا اللي من الكويت
وغرفتنا بتكون جاهزة والجناط بيودونهم لنا اهم للغرفة الجديدة

المهم استلمت منها رقم الغرفة واوراق التشيك اوت والتشيك ان بعد ما استلمت الفلوس بالكرت



التشيك اوت لليلتين اللي فاتوا



وهذا حجزنا الاولي من الكويت



وهني استلمت الفلوس بدون زيادة وإبقاء غرفة البنات مثل ماهي

انزين اشلون غرفتنا ؟؟؟؟

بعدها مو جاهزة نشوفها بعد ما نرجع
رحنا تريقنا باللذيذ بريت





















طلعنا للبنك لازم نسحب منه حق التسوق
ورجعنا لتكملة الطريج للاكسفورد













وراعي الفواكه




ورايحين سيلفردجز اللي للحين ما فتح












شوفو الناس تنطر يفتحون الباب
وبعدها فتحوا الباب وهجووم






بغيت اشتري عطر ثمين موصينا عليه بوزيونه
قال رجعوا بعدين المشترى لازم بعد الساعة 12
ترى كل البوتيكات ملابس عطور وغيره ما يبيعون الا الساعه 12

المهم رحنا نتمشى ونتسوق ونقايس الملابس لحد ما يفتحون البيع
















وأخيرا افتحووا البيع وحاسبنا حق غنومة بدلة من توب شوب
وبعدها كملنا تمشي
وشفت هاللعبى قلت الله حلوة حق زيونة بس شفت الاسم قلت مابيها ههههه خفت




هالالعاب احلى موديل جديد



معاهم ملابس بعد








وبالاخير رجعنا حق ثمين وشريت حق ولدي من نفس البايع اللي استقبلنا بالبداية علشان يأخذ الفايدة باسمه وعطانا بعد هدايا سامبل




ومن سيلفردجز الى ليبرتي بالباص


















قسم الجناط لماركة المحل









اعجبونا هالجناط حلويين طلبت غنيمة على حرفها صغيرونة حلووة نفس اللي بالصورة على حرف G

ويمهم محل الاسكارفات








واتصال مع زيونة



ورجعت للجناط واشتريت لي بعد مع استيكر حرفي ما حبيت كبير لي









رحت صوب الخامات بالاصنصير البطيئ هههه






اعجبوني بس ترددت ما اشتريت

قسم الصابون والشامبوات
شامبو الحصان موجود يعني خوش شامبو صج انا مجربته وايد قوي يستاهل سعره









ورحنا نريح هني بالكافيه مالهم









اعجب فيني العامل ههههه رايح وراد علي يقول لي ان الطلب بيتاخر شوي قلت ميخالف عادي
ورايح وراد يحليله ههههه

غنومة تضحك علي











والوايت فلات اهداء ل....















هذه الطاولة اللي بالمدخل للكافيه










والحين نروح الاصنصير بنطلع

الأدوار










هذا الاصنصير




وطلعنا بنرجع للفندق وتعرفون هالمكان اهو عند كانبري ستريت ونطلع على الاكسقورد سيركس






















الى الفندق والغرفة المنتظرة بالجزء الياي ....

الكمبرلاند



والحين نسمي وندخل الفندق بنشوف الغرفة اليديدة



الغرفة 5086

السراير



التلفزيون




الكبت





المكتب













واهم شي الوسسسع والشراحة




وبالممر تلاقون كبت الاوتي اللي ما تقدرون تغيرون مكانه والشغل وانتو واقفين يعني ما تقدرون تقعدون وتكوون




وتكرموون الحمام






الخريطة للدور خلف الباب
تقريبا احنا نفس المسافة من غرفتنا للاصنصير مع غرفة بناتنا



صج بعيد عنهم بس الغرفة واسعه الحمدلله ومافي خوف عليهم للآمان اللي مسوينه الكمبرلاند ما تدخلون جهة الاصنصيرات الا بالكرت
والامن ما يخليكم تطوفون الا تحطون الكرت
في واحد عرفنا فما كان يشدد علينا لان خلاص صرنا مألوفين عنده
اما الثاني ما يثبت لازم نمرر الكرت بالجهاز قبل ما ندش

اللغة العربية حاضرة وبقوة بالفندق






































اممممم ها اشرايكم بقدرات ام حسين ظبطتها والا لأ


يتبع...

STEAK & LOBSTER



رحت المطعم مع دانة بالغصب مالي خلق آكل
ومشينا على الخريطة طلع ورا سيلفردجز تقريبا

المنيو



بروحنا بالمطعم .... وشكله تابع لفندق لأن مدخل فندق موجود























ووصل الطلب






السلطة لذيذة










والفاتورة السعر غالي طبعا

طلعنا واتبخر برة عقب الزفرة




وهذا كان غدا البنات






ورجعت عاد للفندق اشيك على جناطنا ما جابوهم وبعد اريح شوي والتلفزيون فيه عايلة والتون مسلسنا القديم









لقيتهم يايبين جناطنا
وسنعت شغلي

وبعد ما ريحت كنا متواعدين مع اختي نروح الهايد بارك
واختي تاخرت بالاوت لت فما قدرت تيي ورحنا انا وبناتي




كان عرض او مسرحيه عليها طابور




ولازم نمر من السبيك كورنر بس مرور ما قعدنا لان ما احب السب للخليجين والعرب من العرب نفسهم







ورحنا جهة البحيرة شوفو الزحمة










عربانة البرييد




علامات الجهات بالأرض






























قعدنا بكرسي قبال البحيرة





















وناسة القعدة والجو حليووو ويبيله برييد









وأفكت السناب لقرب عيد الأضحى













يتبع....

صارت لنا سالفة بذكرها لكم بس للتنبيه

قمت اصور ووصيت دانة على جنطتي
وشوية رجعت الا الاقي وحدة قاعدة مكاني يعني بسرعة ما اخذت دقيقتين
وحاطة جنطتها يم جنطتي بطريقة غريبة
قلت حق دانه جنطتي ؟
ورحت اقعد دانة قامت وانا قعدت مكانها وصار على يساري ولد والحرمة على يميني
رجعت بنتي الكبيرة من المطعم ودنيت لها على يميني
والا الحرمة تقول : خل يجي ابني صوبي علشان يتوسع لكم المكان
قلت يلا
قام الولد انا افتكرته اسيوي على الريحة الفظيعه اللي فيه
وهو بيقعد عند امه والا تقول تعال علشان لا نعمل لهم سحر
قلت لها نعم انا وبنتي ...ليش هالكلام
وقامت تسب وتلعن وتقول انتو جايين اهني تاخذون حريتكم بلدكم مقيدكم
قلت لها انتي عارفة بلدنا والا شجاب للطاري ؟؟
وليش هالكلام محد كلمك يا اختي
قالت انا مو اختك وانتو رجالكم يجون ياخذون من بناتنا يتزوجونهم ..
قهرتني والله
قلت لها أي من السحر والضيم والا شنو فيكم زود الريحة والا السنع روحي نظفي ولدج ريحتها كأنه ريحة مجاري
وقامت تسب وتلعن تكمل
وقالت انا الحين بتصل بالبوليس انا بريطانية
قلت لها اتصلي بسرعه
وخل ايوون احنا موجودين
وقامت دانة تقول لها عيب ليش قلة الادب احنا ما كلمناج
قالت امج وانتم قليلات الادب
وقامت تتصل بوحدة تكلمها فرنسي تحسب بنتي ما تعرف فرنسي
قالت يمه طلعت متفقة مع وحدة علشان تبوقنا بس صدناها
وقامت تقول جذيه
كل هالنقاش وانا اكل كيكتي وبنتي بتاكل سلطتها
انا بعد ما خلصت كيكتي قلت الحمدلله على حكومتنا معطتنا الخير كله ولا مخليتنا بحاجة احد
وقلت لبناتي قومو خل نروح

وقمنا لأن ماني صابرة على كلامها

يا جماعة لا تقولون اني شايلة على أي احد او دولة لا بس هذه الحرمة تمثل نفسها بس وما تمثل شعب دولتها

ولو هي تمثل دولتها ما راحت لجوء لبريطانيا

العبرة ان انتبهوا لأغراضكم لان صج كان وضع جنطتها قريب من جنطتي غريب
وبعد لا ترادودن هالاشكال لانها ما تستحق وخاف بعد يكونون لهم عونه يهاجمونكم




كيكتي وقت الجدال



المنظر ما يتطوف



وسلطة بنتي وشوفو الحرمة قريبة من بنتي لابسة ازرق
ودانة واقفة تسألها بأدب ليش قلة الأدب



خليناها وقمنا













وصلنا حديقة الماربل آرتش







وقلت للبنات خل نقعد هني بعد أخاف تلاحقنا للفندق










قعدنا هني وبوحسين يالنا هني .....






والقمر










راس الحصان حابسينه ههههه







رجعنا الفندق وقلنا لبوحسين اييب لنا سندويشات كباب

وهذه سندويشتي من التعب اكلتها على الفراش







هههههه وانا طول الليل اشم ريحة بصل ؟؟
شنو السبب ؟؟
طلع صوص السندويشة مقطر على الكفر هههه
الصبح وانا طالعة طلبت من اللي تنظف ان تغير الكفر وغيرته لي







وهني صورت الليبل للمخدة لان بوحسين يقول وايد مريحة ويبني اشتري منها



الفيديوات



نتابع باقي جولاتنا في لندن بالأجزاء الياية
تابعوني


[/FONT[/SIZE][/COLOR]

اولا برافو عليك ...المهم ماغلبتكش المصفاره المسمامه هههههه...وخذيتي احلى غرفه...شاطرة ام حسين
لكن انت في بالك مانفهمش انجليزي......لا اناحطيتها على العم المترجم وقالي god bless you تعني Que Dieu vous bénisse وتعني فليبارك فيك الله وبالعربي متاعنا الله يبارك فيك .شفتي ههههههههههههه
الجوله جميله وبالهنا العطورات اللي اشتريتوها
سترك الله من السيده اللي جلست جنبكم مبين انها نيتها الشنطه اولا ..مع الاسف هناك ناس زي ماقلت انت لا يمثلون الا انفسهم .ولكن انا تاسفت لاني تقريبا فهمت جنسيتها من سياق حديثك عنها..الله يهدي وكل بلد زي مافيه الطيب فيه الوحش وفيه الصالح والطالح
ياسلام عالاكسفورد ستريت وسركس والله ايام حلوه والذكريات ترجع مع تقريرك وصورك
شفتي بطاتك..مازالو يستنو فيك في نفس المكان اللي تركتهم لك فيه ههههه
مواصله الاستمتاع بالبقيه

خخخخخخخخخخ
نبي صورة الكيكه بعد الجدال
أحلي شيء تطنش في الحياه الا في بعض الأحيان لازم لك كلمه
المحل حلو مع الكوفي محلهم رايق
غداء غنيمه مو غالي أهم شيء أحلا من الفاست فود

زين أنهم غيروا الغرفه وانبسطتي



الهايد بارك جميله لكن تجمع بعض العرب لسماع السب أمر مؤسف


تحياتي لك

عوده مجدداً الى التجدد الجميــل و الجولات الاجمل بكل تفاصيلهــا

تفاصيل ممتعة

اما الفندق هذا تحديداً فجماله يتوقف على مكان و نوع و اطلاله الغرفة و ما عدا ذلك قد يكون غير مرغوب به

-----------

اما الموقف يحدث و يحدث و يحدث

لا نعمم و لكن المصيبة تأتي في الغالب من العرب أنفسهم

الاعلام سلاح ذو حديــن وهو سبب رئيسي لتلك النظرة الحاقدة و الحاسدة و الصورة السلبية

الاهم بأن نبتعد عن الجدال مهما حدث

اتينــــــــــا للسياحــــــــــــة و لم نأتي للنياحــــــــــــــــة

..............

بأنتظار جديدك

الله يعين يا ام حسين
يا كثر هذي النوعيات في الايدجوير ستريت والهايدبارك
للاسف هدفهم السرقة والتطاول على الاخرين
الافضل الواحد يطنشهم تماما بس ينتبه لهم

الكمبرلاند موقعه ممتاز وهو خيار الكثير من الخليجيين
يميزه ان غرفه وسيعه وقريب من كل شئ

اتوقع المخدة غالية لانها بريطانية الصنع

اكيد متابعين