هذا واجبنا يا اخوي

المحطه موجود اسمها بالتقرير ناسيه اسمها
ويمكن بتكون محطة بادنغتون بعد

واعتقد محطة يوستون بعد تودي لان ايامنا كان فيها صيانه ومسكرة

انت اذا حجزت التذاكر اون لاين بيبن لك اي محطه


الجناط انت كون عند الرصيف قبل الوقت المحدد في عربات للجناط توصل لحد باب القاطره وخلي احد يساعدك ان شاءالله مافي مرمطه بس تأكد ان القطار رايح دايركت هناك

اذا حاب تروح مدينه ثانيه من لندن روح يوم برايتون
يوم ملاهي التون تاورز
يوم الاوت لت

كلها بالقطار واحجز بدري ارخص لك

و ان شاءالله سفره ممتعه

الحمدلله رب العالمين حجزت طيران بتاريخ 9 يونيو الى 21 يونيو

والجدول كالتالي :

من 9 الى 12 لندن للاستطلاع ومعرفة المنطقة

من 12 الى 16 كارديف ( حجزت بالباص من لندن الى كارديف ارخص بكثييييير عن القطار واشوفه أأمن لي عشان الشنط والفرق الباص 3 ساعات وشي لين كارديف وبالقطار ساعتين وشي ) احس القطار يحتاج سرعه وكذا


من 16 الى 21 لندن وف هذه الفتره بروح برايتون وبعمل لي جدول .



ف ياريت اللي عنده جدول يرتب لي لاني اول مره اروح يعني يخبرني الفتره الاولى وين اروح وايضا ف كارديف وين اروح والفتره الثانيه ف لندن وين اروح وبالتوقيت يعني صباح وين ومساء وين ..

ويخبرني اليوم الفلاني روح هنا وهنا لانهم قريب من بعض وينورني بمثل هالامور وبكون شاكر له كثير.




وايضا عندي سؤال شو رايكم بالسكن في منطقة فولهام تقريبا تبعد عن الهايد بارك 3 كيلو؟؟

ف كارديف حجزت فندق ايبيس يبعد عن المركز 700 متر

وايضا اللي يعرف ارقام الباصات للاماكن السياحيه يذكرها لاني ناوي استخدم الباصات فقط

وايوا صحيح هل في كارديف باصات نقل ياخذ للاماكن السياحيه ولا بالتاكسي ؟؟

واعذروني ع الازعاج

والله جدول صعب يعني نخطط لك جدول على كيفك بالوقت واليوم
وصباح ومساء

على العموم شوف التقارير وهذا الجدول وخطط لما تحب

https://www.arabtrvl.com/vb/t1726.html



الباصات تلاقي هناك محطة الباصات مرقمة وكل مجطة فيها خريطة اتبعها او اسال اللي واقفين او راعي الباص كلهم برسم الخدمة ما يقصرون ابدااا وحتى الكونسيرج بالفندق ومراكز المعلومات بيعلمونك


كارديف احنا استخدمنا التاكسي ما شفت باصات

لندن رائعة ولها جوها وستايلها الذي يستهوي من زارها بتكرار الزيارة لكنها لاتستهوي هواة الصخب كباريس القريبة منها مثلا
عشت بها ست سنوات بلد رائع يميزه النظام عن كل بلاد الدنيا مع تجاوزات بسيطة في اوقات نادرة وشوارع محدودة نعرف اهلها
اسكتلندا جبلية خاصة جلاسجو وادنبره وبرأي اذا زيارة بريطانيا لفترة قصيرة فان الجنوب اولى بالزيارة من بورتسموث ومنها لجزيرة ايل اوف وايت او بورنموث وبرايتون او.كارديف في الغرب او مانشستر شمالاً وصولاً الى منطقة البحيرات
مايميز الشمال هو رخص الاسعار سواء في السكن او المعيشة والمشتروات عكس الجنوب بينما تمثل لندن الاعلى
بقية المدن شبيهة مثل طبق بيض