جولة بريطانية من غلاسكو الى لندن - الصفحة 66

أم احمد · 21-06-2020, 09:02 AM

اقتباس : المشاركة الأصلية كتبت بواسطة توبليرون

بعد هالحجوزات وغيرها بيجي الكلام بوقته عنها

صار وقت الانتظار للسفرة

ملينا واحنا ننطر العايلة كلهم سافروا واحنا بعدنا

اشتركنا بالنادي لياقة انا وتضييع وقت

والربع ريجيم

وللحين ما صار وقت السفرة

وغنومة كل يوم تدز لي هالرسايل

وأخيرا وصل اليوم الموعود وجهزنا الجوازات والأوراق للتذاكر ووزنا الجناط كلها تمام وبعد حطينا جنطة داخل كل جنطة للردة

الوزن على الامارتية طبعا 32 كيلو للشحن

وباليد وزن 8 كيلو

وزن جناطنا اقل بوايد

واخذت الميزان معاي علشان أهميته الكبيرة بالردة

وقعدنا الفير صلينا وبدلنا وحملنا الجناط ووصلنا بوزيونه

يا حلة ريحة المطار

الحمدلله وصلنا توها فاتح الكاونتر للاماراتيه وما وقفنا بطابور بس الكاونترات للخطوط الثانيه كان زحمة شوفو طابورهم

والمحظورات مبينة على الكاونتر

وجناطنا بالاختبار

اهم شي شالي متحمسة لبرد غلاسكو

والجوازات مع البوردنق للرحلتين من الكويت ومن دبي لغلاسكو

الحمدلله خلصنا بسرعة وعلى الريوق وكل واحد واختياراته

تحسون المطار فاضي

اخترنا ستاربكس

طلبي بعد ماغيرته من كاكاو الى الجبن

دانه غلطانة بالطلب

طلب دانة

على ما يخلصون اكل انا اصور

جنطتي متروسة

بعد ما خلصنا رحنا نريح على ما يفتحون البوابة

عساه دووم مرفوع

السوق الحرة الصغيرونة

والطيارات لازم تتصور

الكويتية

الجزيرة

باص الواصلين

المطعم

هني قعدنا عند صالة الماستركارد

غنومة تريقت فيها ببطاقة اختها .... ويابت لنا معاها كبايات ماي على عددنا

وضحك على صورنا بخريطة السناب

حاطينهم طايرين وانا مبسطة على الأرض

وهني كسرت خاطرهم ورجعوا لي وحدة من البنات

وأخيراا صعدنا الطيارة واخر السنابات

وطارت بموعدها

احلى لحظه

https://youtu.be/kyxDr6l60SY

بعد مره

https://youtu.be/wUg4FhTSYE0

عاجبتني الصورة

لازم تتابعون تعليمات السلامة حتى لو انتو خبراء سفر

وكانت طيارتنا من نوع

بوينغ 777

اللي بينام ومايبي يطوفه شي يلصق هاللصقات على كرسيه

الغيوم خفيفة بالخليج

ووصلت وجبة الريوق

ووصلنا دبي

ومطار دبي دار الحي

وركبنا سيارة الغولف علشان تودينا بوابتنا

مع ان بوابتنا للوصول قريبة من بوابتنا للطيران بس في صعود ومشي لفة كاملة

بس وصلنا جهة البوابات رحنا نصلي الظهر والعصر قصر جمع تقديم

وبعد الصلاة رحنا بوابتنا لان ترانزيتنا بس ساعتين واحسبوا الوقت من هبوط الطيارة وعلى ما نطلع والمشي والدخول للبوابة الثانية يالله يمدي

وهني من طريجنا من المصلى للبوابة

كيليز

ووصلنا بوابتنا والعالم كلها أجانب وهنود واحنا بس الخليجين

وهذا البوردينق

يتبع .....

أبداً أبداً مافي أي ملل بل تزيد تشويق أن ننتهي من قراءة التقرير بشكل متواصل ، كل الشكر لكي عزيزتي جوهرة هذا المنتدى أم حسين وعلى تقاريرك ومواضيعك المميزة والجميلة التي تضيف لهذا المنتدى الجميل

توبليرون و الايمان معجبون بهذا.

توبليرون · 21-06-2020, 04:54 PM

اقتباس : المشاركة الأصلية كتبت بواسطة RawanAH

أبداً أبداً مافي أي ملل بل تزيد تشويق أن ننتهي من قراءة التقرير بشكل متواصل ، كل الشكر لكي عزيزتي جوهرة هذا المنتدى أم حسين وعلى تقاريرك ومواضيعك المميزة والجميلة التي تضيف لهذا المنتدى الجميل

تسلمين يا الغاليه
انتي اللي خووش اللي رجعتينا لتفاصيل هالرحله الجميله
تابعي وان شاءالله بتستمتعين
شكراا لج يا عسل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
جولة في هايد بارك ( لندن ) .. Hyde Park	فريق التطوير	بوابة بريطانيا	16	05-06-2017 01:32 PM
قرية بريطانية للبيع	احمد الحربي	البوابة السياحية	24	02-05-2016 05:07 PM
السفر من دولة والرجوع من دولة اخرى	Sajamug	فيزا	8	21-12-2015 03:00 PM
رحلتي إلى بريطانية وبعض مناطقها	أميره	اوروبا	29	03-11-2015 11:42 PM