السلام عليكم

تم الحجز لندن فندق هلتون متروبول
https://www.booking.com/hotel/gb/hil...ropole.ar.html

ما رأيكم فيه كموقع هل منطقة امنه للمشي؟
شنو ابرز الاماكن القريبه منه اقدر اروح لها مشي ؟

عطوني جدول 5 ايام يصلح لشخصين اول مره يزور لندن
مطاعم اسعارها معقوله وتكون اطلاله
اماكن تسوق
ومشكورين

و عليكم السلام ورحمه الله وبركاته

ما يتعلق في الفندق

من خلال رأي بعض الاصدقاء كانت لهم تجربه لا تعاد وهو خاضع للتجديد وهناك ادوار مجدده و هناك ادوار اثاثها قديم

وهو قريب من المطاعم العربية شارع ( الاجوررود ) و على بعد قرابة 1 كم من الاكسفورد و الهايد البارك

و لكم حرية الاختيار

-----------------

بما ان الزيارة ستكون في الشتــاء و الاجواء البارده و مده الاقامة قصيرة يفضل الحجز عن طريق الباصات المتوفرة هناك مثل شركة

Big Bus Tours

تقوم بجولة على اهم و ابرز معالم واسواق لندن لمده يوم او يومين على حسب رغبتك الشخصية

الهيلتون يكون في اخر الاجواررود ومنه تقدرين تمشين او تاخذين تذكره الباص الاحمر العادي للتجول الى كل مكان
في برامج خرايط للباص الاحمر
يعني اي مكان بتروحين له يعلمك اي محطه تقفين واي محطة يقف عندها
لازم تنتبهين على مسارك لان الباص ما يلف يعني يمشي خط مستقيم الى ان يقف باخر محطه
وتقدرين تسالين الكونسيرج بالفندق او اي شخص عن رقم الباص والمحطه

اما اذا تمشين اخذي الاجور رود كله ومنه توصلين الى تقاطع الماربل آرش اللي بيدخلك على الهايد بارك او تروحين للأكسفورد ويتفرع منه شوارع الريجنت والبوند ستريت بوتيكات الماركات العالميه

وبعد الاكسفورد منطقة البيكادللي سيركس وخلفها
ساحة الطرف الاغر وقريب منها الكوفنت غاردن
مطاعم وكافيهات وبوتيكات وعروض

بيغ باص اخذيه يوم او يومين ياخذك لاهم الاماكن السياحيه مثل ما قال اخوي خط الرحله

غيرت الفندق الى دبل تري هلتون ماربل ارش

سفرتي شهر 12ينفع اروح منطقة البحيرات ؟ او الريف

بالنسبة للمطاعم في عندك فرع واحد حلال لكنتاكي موقعة في earl's court تحديداً مقابل محطة earl's court و فيه سانديتش تونا عند صب واي و فيش برقر عند ماكدونالدز و فيه مطاعم حلال و عربية كثير في شارع العرب .
اما بالنسبة لمحلات الأيس كريم فيه عندك Wafflemeister + Ice Cream Parlour + Bubblewrap Waffle + milk train + وفيه ايس كريم فليك موجود بكل مكان و فيه محلات ايس كريم لذيذة كثير خصوصاً في لندن
اما بالنسبة للوجهات السياحية :~ اول يوم الذهاب big ben و ثم عين لندن و اخذ جولة في نهر التايمز و مشاهدة الناس الّي تستعرض عند عين لندن و ركوب لعبة قوية حول عين لندن و فيه معارض كثير هناك مثلاً london doungeon اليوم الثاني زيارة الكوڤنت قاردن ثم شارع اوكسفورد اليوم الثالث زيارة حديقة الهايد بارك و المشي فيها لمسافات طويلة و استأجار سياكل و قوارب و إطعام البط و الوز و فيه هناك واحد يبيع ايس كريم لذيذ تقريباً ثم الذهاب لهارودز و هارفي نيكلز ، اليوم الرابع زيارة قصر باكنجهام لازم تجي مبكر علشان تحجز موقع مناسب لمشاهدة الأستعراض ثم الذهاب لترافلجار اسكوير ثم ميدان بيكاديلي و زيارة عالم M&Ms و فيه محل جميل مقابل M&Ms ، اليوم الخامس زيارة متحف الشمع ثم سلفردجز أو الذهاب لثوروب بارك أو الذهاب لبيستر فيليج

ما يمديكم اذا رحلتكم خمس ايام


Sent from my iPhone using Tapatalk

البحيرات بعيدة جدا وفي هذا الوقت بالذات باردة جدا واغلب الفعاليات مغلقة لا انصحكم ابدا طالما فترة زيارتكم للندن قصيره وحلاتها في الصيف البحيرات


ماادري ليه الناس تتكلم عن البحيرات كثيرا بالعلم ان فيه مناطق افضل واجمل واقرب من لندن منها لكن المثل الي يقول حشر مع الناس عيد

الله يوفقكم ويكتب لكم مافيه الخير

اليوم الاول : احرصي انك تحجزين في البق بص يوم ويجي معه خصم لثلاث معالم يمكن تزورينها من عدة معالم ( متحف الشمع -عين لندن - شريك - الاكواريوم - بيت الرعب )
طبعاً البق بص يوم كامل من تقريباً 9 الا ربع صباحاً الى الساعه 7 مساءاً .. مرره حلو الباص لانه يدور فيك ويعرفك بمعالم ومناطق لندن .. واحرصي انه يكون فيه ترجمه بالعربي لغتك الانجليزيه مش بيرفكت .. وتقدرين منها تنزلين اي مكان وترجعين للباص .. لان الباصات متواجده كل ربع ساعه عن المحطه المخصصه لها
2- الاكسفورد وفيها الماركات المتداوله عندنا .. باستثناء حبيب القلب بريمارك .. وطبعاً تجمع الماركات كلها عند سيلفرجز .. ومنها تقدرين تمرين الشوارع اللي قالوا لك عنها في الردود .. واذا امداك روحي هارودز .. طبعاً تحتاجين سياره لانها بمكان ثاني .وللمعلوميه .. ترى هارودز موجود في مطار هيثرو .. مش كبير بس يمديك تاخذين منه هدايا
3- اليوم الثالث راحه بعد الشوبينق .. روحي الهايدبارك .. مع اني حبيت الريجنت بارك اكثر منها .. الهايدبارك صايره كانها غابه .. الريجنت يسمونها حديقة الزهور وفيها حديقة حيوان .. مادخلتها ابصراحه فما اعرف عنها شي
4- اليوم الرابع .. الصباح بدري اطلعي لقصر باكنغهام .. والافضل قبل الساعه 11 عشان يمديك تشوفين تبديل الحرس .. ومنها روحي كوفنت قاردن .. واذا كان يوم الاحد احلى واحلى .. بس انتبهي لشنطتك على قولتهم .. انا عن نفسي ماحسيت بزحمه لدرجة اني بنسرق وانا ماادري ..
5- اليوم الخامس بيستر فيليج ..
ورحله سعيده باذن الله