dinosaur planet عالم الديناصورات

opera_kw · 19-09-2017, 12:15 PM

السلام عليكم ورحمه الله وبركاته

في الفتره من 29/8/217 الي 10/9/2017 كنت مسافره تايلند

لكن هالمره ماراح اكتب تقرير مفصل للرحله بس بذكر بعض الاماكن اللي ممكن تفيد اعضاء المنتدى الكرام

في عطله عيد الاضحى المبارك كنت موجوده في بانكوك وقبل السفر قررت ابحث عن اماكن للاطفال
و بعد البحث لقيت مكان يسمى:

عالم الديناصورات او حديقه الديناصورات

قريت عنه شوي و خذيت العنوان و حطييته من ضمن الرحله

Location: Sukhumvit Road, Phrom Phong (next to Benjasiri Park)

هذا مكانهم ابد مايضيع بالضبط على امتداد مول ام كوارتير

The EmQuartier

لكن قبل ما اروح انا ماني عارفه موقعه بالضبط بس عارفه الشارع

وكلمنا السايق اللي بوصلنا وقال اوكي

لمن وصل الشارع توهق مو عارف المكان

شغلت له قوقل ماب ووصلنا

المكان يعتبر صغير و لكنه ممتع للاطفال

والاغلب اللي رايحيين رحلات مدرسيه

عند البوابه حجزنا تذاكر الدخول

وعطونا خريطه المكان

وهذا المكان من الخارج

وهذا الدولاب

اللي معروف باسم الاي

واسمه هني دينو اي

مو من ضمن سعر تذكره الدخول

اول مكان دخلناه كان عباره عن تعرفئه لنشئه الديناصورات وكيف انقرضت

بالبدايه فيلم و بعدين ننتقل لغرفه ثانيه

يشرح لنا شوي وبعدها عرض سينمائي بسيط

وبعدها نتقل لهذي القاعه

هياكل عظميه وبيض ديناصورات

مادري عن مدى صحه ماهو مكتوب

وهني مكان مغلق بالزجاج

يعني تمثيل لمختبر مع مجموعه من العلماء

ومولود لهم مولود جديد

طلع من البيضه

شوي و تطلع اصوات جهاز انذار

والعلماء يأشرون لنا انبطحووو

ولا الديناصوره الام قادمه بكل قواها تتطمن عالمولود

الوضع كان اكشن اليهال استانسو

وطلعنا من هذا المكان

الى

المكان عباره عن تمثيل للمخيم الاستكشافي والسياره تبعهم وشنو يلبسون والادوات اللي يحتاجونها للتنقيب والبحث

يتبع ....

AL Tunaiji, فيصل, فهد المنيع و 5 آخرون معجبون بهذا.

opera_kw · 19-09-2017, 12:38 PM

بعدها

دخلنا حديقه الديناصورات

والتعرف على الانواع

على فكره في مواعيد عروض حيه للديناصورات بس ماكان بوقتنا

اطفال المدارس في رحله مدرسيه

وفي النهايه في مطعم للي حاب ياكل وجبه

بعدها دخلنا كونتينير مغلق

و في شاشه

و بعد العرض عالشاشه يفتحح الكونتينر و يقولون لنا

rUN rUN

في ديناصور منحاش

وهنا تبدأ المتعه

بصراااحه وايد كان وناسه انا استانست

والاطفال مستمتعيين عالاخر

الديناصور يطلع من القفص ويبدي يلحقنا واحنا ننحاش

والمكان عباره عن متاهه

نطلع من مكان ندخل مكان

هذا قبل لا يطلع

وهني لمن طلع وبدا يركض ورانا

اهم شي انه احنا صرنا نركض وراه

ندوره وينه علشان يلحقنا

و اخيرا صادوه وردوه القفص

واحنا رحنا لمكان ثاني

يدخلونا بمركبه و نلبس نظاره ونشوف 3 دي

وبعده اخر محطه

مكان للعب الاطفال

وهذا عرض

7 دي

توقفون عالمسرح و يصورونكم

والتصوير يعدل بالكمبيوتر فيصير كأنكم بالبحر و معاكم بطاريق و اسماك

و هذي منطقه لعب للاطفال غير مشمول بتذكره الدخول

واخيرا قبل الخروج محل لبيع التذكارات للمكان

المكان اعطيه 6 من 10

يعني للاطفال فقط او المهتمين

يعني لو كان المكان اكبر و في العاب اكثر او حتى سينما ايماكس

عموما كانه المتحف العلمي عندنا بس بتطور اكثر

يعني يصلح لطلبه المدارس اكثر من السواح

يمكن لو كنا موجودين وقت العرض كان بيكون ممتع اكثر

بس يعتبر تجربه و اكتشاف للمكان

AL Tunaiji, فيصل, الايمان و 6 آخرون معجبون بهذا.

فيصل · 21-09-2017, 09:11 AM

وعيكم السلام ورحمة الله وبركاته

مكان جميل للأطفال

معيشينهم الدور

اعجبني البيضه وكذلك الديناصور الأم وهروب الديناصور

مخليك متصور أنه حقيقه

شكرا لك

الايمان و سوسو الصغيرة معجبون بهذا.

فهد المنيع · 21-09-2017, 10:20 AM

رحلة ممتعة للاطفال وفيها اكشن جميل ..

طول عمرهم يسمعون بالدينصور ولا قد شافوه قدامهم ولو بشكل مجسم .. نشكرك على التجربة الجميلة

فيصل, الايمان و سوسو الصغيرة معجبون بهذا.

الايمان · 21-09-2017, 07:11 PM

ليش يا اوربرا ماتسوين تقرير كامل
تقراريج رائعه ومميزة
نبي تقرير من ايدج واكيد كل سفره لتايلاند فيها اضافه وصور جديدة
قعدتي المدة كلها في بانكوك؟

سوسو الصغيرةمعجبون بهذا.

الايمان · 21-09-2017, 07:12 PM

شاخبار تقرير لندن
ياريت تكملينه ناطرينج يا عسل

q8ya metnaqla · 23-09-2017, 10:09 PM

ما شاءالله والله خوش مكان لليهال حلووو وناسه وتعليم واكشن

تسلم الايادي
انتي كريمه واحنا نستاهل لو تقرير صغير

سوسو الصغيرةمعجبون بهذا.

آخر مواضيع q8ya metnaqla

- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

opera_kw · 26-09-2017, 08:26 AM

اقتباس : المشاركة الأصلية كتبت بواسطة فيصل

وعيكم السلام ورحمة الله وبركاته

مكان جميل للأطفال

معيشينهم الدور

اعجبني البيضه وكذلك الديناصور الأم وهروب الديناصور

مخليك متصور أنه حقيقه

شكرا لك

عفوا

وشكرا للمتابعه

اقتباس : المشاركة الأصلية كتبت بواسطة فهد المنيع

رحلة ممتعة للاطفال وفيها اكشن جميل ..

طول عمرهم يسمعون بالدينصور ولا قد شافوه قدامهم ولو بشكل مجسم .. نشكرك على التجربة الجميلة

شكرا عالمتابعه

الاطفال وبالذات الاولاد يستمتعون جدا بالاكشن والحركه

opera_kw · 26-09-2017, 08:29 AM

اقتباس : المشاركة الأصلية كتبت بواسطة الايمان

ليش يا اوربرا ماتسوين تقرير كامل
تقراريج رائعه ومميزة
نبي تقرير من ايدج واكيد كل سفره لتايلاند فيها اضافه وصور جديدة
قعدتي المدة كلها في بانكوك؟

اقتباس : المشاركة الأصلية كتبت بواسطة الايمان

شاخبار تقرير لندن
ياريت تكملينه ناطرينج يا عسل

شكرا ايمان ..

لا كانت السفره بين بوكيت وبانكوك

بس ما احس انه في شي يديد ممكن يفيد و ان شالله في بعض الاشياء بكتبها بس كل شي بتقرير بروحه بس تقرير كامل مفصل ما اتوقع

اما تقرير لندن تكيسلت عنه او بالاصح انشغلت وااايد بين بسفرات قصيره والدراسه والاطفال و رمضان والعيد ووايد اشياء فما مداني اكمله
وما احس احد مهتم هالكثر على قد مايحبون لندن لكن عموما في وايد تقارير مميزه حلوه

الايمانمعجبون بهذا.

opera_kw · 26-09-2017, 08:32 AM

اقتباس : المشاركة الأصلية كتبت بواسطة q8ya metnaqla

ما شاءالله والله خوش مكان لليهال حلووو وناسه وتعليم واكشن

تسلم الايادي
انتي كريمه واحنا نستاهل لو تقرير صغير

شكرا ابرار

ان شالله بس مو تقرير كامل مو مصوره وايد .. اغلب الصور تصورو بسناب ما صورت شي للمنتدى
كانت رحله راحه واستجمام بعيد عن كل الاجهزه والكاميرات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عالم من الاحداثيات ..سويسرا وما جاورها	Medo 77	بوابة سويسرا	30	03-08-2019 06:16 AM
عامل يمني في السعودية	المستخدم1	فيزا دول اخرى	2	13-07-2016 02:19 AM
حديقة بالوزا لاند بمراكش وعالم الديناصورات	sniper.ksa	بوابة المغرب	8	10-03-2016 10:54 PM
طريقة مبتكرة وجديدة للتصوير، تسمي الكوكب الصغير أو Tiny Planet	وليد عنبه	بوابة الكاميرات	11	29-06-2015 10:52 PM