السلام عليكم

ان شاء الله انا مسافر الى جنوب افريقيا لمدة أسبوعين في يناير القادم ان شاء الله , وراح تكون رحلة استجمام وترفيه و ( كيافه ) مثل مايقولون

اخذت فرة على المواضيع واستفدت كثير عن البلد الجميل ..

لكن انا محتاج منكم حاجات بسيطة :

1- مبدئياً رحلتي راح تكون في ( جوهانزبرغ - كيب تاون ) فهل هناك مدن أخرى تستحق الزيارة او تشتهر في شي لايوجد في باقي المدن او العالم ؟

2 - السكن راح يكون مابين منتجع - شقق - عوائل , فهل من نصائح بخصوص الأسعار والمواقع ؟

3 - الرحلة استجمام وترفيه درجة أولى .. يعني مافيه هدايا فما هي الفعاليات التي تستحق المغامرة ؟

4 - هل هناك مكاتب سياحية معتمدة انسق معها من هنا ؟ او الأفضل التنسيق معهم عند الوصول ؟

5 - بحكم اني مسافر لحالي ان شاء الله , مااستغني عن نصائحكم خصوصا انها المرة الأولى كمسافر وحيد خارج المملكة , وانا متكيف ومتقبل جدا للسفر وحيداً ولله الحمد

وعليكم السلام

ما شاء الله،، اختيار موفّق بإذن الله.

أنصحك تشوف مواضيعي في المنتدى، بتحصل الاجابات على استفساراتك.


https://www.arabtrvl.com/vb/t20122.html


https://www.arabtrvl.com/vb/t22297.html


وطبعا لازم تضيف منطقة الجاردن روت لجدول رحلتك
لأنها منطقة رائعة للاستجمام والقيام بعدة أنشطة.

وما يحتاج تحجز مع أي شركة سياحة،،
بس لازم تأجّر سيارة لسهولة التنقل هناك.

أنا عندي ملف وورد فيه تفاصيل رحلتنا السابقة لجنوب افريقيا
بتستفيد منه إن شاء الله..
بس أرسل لي ايميلك على الخاص.

السلام عليكم اخوي حسام الفهد

حاليا انا متواجد في كيب تاون لي حدود الشهر وباقي لي ٣ شهور وارجع للسعودية

قبل كل شي هنا الحياة نهارية وليست ليلية، يعني تحصل بعض المحلات تقفل من الساعة ٦ وبعضها من ٩ الليل،


انتبه من الخروج وحيدا بالليل من بعد الساعه ٧
خل روحاتك وجياتك مع اوبر، اريح لك وافضل، وايضا رخيييص، ويفضل ان تربط الفيزا بحسابك باوبر وهذا اللي انا مسويه وارتحت عليه.

افضل ماء للشرب هي نسلته، وبتحصل ماء مكتوب فيها still هذي اللي تشربها عادي مو غازيه.

افضل اماكن الصيد هي قريبة بجوهانسبيرج.

عملة البلد هي الراند،، وسعر صرف الدولار افضل من سعر صرف الريال،، السوق السودا يصرفون لك افضل.

الالكترونيات غالية، لكن الشي المحلي رخيص
الشحاذين لا تعطيهم وجه ابد، وبعضهم يكون شغله مثل العصابات بحيث انه يشحذ منك واذا سويته له شي او اعطيته فلوس تجمعو عليك ربعه،


البلد جميل جدا، وبترتاح فيه باذن الله،

حاليا ما ببالي شي لاني لسة ما تمشيت كثير، لكن ابشر اخبرك بعدين باذن الله،

بعد تفكير طويل ، قررت اني اسافر فقط الى كيب تاون ، وراح اجلس فيها 12 يوم تقريبا وعلى متن الخطوط الاماراتية ( القصيم - دبي - كيب تاون )

كان بالامكان الحجز عبر خطوط اخرى ( الاثيوبية - الكينية ) ارخص كثير لكن خطوط غير موثوقة ولم اجد من يمدح هذه الخطوط.

فما هي الفعاليات الي ممكن اسويها في كيب تاون ؟ بخلاف التسوق

مثل المدينة المائية ، سفاري ، ملاهي ، اوكواريوم ، متاحف ، مقاهي ومطاعم ... الخ

وايضا .. مااستغني عن نصائحكم لاني مسافر لحالي واحتمال كبير اسكن مع عائلة لاني احب اشوف بنفسي كيف يعيش الشعب المحلي حياتهم في اي دولة ازورها وجنوب افريقيا هي بدايتي.

اقتباس :  المشاركة الأصلية كتبت بواسطة طاب الخاطر السلام عليكم اخوي حسام الفهد حاليا انا متواجد في كيب تاون لي حدود الشهر وباقي لي ٣ شهور وارجع للسعودية قبل كل شي هنا الحياة نهارية وليست ليلية، يعني تحصل بعض المحلات تقفل من الساعة ٦ وبعضها من ٩ الليل، انتبه من الخروج وحيدا بالليل من بعد الساعه ٧ خل روحاتك وجياتك مع اوبر، اريح لك وافضل، وايضا رخيييص، ويفضل ان تربط الفيزا بحسابك باوبر وهذا اللي انا مسويه وارتحت عليه. افضل ماء للشرب هي نسلته، وبتحصل ماء مكتوب فيها still هذي اللي تشربها عادي مو غازيه. افضل اماكن الصيد هي قريبة بجوهانسبيرج. عملة البلد هي الراند،، وسعر صرف الدولار افضل من سعر صرف الريال،، السوق السودا يصرفون لك افضل. الالكترونيات غالية، لكن الشي المحلي رخيص الشحاذين لا تعطيهم وجه ابد، وبعضهم يكون شغله مثل العصابات بحيث انه يشحذ منك واذا سويته له شي او اعطيته فلوس تجمعو عليك ربعه، البلد جميل جدا، وبترتاح فيه باذن الله، حاليا ما ببالي شي لاني لسة ما تمشيت كثير، لكن ابشر اخبرك بعدين باذن الله،

الله يعطيك العافية اخوي وبصراحة افدتني كثير ومااستغني لو عندك معلومات اكثر ، وفعلا اوبر هو خياري الاول بالتنقل .. لكن هل من الادب الركوب بالخلف ولا امام جنب السائق ؟ خبرك حنا دايم نركب قدام ف ماادري عنهم

اقتباس :  المشاركة الأصلية كتبت بواسطة أم نووووف أعتقد لأن جوهانسبرغ مب من الأماكن السياحية اللي الناس تحرص على زيارتها مثل كيب تاون. وأغلب اللي يسيرونها يكون بسبب إن حجز الطيران يكون من بلدهم على جوهانسبرغ، وما يقعدون فيها غير يومين بس. على العموم، بتحصل معلومات في ها التقارير.. جزاهم الله خير https://www.arabtrvl.com/vb/t15614.html https://www.arabtrvl.com/vb/t15536.html

ممكن صحيح لاني حتى انا لما اقرأ تقرير عن جوهانزبرغ فهو لايكون بروعة وايجابية تقارير كيب تاون

اختيار الاماراتية موفق
اما جوهانسبرج المميز فيها هو ساندتون سيتي
وهي مدينة متكاملة داخل مدينة وتحتاج يومين لزيارة محلاتها وفعالياتها
لذا دوما السكن فيها او حولها و اذكر فيها 4 فنادق
انا سكنت في فندق مايكل انجلو بس اتوقع غالي

النصيحة الاهم في كيب تاون هي البعد عن حي بوكاب تماما
لاتسكن فيه ولا مع عائلة سكنها فيه
كمان لاتتكلم او تتناقش ابدا مع الشحادين

ولا انصحك بالسكن مع عائلة بل لوحدك عشان تبتعد عن السرقات
دور سكن رخيص لوحدك واذا ما لقيت ممكن ارشح لك