مطعم (فريج صويلح للأكلات الكويتية) السالمية

Bu Rashid · 07-10-2017, 12:08 AM

تحية طيبة لأعضاء منتدى العرب المسافرون

خلال رحلتي إلى دولة الكويت الحبيبة خلال الفترة من (1 ـ 4 أكتوبر 2017) تم زيارة مطعم (فريج صويلح للأكلات الكويتية) في منطقة السالمية، وهذي الزيارة الرابعة لي لهذا المطعم، والذي زرته سابقاً خلال الأعوام (2011+2012+2013+2014)، وهذي المرة راح أسوي لكم تقرير بسيط عن هذا المطعم وأذكر لكم إيجابيات وسلبيات هذا المطعم، وبسم الله نبدأ

هذه سيارة المطعم المعروفة

وهذا المطعم من الداخل ويبين فيه شخص اللي يبيع الحلا الخاص بمطعم صويلح

وهذه قائمة طعام المطعم

وهذي الطعام اللي طلبناه من المطعم
1. قبوط

2. موش ربيان

3. مجبوس لحم

4. مجبوس دجاج + 5. البطاطس

6. عصير ليمون ونعناع

الفاتورة الطعام : 12.900 دينار كويتي

بصراحة المطعم معروف والكل يعرفه والكل راح له، وآنه بالنسبة لي من أفضل مطاعم الأكل الشعبي، من ناحيه جوده وطعم الأكل ومن ناحيه السعر، وبالمقارنة بينه وبين كافيه بزة هناك فرق شاسع جداً بينهم من ناحيه السعر ولذه الأكل.

بخصوص زحمه المطعم، الحمدلله يوم نروح ما كان فيه أي زحمه والحمدلله سيدة قعدنا على طاولتنا ولا وخيرونا بأي طاولة نبي .. بعض الأحيان تصير زحمة مو طبيعية وتعال أنطر دورك بالنص ساعة إلى ساعة كامة ..

تقبلوا تحياتي
أخوكم بو راشد

توبليرون, q8ya metnaqla, namareq و 5 آخرون معجبون بهذا.

توبليرون · 07-10-2017, 12:56 AM

بالعافيه يابو راشد
ونورتو الديره
الحمدلله ان ما حاشتكم الزحمة
اكيد انت رايح بايام الدوامات فما تشوف زحمة
الاطباق لذيذه واشرايك بالقبوط ؟

الايمانمعجبون بهذا.

بن قوت · 07-10-2017, 01:56 AM

بالعافية على قلوبكم

ويستاهل مطعم فريج صويلح العنوه
احسنت في تصوير المينيو للاستفادة للجميع
ياخذون فكرة عن الاطباق واسعارها

الايمانمعجبون بهذا.

Bu Rashid · 07-10-2017, 07:48 AM

الله يعافيج يا أم حسين
منوره بوجود أهلها
إي والله الحمدلله أول مرة أروح المطعم هدوء ومافيه أي زحمه
لأني رايح في يوم دوامات ورايح شويه متأخر على الساعة 3:30
بخصوص القبوط حلو ولكن طلبته قبل من عندهم كان أحلى بوايد
هذي المرة كان غالب عليه طعم الليمون الأسود وايد وأنا ما أحب الليمون الأسود بكثرة

Bu Rashid · 07-10-2017, 07:50 AM

الله يعافيك يا أخوي بن قوت
وأنا دائماً إذا بسوي تقرير عن مطعم أول شيء أصور المينيو
علشان اللي بيروح تكون عنده فكرة عن الأطباق والأسعار

q8ya metnaqla · 07-10-2017, 02:27 PM

عليكم بالعافيه الاطباق الذيذه وحبيب الجمهور فريج صويلحفعلا اسعاره وايد ممتازه والاكل احسن من بزه بوايد
والله توقعت القبوط مايعجبك مبين فيه البهارات زايده من لون المرق
عوافي عليكم

الايمانمعجبون بهذا.

آخر مواضيع q8ya metnaqla

- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور
- هنـا وطـن اشعـار تكتـب فعشقـو معـروف للعـالم بمجدو انجازاتو تابته واللـه في قلب أرضـو
- مركاز العرب المسافرون 11
- إندونيسيا استفسارات

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

Bu Rashid · 07-10-2017, 02:45 PM

الله يعافيج أختي كويتية متنقلة
مطعم فريج صويلح اللي ما يروحه كأنه ما راح الكويت
صح كلامج شكله البهارات زايده في القبوط لأن طعمه كان فيه مروره
وكان اللومي الأسود طعمه طاغي على الطعم

قصة حبمعجبون بهذا.

namareq · 07-10-2017, 10:10 PM

القبوووط مو قبوط
المره اليايه جرب الكاشونه اكلهم اطيب بس اسعاره اغلى
بالنسبه لي فرعه بجيت مول افضل من اللي ب 360
جرب عندهم المربين او قاع الجدر او مطبق الهامور وادعي لي

namareq · 07-10-2017, 10:18 PM

نسيت اقول لك بعد سلطة الكينوا عندهم مميزه

Bu Rashid · 08-10-2017, 07:11 AM

هلا أختي نمارق
شنو يعني القبوووط ؟؟ وليش سموها جذي ؟؟
إن شاء الله بحفظه عن في المذكرات حق السفرة الجاية بإذن الله
ومشكورة على النصائح

الايمانمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السلام مول ..السالمية ..	توبليرون	بوابة الكويت	45	22-07-2017 11:46 PM
مطعم فريج بن عاقول للمأكولات الكويتية	فتاة الدمى	بوابة السعودية	21	29-04-2016 06:43 AM
بيكلز ... السالمية	الايمان	بوابة الكويت	24	18-07-2015 06:41 PM