الجزء الرابع : همسة جميلة و فعلاً نحتاج لمثل هذي الطريقة في التفكير
محد يستنكر فعل الثاني و على ماقالوا اخواننا المصريين كل واحد ينام على الجنب الي يريحوو
عندي أصدقاء مقربين مني جداً و أحبهم لكن مستحيل نسافر مع بعض لأن السفر بالنسبة لنا شي مختلف
بالنسبة لي .. استكشاف و التعرف على ثقافات الشعوب و استمتاع بالطبيعة بسعر معقول ..
بالنسبة لهم .. رفاهية و فخامة وتسوق و الذهاب للأماكن المشهورة و الاستمتاع بالصرف ..
انا استمتع و هم يستمتعون و المفروض ان محد ينقد على الثاني ..

و بخصوص الرحلة الجميلة ..
انا في رحلتي للشمال كنت حاط احداثيات لكهفين .. هذا الي انت زرته , و كهف ثاني بعد هامسكوي باتجاه توكات ..
و انا كنت ناوي أزور الأول و اشوفه جميل و الناس يصورونه , لكن توجهت للثاني وندمت , متعب و مايستاهل .
و دير صوميلا و هامسكوي ماجيتها لان تأخرنا و نزل الضباب و ماقدرنا ندخل , اتوقع انها من اجمل اماكن الشمال و تمنيت لو رجعت لها بدل ما رحت حيدر نبي

لأن حيدر نبي بتنا فيها يوم , و هي جميلة حقيقة لكن فيها سلبيات كثيرة ما أعتقد اني بازورها مرة ثانية
منها كثرة الطين و الوحل , الأرض دايماً رطبة بشكل يفسد عليك الرحلة , و ثانياً ناسها يخوفون >< تشوف الفشق و الرصاص على الأرض و العلامات في الشارع مبين انها مضروبة بسلاح . و تسمع اصوات الطلق في الليل و صار لي و لغيري مواقف سلبية مع اهل المنطقة .. و الضباب فيها كثيف أغلب الوقت اكثر من باقي الأماكن ..

مسارك جميل لكنه متعب فعلاً , الله يعطيك العافية

الجزء الخامس :
انا الصراحة ما أحب المكان الي فيه عرب كثير
مب لاني اكره اشوفهم .. لكن لأن المعاملة تتغير عليك
و يعاملك بناء على معاملته مع الناس الي قبلك
مثلاً لو كان قبلك واحد همجي و ترك الغرفة وراه وسخه و بصورة غير جيدة
يعتقد ان انت بتكون مثله .. لذلك المكان الي فيه عرب كثير المعاملة تكون لك عليها
التعميم خاطئ دائماً .. لكن كيف تشرح هالفكرة لكل الناس .

اوزنجول مبهرة حقيقة .. مهما ازدحمت تبقى من أجمل اماكن الشمال التركي
و ماشاءالله توفقت في فندق جميل .. و 10 دقايق مشي مب كثيرة , خاصة في الجو البارد
اطلالة رهيبة سواء في الغرفة او في المطعم .
حسيت و انت تكتب جزء اوزنجول ان شعورك كان انك تكتب شي مكرر و الكل كتب عنه هههه
بالعكس احنا نحب نشوفها بعيون كل الناس , على كثر مانشوف صورها ما نمل منها .

مستمتع بتقريرك وننتظر الجديد

ماشاء الله تبارك الله




صورة ساحرة أخاذة.. سبحان الذي خلق ...
الطريق إلى اوزنجول وصور النفق داخل الجبل أليمة ... الفندق جميل وما عليه كلام المهم نظيف والمطل هادىء ورايق.. والمطل لاوزنجول وكاسة الشاي مع هالمنظر شي ...
ماشاء الله جزء روعة والصور حكاية جميلة ..
يعطيك العافية ...

رااااااائع ..

يرتفع سقف الجمال بحضور ( أوزنجول )

قرية تعطيك بتمكن كل ماتنشده ذائقتك ...

بالنسبة لي شخصياً ... تزداد بهاءً خارج الموسم السياحي ...

الهدوء والانشراح والسعة ( سمات ) للأرياف ... تفتقدها مع الازدحام ...

خصوصاً وأنها سياحة عائلية ( درجة أولى ) ..

الفندق مميز .. والبعد عن البحيرة أراه إيجابي أكثر من كونه سلبي ...

إطلالة المقهى سااااحرة ... ظننت مقهى كوم .. هو الوحيد الذي يقدم هذا الجمال ...

دائماً تسعدنا اطلالتك