مدري نحزن ان تقريرك خلص او نفرح ان هالموسوعة الجميلة اكتملت ؟

عموماً كل اللي أقدر أقوله نهنىء أنفسنا بوجود شخص مبدع مثلك ويانا

أما بالنسبة للهمسة الأخيرة

فذكرتني بموقف سجلته في النوتات لتقريري
وكنت ناوية أذكره هناك

لكن حسيت إني لازم أعلق هني

كتبت ما يصير نعلق على واحد شعره منكوش
المشكلة الموقف استفزني جداً

كنا عند البوابة المغادرة للبحرين
و أشوف طفلة شعرها مو منكوش .. شعرها غير ممشط
الطفلة جميلة ما شاء الله بس منظر شعرها يقهر

و طول ما احنا ننتظر الطيارة .. هالطفلة تلعب و تلف في المكان
و كانت للاسف شوي تلعب بإزعاج و مرتين ضربت طفلة ثانية

و احنا راكبين الطيارة
طلعت اللي معاها الحرمة اللي قاعدة مقابلتني

جميلة .. فيها شبه من الطفلة
كاشخة آخر كشخة بالعباية النظيفة و المرتبة و المكياج
و كانت طول وقت الانتظار مشغولة بتلفونها !! تصور و تضحك و مكالمات !!

معليش بس مواقف مثل هذي تستحق الاستنكار

وتشوه صورتنا كلنا مو هي بس